BRICS ထိပ်သီးအစည်းအဝေးနဲ့ တရုတ်-အာဖရိကခေါင်းဆောင်များရဲ့တွေ့ဆုံဆွေးနွေးပွဲကို တရုတ်သမ္မတရှီကျင့်ဖျင် ကိုယ်တိုင်တက်ရောက်မယ်
ဂျန်ဇက် (NSS) - သြဂုတ် ၁၈
တရုတ်သမ္မတရှီကျင့်ဖျင်ဟာ ၁၅ ကြိမ်မြောက် BRICS ထိပ်သီးအစည်းအဝေးနဲ့ တရုတ်-အာဖရိကခေါင်းဆောင်များရဲ့ တွေ့ဆုံဆွေးနွေးပွဲကို ကိုယ်တိုင်တက်ရောက်သွားမှာဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူ Hua Chunying က ပြောပါတယ်။
တရုတ်သမ္မတဟာ အဆိုပါအစည်းအဝေးများကိုတက်ရောက်ဖို့အတွက် အိမ်ရှင်အဖြစ် လက်ခံကျင်းပမယ့် တောင်အာဖရိကနိုင်ငံကို လာမယ့် သြဂုတ် ၂၁ ရက်က စတင်ပြီး ၃ ရက်ကြာ သွားရောက်မှာဖြစ်ကြောင်း တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရှိသူက ပြောပါတယ်။
BRICS ထိပ်သီးအစည်းအဝေးကို တောင်အာဖရိကနိုင်ငံ ဂျိုနသန်ဘတ်မြို့မှာ ကျင်းပမှာဖြစ်ပြီး တောင်အာဖရိက သမ္မတ ရာမာဖိုဆာ၊ ဘရာဇီးသမ္မတ လူဝစ် အင်နာစီယို လူလာ ဒါဆေးလ်ဗား၊ အိန္ဒိယဝန်ကြီးချုပ်တို့ဟာ သြဂုတ် ၂၂ ရက်ကနေ ၂၄ ရက်အထိ တွေ့ဆုံဆွေးနွေးသွားဖွယ်ရှိနေကြောင်း သိရပါတယ်။
ရုရှားသမ္မတပူတင်ကတော့ နိုင်ငံတကာရာဇဝတ်ရုံးရဲ့ဖမ်းဝရမ်းထုတ်ခံရခြင်းကြောင့် တောင်အာဖရိကနိုင်ငံကို သွားရောက်ချိန်မှာ ဖမ်းခံရဖွယ်ရှိနေတဲ့အတွက် BRICS ထိပ်သီးအစည်းအဝေးကို ကိုယ်တိုင်တက်ရောက်မှာ မဟုတ်ကြောင်း သိရပါတယ်။ BRICS အဖွဲ့ကို ဘရာဇီး၊ ရုရှား၊ အိန္ဒိယ၊ တရုတ်၊ တောင်အာဖရိကနိုင်ငံတို့နဲ့ ဖွဲ့စည်းထားပြီး၊ အဖွဲ့အစည်းကိုတိုးချဲ့သွားဖို့ အစီအစဉ်ရှိနေရာ လာမယ့်ထိပ်သီးအစည်းအဝေးအတွင်း အဓိကထား ဆွေးနွေးဖွယ်ရှိနေပါတယ်။
ဒါ့အပြင် တရုတ်သမ္မတရှီကျင့်ဖျင်ဟာ အာဖရိက-တရုတ်ခေါင်းဆောင်များဆွေးနွေးပွဲမှာ တောင်အာဖရိကသမ္မတနဲ့အတူ ပူးတွဲသဘာပတိတာဝန်ယူမှာဖြစ်ပါတယ်။ တရုတ်သမ္မတဟာ ဒီနှစ်အတွင်း ပြည်ပနိုင်ငံကို ဒုတိယအကြိမ်မြောက် သွားရောက်တာဖြစ်ပြီး ပြီးခဲ့တဲ့မတ်လက ရုရှားနိုင်ငံကို ချစ်ကြည်ရေးခရီးသွားရောက်ခဲ့ဖူးကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာနိုင်ငံ အပါအဝင် အာရှပစိဖိတ်ဒေသအတွင်းနိုင်ငံများနဲ့ စစ်ရေးပူးပေါင်းဆောင်ရွက်မှုများ ပိုမိုတိုးမြှင့် လုပ်ဆောင်မယ်လို့ ရုရှားစစ်ဘက်ပြော
RELATED POSTS
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ