ဂျူးလူမျိုး ၁၁ ဦး သေဆုံးအောင်တိုက်ခိုက်ခဲ့တဲ့သေနတ်သမားဖြစ်သူကို သေဒဏ်အပြစ်ပေးဖို့ အမေရိကန် တရားသူကြီးများဆုံးဖြတ်
ဂျန်ဇက် (NSS) - သြဂုတ် ၄
အမေရိကန်နိုင်ငံမှာ နေထိုင်နေတဲ့ ဂျူးလူမျိုး ၁၁ ဦး သေဆုံးအောင်တိုက်ခိုက်ခဲ့တဲ့ သေနတ်သမားဖြစ်သူကို သေဒဏ်အပြစ်ပေးခဲ့ကြောင်း အမေရိကန်ဖက်ဒရယ်တရားရုံးချုပ်က သြဂုတ် ၃ ရက်မှာ အမိန့်ချမှတ်ခဲ့ကြောင်း သိရပါတယ်။
ပြီးခဲ့တဲ့ ၂ဝ၁၈ ခုနှစ်က အမေရိကန် ကုန်ကားမောင်းသမား ရော်ဘတ် ဘိုဝါးစ် ဆိုသူဟာ Pittsburgh မြို့မှာ သေနတ်နဲ့ပစ်ခတ်တိုက်ခိုက်မှုများလုပ်ဆောင်ခဲ့ရာ ဂျူးဘုရားဖူး ၁၁ ဦးသေဆုံးကာ ၆ ဦး ဒဏ်ရာရခဲ့ကြောင်း သိရပါတယ်။ အဆိုပါပစ်ခတ်တိုက်ခိုက်မှုဟာ အမေရိကန်သမိုင်းမှာဖြစ်ခဲ့တဲ့ ဂျူးဆန့်ကျင်ရေးတိုက်ခိုက်မှုအတွင်း လူသေဆုံးမှုအများဆုံးဖြစ်ခဲ့ပါတယ်။ အမေရိကန်တရားသူကြီးတွေဟာ ဘိုဝီကို လူသတ်မှုများ ကျူးလွန်ခြင်းနဲ့ ပတ်သက်ပြီး ၂ဝ၁၈ ခုနှစ်က သေဒဏ်အပြစ်ပေးခဲ့ပေမယ့် အသက် ၅ဝ အရွယ်ရှိ ဘိုဝီဟာ ရည်ရွယ်ချက်ရှိရှိတဲ့ လူသတ်ဖို့ ကြိုးပမ်းခြင်း အပါအဝင် စွဲချက်ပေါင်း ၆၃ ခုနဲ့ စွဲချက်တင်ခံထားရသူဖြစ်ကြောင်း သိရပါတယ်။
ဘိုဝီဟာ ဂျူးများကို ပစ်ခတ်မှုကျူးလွန်ချိန်အတွင်း ဂျူးများသေဆုံးရမယ်လို့ ကြွေးကြော်မှုတွေလည်း လုပ်ဆောင်ခဲ့ ကြောင်း သိရပါတယ်။ ဘိုဝီရဲ့ပစ်ခတ်တိုက်ခိုက်မှုအတွင်း သေဆုံးခဲ့သူတစ်ဦးရဲ့မိသားစုဝင်က "တရားသူကြီးတွေကို ကျေးဇူးတင်ပါတယ်။ တရားသူကြီးတွေရဲ့ဆုံးဖြတ်ချက်က တရားမျှတမှုကို ဖြစ်စေခဲ့တယ်" လို့ ပြောပါတယ်။
ဒါ့အပြင် သေဆုံးမှုမှာ ပါဝင်တဲ့မိသားစုဝင်တစ်ဦးကလည်း "သေဒဏ် ပြစ်ဒဏ်ပြန်ပေးခဲ့တာက လွယ်ကူတဲ့ဆုံးဖြတ် ချက်တော့ မဟုတ်ပါဘူး။ ဒါပေမယ့် ဂျူးဆန့်ကျင်ရေးကဲ့သို့သော လူမျိုးရေးမုန်တီးမှုကိုအခြေခံပြီး ပြုလုပ်တဲ့ ကျူးလွန်မှုတွေအတွက်တော့ ပြန်လည်တာဝန်ယူခြင်း၊ တာဝန်ခံခြင်း ရှိရမှာပါ" လို့ ပြောပါတယ်။
ဘိုဝီဟာ ဂျူးတွေကို ဘုရားကျောင်းအတွင်း ရည်ရွယ်ချက်ရှိရှိတဲ့ ပစ်ခတ်တိုက်ခိုက်မှုကျူးလွန်ချိန်အတွင်း AR-15 ရိုင်ဖယ်အပြင် အခြားသေနတ်များကိုအသုံးပြုပစ်ခတ်ခဲ့ခြင်းဖြစ်ကြောင်း သိရပါတယ်။ ဘိုဝီရဲ့မိသားစုက သေဒဏ် အပြစ်ပေးမှုတွေကို ဖျက်သိမ်းပြီး တစ်သက်တစ်ကျွန်းထောင်ဒဏ် အပြစ်ပေးဖို့ တောင်းဆိုခဲ့ပေမယ့် တရား သူကြီး တွေက ပယ်ချခဲ့ကြောင်း သိရပါတယ်။
လူအခွင့်အရေးအဖွဲ့အစည်းများက သေဒဏ်အပြစ်ပေးမှုများကို ဖျက်သိမ်းပေးဖို့တောင်းဆိုနေပေမယ့် အမေရိကန် တရားသူကြီးတွေကတော့ သေဒဏ်အပြစ်ပေးမှုများကို ဆက်လက်ကျင့်သုံးနေဆဲဖြစ်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖြူထိုင်းပါတီ ဦးဆောင်ပြီး အစိုးရအသစ်ဖွဲ့စည်းပြီးချိန်မှသာ ဝန်ကြီးချုပ်ဟောင်း သက်ဆင် ပြန်တော်ပြန်လာဖွယ်ရှိနေ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ