Htay Oung (NSS) - သြဂုတ် ၂ 

အတိုက်အခံပါတီနဲ့ပတ်သက်နေခြင်းကြောင့်လို့ဆိုကာ ဘင်္ဂလားဒေ့ရှ်နိုင်ငံသား မိုဟာမက်_ယာရှစ်_ အဗ်ဗီး_ဟာကီးရဲ့ ခိုလှုံခွင့်လျှောက်ထားခြင်းကို ကနေဒါတရားရုံးက ပယ်ချလိုက်ကြောင်း ဒါကာအခြေစိုက် Dhaka Tribune က ယမန်နေ့ သြဂုတ်လ ၁ ရက်က ရေးသားခဲ့ပါတယ်။

လူဝင်မှုကြီးကြပ်ရေးနဲ့ ဒုက္ခသည်အပေါ် အကာအကွယ်ပေးရေးအက်ဥပဒေ (IRPA) အရ လုံခြုံရေးအကြောင်းပြ ချက်နဲ့ ကနေဒါနိုင်ငံအတွင်း ဝင်ရောက်ခြင်းကို ခွင့်ပြုဖို့ မလုံလောက်ကြောင်း တရားရုံးက ပြောပါတယ်။ IRPA ဥပဒေအပိုဒ် 34(1)(b) မှာ “ထိုသူသည် မည်သည့်အစိုးရတစ်ရပ်ရပ်အပေါ်တွင်မဆို အင်အားဖြင့် အဖျက်အမှောက် ပြုရန် လှုံ့ဆော်သည့်အဖွဲ့အစည်းတွင် ပါဝင်ခြင်း (သို့မဟုတ်) ပတ်သက်သည်ဟု အကြောင်းပြခြင်း (သို့မဟုတ်) ယုံကြည်ရန် အကြောင်းရှိခြင်း” လို့ ဖော်ပြထားကြောင်း တရားရုံးက ရည်ညွှန်းပါတယ်။ 

တရားရုံးတော်ကြားနာမှုအရ ယာရှစ်ဟာကီးဟာ ၂ဝ၁၁ ခုနှစ် ဇန်နဝါရီလမှ ၂ဝ၁၅ ခုနှစ် နိုဝင်ဘာလအတွင်း (ဘင်္ဂလားဒေ့ရှ်အတိုက်အခံ) BNP နိုင်ငံရေးပါတီမှာ အဖွဲ့ဝင်ဖြစ်မှုနဲ့ BNP ပါတီ နိုင်ငံရေးလှုပ်ရှားမှုများမှာ တက်ကြွ စွာ ပါဝင်ဆောင်ရွက်ခဲ့မှုကြောင့် (လက်ရှိအာဏာရ) အဝါမီလိခ်အစိုးရက နှိပ်စက်ညှဉ်းပန်းမှာကို ကြောက်ရွံ့ ကြောင်း ပေါ်ပေါက်ခဲ့တယ်လို့ ဆိုပါတယ်။

BNP ပါတီဟာ အကြမ်းဖက်မှုများဖြင့် လမ်းပေါ်လှုပ်ရှားမှုများပြုလုပ်နေပါတယ်။ ၂ဝ၁၄ ခုနှစ် ဝန်းကျင်မှာ အဲဒီ အချိန် အဝါမီလိခ်အစိုးရက ကျင်းပပြုလုပ်ပေးမယ့် ဘင်္ဂလားဒေ့ရှ်အထွေထွေရွေးကောက်ပွဲကို အယုံအကြည်မရှိ ခြင်းကြောင့် ဝင်ရောက်ယှဉ်ပြိုင်ခြင်းမပြုဘဲ သပိတ်မှောက်ခဲ့ပြီး မီးရှို့တိုက်ခိုက်မှုများ ပြုလုပ်ခဲ့ပါတယ်။

ယာရှစ်ဟာကီးဟာ လေ့လာရေးပါမစ်ဖြင့် ၂ဝ၁၃ ခုနှစ် သြဂုတ်လမှာ ကနေဒါနိုင်ငံကို စတင်ဝင်ရောက်ခဲ့ပါတယ်။ ပါမစ်သက်တမ်းမကုန်ဆုံးမီ ၂ဝ၁၅ ခုနှစ် စက်တင်ဘာလမှာ ဘင်္ဂလားဒေ့ရှ်နိုင်ငံကို ပြန်လည်သွားရောက်ခဲ့ပြီး ၂ဝ၁၅ ခုနှစ် နိုဝင်ဘာလမှာ ကနေဒါကို ပြန်လည်ရောက်ရှိလာခဲ့သူဖြစ်ပါတယ်။

ယာရှစ်ဟာကီးဟာ ကနေဒါနိုင်ငံကို အချက်အလက်များ လွဲမှားစွာတင်ပြပြီး လျှောက်ထားကြောင်း တွေ့ရှိရတယ် လို့စွပ်စွဲချက်နဲ့ ၂ဝ၁၆ ခုနှစ် ဇန်နဝါရီလမှာ ကနေဒါနယ်စပ်ဝန်ဆောင်မှု အေဂျင်စီ (CBSA) က ဟာကီးအပေါ် တရားရုံးမှာ တိုင်ကြားအမှုဖွင့်လှစ်ခဲ့ပါတယ်။ 

လိမ်လည်ထားတဲ့ပညာရေးဆိုင်ရာမှတ်တမ်းများကိုအသုံးပြုခြင်းဖြင့် လေ့လာရေးပါမစ်ကို ရယူခဲ့ကြောင်း၊ အတုအပနည်းလမ်းများနဲ့ ပါမစ်ရရှိအောင် ဆောင်ရွက်ပေးနေသူအုပ်စုနဲ့ တစ်စိတ်တစ်ပိုင်း ပါဝင်နေသူဖြစ်ကြောင်း တွေ့ရှိရတယ်လို့ ၂ဝ၁၆ ခုနှစ် ဖေဖော်ဝါရီလမှာ ဖမ်းဝရမ်းထုတ်ခြင်းခံခဲ့ရပါတယ်။

လျှောက်ထားသူဟာ ၂ဝ၁၈ ခုနှစ် မတ်လမှာ ဒုက္ခသည်အဖြစ်ခံယူရန် ကြိုးပမ်းစဉ် ဖမ်းဆီးခံရပြီး CBSA သို့ လွှဲပြောင်းပေးခြင်း ခံရပါတယ်။။ ဒါပေမယ့် ၃ ရက်အကြာမှာ ပြန်လွှတ်ပေးလွှတ်ပေးလိုက်ရပြီး ရက်သတ္တနှစ်ပတ် မပြည့်မီ ဒုက္ခသည်တစ်ဦးအဖြစ် ကနေဒါနိုင်ငံရဲ့အကာအကွယ်ရရှိရေး ထပ်မံလျှောက်ထားပါတယ်။

သူ့ရဲ့လျှောက်လွှာကို ကနေဒါနိုင်ငံ လူဝင်မှုကြီးကြပ်ရေးနှင့် ဒုက္ခသည်ဘုတ်အဖွဲ့၊ ဒုက္ခသည်များဆိုင်ရာဌာနခွဲက ဝင်ခွင့်မပြုဘဲ ပယ်ချခဲ့တဲ့အတွက် ယခုရုံးတော်မှာ အယူခံတင်သွင်းခြင်းဖြစ်ပါတယ်။

ဇွန်လ ၁၅ ရက် အယူခံ တရားရုံးတော်ရဲ့အပြီးသတ်စီရင်ချက်ချမှာ “အတိုက်အခံ BNP ပါတီဟာ ဘင်္ဂလားဒေ့ရှ် အဝါမီလိခ်အစိုးရအပေါ် အင်အားသုံးအဖျက်အမှောက်ပြုလုပ်ကြစေဖို့ လှုံ့ဆော်ပေးတဲ့ အဖွဲ့အစည်းတစ်ရပ်အဖြစ် ယုံကြည်ဖို့ ဆီလျော်တဲ့အကြောင်းပြချက်များကို လူဝင်မှုကြီးကြပ်ရေးဋ္ဌာနအနေနဲ့တွေ့ရှိရကြောင်း၊ ဒါပေမယ့် လည်း အယူခံတရားလို ယာရှစ်ဟာကီးဟာ BNP ပါတီရဲ့လှုပ်ရှားမှုများမှာ ပါဝင်စဉ် အကြမ်းဖက်ခြင်းမရှိကြောင်း ယုံကြည်လောက်တဲ့အကြောင်းပြချက် မပြသနိုင်ခဲ့ဘူးလို့ ဆုံးဖြတ်ခဲ့ခြင်းဖြစ်ပါတယ်။ 

( Dhaka Tribune., 01 August 2023,” Canada rejects Bangladeshi’s asylum petition over BNP ties” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။)