မြန်မာနိုင်ငံရေးအခက်အခဲများ အဆုံးသတ်နိုင်အောင် နိုင်ငံတကာအဖွဲ့အစည်းများဝိုင်းဝန်းကြိုးပမ်းဖို့ ကုလသမဂ္ဂအတွင်းရေးမှူးချုပ် တိုက်တွန်းတောင်းဆို
ဂျန်ဇက် (NSS) - စက်တင်ဘာ ၇
နိုင်ငံတကာအဖွဲ့အစည်းများအနေနဲ့လည်း မြန်မာနိုင်ငံရေးအခက်အခဲကို အမြန်ဆုံးအဆုံးသတ်နိုင်အောင် မဟာဗျူမြောက် စည်လုံးညီညွတ်စွာနဲ့ ဝိုင်းဝန်းကြိုးပမ်းပေးစေလိုကြောင်း ကုလသမဂ္ဂအတွင်းရေးမှူးချုပ်က တိုက်တွန်းတောင်းဆိုလိုက်ကြောင်းသိရပါတယ်။
ကုလသမဂ္ဂအတွင်းရေးမှူးချုပ် ဂူတာရက်စ်က မြန်မာနိုင်ငံရှိ နိုင်ငံရေးအကျဉ်းသား အားလုံးကို ချက်ချင်းပြန်လွှတ် ပေးပြီး ဒီမိုကရေစီလမ်းကြောင်းအပေါ် ပြန်လည်လျှောက်လှမ်းစေလိုကြောင်း တိုက်တွန်းတောင်းဆိုလိုက်ပါတယ်။ ဂူတာရက်စ်ဟာ စက်တင်ဘာလ ၇ ရက်ကကျင်းပခဲတဲ့ အာဆီယံထိပ်သီးအစည်းအဝေးမှာ မိန့်ခွန်းပြောဆိုချိန်အတွင်း အခုလိုမျိုးပြောဆိုခဲ့တာဖြစ်တယ်လို့သိရပါတယ်။
ကုလသမဂ္ဂအတွင်းရေးမှူးချုပ်ဂူတာရက်စ်က "မြန်မာနိုင်ငံရဲ့အခြေအနေတွေဟာ ၂၀၂၂ ခုနှစ် အာဆီယံထိပ်သီးအစည်းအဝေးမှာ အာဆီယံခေါင်းဆောင်တွေနဲ့တွေ့ဆုံပြီးနောက်ပိုင်း ပိုဆိုးလာနေတယ်။ ရခိုင်ပြည်နယ်အပါအဝင် မြန်မာနိုင်ငံရဲ့နိုင်ငံရေး၊ လူသားချင်းဆိုင်ရာစာနာမှုအကူအညီပေးရေးနဲ့ လူ့အခွင့်အရေးအခြေအနေတွေဆိုးရွားလာတာကို စိုးရိမ်မှုဖြစ်ရတယ်"လို့ပြောပါတယ်။
မြန်မာနိုင်ငံမှာဖြစ်ပွားနေတဲ့အကြမ်းဖက်မှုတွေကို ချက်ချင်းရပ်တန့်ပြီး မြန်မာနိုင်ငံရေးမှာပါဝင်နေတဲ့အဖွဲ့အစည်းအားလုံးတွေ့ဆုံဆွေးနွေးစေလိုကြောင်း၊ မြန်မာနိုင်ငံမှာ အကြမ်းဖက်မှုများဖြစ်ပွားနေခြင်း၊ ဆင်းရဲမှုနှုန်းမြင့်တက်နေခြင်းတွေဟာ ဒီမိုကရေစီလမ်းကြောင်းအပေါ် ပြန်လည်လျှောက်လှမ်းဖို့ မျှော်လင့်ချက်များကို ဖျက်ဆီးသလိုမျိုးဖြစ်နေကြောင်း ကုလသမဂ္ဂအတွင်းရေးမှူးချုပ်က ပြောပါတယ်။ မြန်မာနိုင်ငံရေးအခက်အခဲများကို အဖြေရှာနိုင်အောင် ကြိုးပမ်းနေတဲ့ အာဆီယံအဖွဲ့ရဲ့ ကြိုးပမ်းမှုများနဲ့ အာဆီယံသဘောတူညီချက်ငါးချက်ကိုလည်း အပြည့်အဝထောက်ခံကြောင်း အန်တိုနီဂူတာရက်စ်က ထည့်သွင်းပြောဆိုခဲ့ပါတယ်။
အင်ဒိုနီးရှားနိုင်ငံမှာကျင်းပနေတဲ့ အာဆီယံထိပ်သီးအစည်းအဝေးကို မြန်မာကိုယ်စားပြုအဖြစ် နစက တာဝန်ရှိသူများတက်ရောက်ခြင်းမရှိဘဲ မြန်မာနိုင်ငံရေးနဲ့ပတ်သက်ပြီး ကြေညာချက်များထုတ်ပြန်ခြင်းမျိုးဖြစ်နေကြောင်းသိရပါတယ်။ အာဆီယံအဖွဲ့ခေါင်းဆောင်များဟာ ၄၃ ကြိမ်မြောက်ကျင်းပတဲ့ အာဆီယံထိပ်သီးအစည်းအဝေးမှာမြန်မာနိုင်ငံကို လာမယ့် ၂၀၂၆ ခုနှစ်မှာ အာဆီယံအလှည့်ကျဥက္ကဋ္ဌအဖြစ် တာဝန်ယူခွင့်မပြုဖို့ ဆုံးဖြတ်ခဲ့သလို အကြမ်းဖက်မှုများလျှော့ချရေးနဲ့တွေ့ဆုံဆွေးနွေးရေးလုပ်ဆောင်ဖို့အပြင် အာဆီယံသဘောတူညီချက်ငါးချက်ကို မြန်မာနိုင်ငံရေးအခက်အခဲအဖြေရှာရာမှာ အဓိက ရည်ညွှန်းစရာအဖြစ်ဆက်လက်ထားရှိမယ်လို့ သတင်းထုတ်ပြန်ထားပါတယ်။
အာဆီယံအဖွဲ့ခေါင်းဆောင်တွေဟာ မြန်မာနိုင်ငံရေးအခက်အခဲကိုဖြေရှင်းနိုင်အောင် ရည်ရွယ်ပြီး အာဆီယံအလှည့် ကျ သုံးနိုင်ငံပူးတွဲချဉ်းကပ်မယ့်အစီအစဉ်ကိုလည်း လက်ခံသဘောတူညီခဲ့ကြောင်းသတင်းများထွက်ပေါ်ခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယနေ့ စက်တင်ဘာလ ၇ ရက်အတွင်း ဖြစ်ပွားခဲ့သော ပြည်တွင်းနှင့်ပြည်ပက သတင်းများ
RELATED POSTS
04 Oct 2024 | နိုင်ငံရေး,ပြည်တွင်း
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ