အမြင်သဘောထားကွဲလွဲမှုများကြောင့် အင်ဒိုနီးရှားကာကွယ်ရေးဝန်ကြီးနဲ့ အမေရိကန်ကာကွယ်ရေးဝန်ကြီးတို့ ပူးတွဲထုတ်ပြန်ချက်ထုတ်ပြန်နိုင်ခြင်းမရှိခဲ့ဟုဆို
ဂျန်ဇက် (NSS) - စက်တင်ဘာ ၁
အင်ဒိုနီးရှားစစ်တပ်အကြီးအကဲဟာ ပြီးခဲ့တဲ့သီတင်းပတ်က အမေရိကန်နိုင်ငံကို သွားရောက်တဲ့ခရီးစဉ်အတွင်း အမေရိကန်ကာကွယ်ရေးဝန်ကြီးနဲ့တွေ့ဆုံဆွေးနွေးပြီးနောက် ပူးတွဲသတင်းထုတ်ပြန်ဖို့ စီစဉ်ခဲ့ပေမယ့် တရုတ်နဲ့ ရုရှားနိုင်ငံကို ဝေဖန်ပြစ်တင်တဲ့အချက်တွေ ပါဝင်နေခြင်းကြောင့် ပူးတွဲထုတ်ပြန်ချက်ထုတ်ဖို့ ငြင်းပယ်ခဲ့ကြောင်း သိရပါတယ်။
အမေရိကန်ကာကွယ်ရေးဝန်ကြီးဌာနဟာ ပူးတွဲထုတ်ပြန်ချက် ထုတ်ပြန်ဖို့ ရေးသားခဲ့ပြီးအဲဒီအချက်တွေထဲမှာ ရုရှား နဲ့ တရုတ်နိုင်ငံတို့ကိုဝေဖန်ထားတဲ့အချက်တွေ ပါဝင်နေရာ အင်ဒိုနီးရှားကာကွယ်ရေးဝန်ကြီး က လက်မခံတဲ့ အတွက် ပူးတွဲထုတ်ပြန်ချက်မထုတ်ပြန်နိုင်ခဲ့ကြောင်း သိရပါတယ်။
အင်ဒိုနီးရှားကာကွယ်ရေးဝန်ကြီး ပရာဘိုဝီ ဆူဘီယာတိုက အမေရိကန်ရဲ့ထုတ်ပြန်ချက်ဟာ အင်ဒိုနီးရှားနိုင်ငံရဲ့ ရပ်တည်ချက်ကို ရည်ညွှန်းတယ်လို့ ပြောဆိုလို့မရကြောင်း၊ အင်ဒိုနီးရှားနိုင်ငံဟာ တရုတ်၊ ရုရှားတို့နဲ့ မိတ်ဆွေနိုင်ငံတွေဖြစ်အောင်ကြိုးပမ်းနေကြောင်း ပြောပါတယ်။
အင်ဒိုနီးရှားကာကွယ်ရေးဝန်ကြီးက "အမေရိကန်ကာကွယ်ရေးဝန်ကြီးနဲ့တွေ့ဆုံဆွေးနွေးပြီးချိန်မှာ ပူးတွဲထုတ်ပြန် ချက် မထုတ်ပြန်နိုင်ခဲ့ဘူး။ ပူးတွဲသတင်းစာရှင်းလင်းပွဲ မလုပ်နိုင်ခဲ့ဘူး။ ကျွန်တော်တို့ဟာ တရုတ်နိုင်ငံ နဲ့ အလွန် ကောင်းမွန်တဲ့ဆက်ဆံရေးရှိတယ်။ ကျွန်တော်တို့ဟာ အခြားနိုင်ငံတွေကို လေးစားရမယ်၊ အပြန်အလှန် နားလည်မှုရှိရမယ်။ ကျွန်တော်တို့ဟာ တရုတ်နဲ့ နီးစပ်တဲ့ဆက်ဆံရေးရှိနေသလို အမေရိကန်ကိုလည်း လေးစားပါ တယ်။ ရုရှားနိုင်ငံနဲ့လည်း မိတ်ဆွေဖြစ်အောင် ကြိုးပမ်းနေတယ်" လို့ ပြောပါတယ်။
အင်ဒိုနီးရှားကာကွယ်ရေးဝန်ကြီးဟာ လာမယ့်လတွေအတွင်းမှာ တရုတ်နဲ့ ရုရှားနိုင်ငံကို သွားရောက်ဖို့ စီစဉ်ထား ကြောင်း၊ ပြိုင်ဘက်နိုင်ငံများကြား အင်ဒိုနီးရှားနိုင်ငံက တံတားအဖြစ်ဆောင်ရွက်ပေးဖို့ မျှော်လင့်ထားကြောင်း ဆိုပါတယ်။ အမေရိကန်ကာကွယ်ရေးဝန်ကြီးလွိုင်အော်စတင်ကတော့ ပူးတွဲထုတ်ပြန်ချက်ထုတ်ပြန်ဖို့ စီစဉ်မှုနဲ့ ပတ်သက်ပြီး တစ်စုံတစ်ရာမှတ်ချက်ပြုပြောဆိုခြင်းမျိုးမရှိကြောင်း သိရပါတယ်။ အမေရိကန်အစိုးရကတော့ တရုတ်နဲ့ ရုရှားနိုင်ငံအပေါ် မကြာခဏ ဝေဖန်ပြစ်တင်လျက်ရှိနေတဲ့နိုင်ငံဖြစ်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နိုင်ငံအတွင်းကထွက်ဖို့ ငြင်းဆန်နေတဲ့ ပြင်သစ်သံအမတ်ကြီးကို အမြန်ဆုံးနှင်ထုတ်သွားဖို့ ရဲတပ်ဖွဲ့ကို နိုင်ဂျာစစ်အစိုးရ အမိန့်ပေး
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း