BRICS အဖွဲ့သို့ဝင်ရောက်ခွင့်နှင့်ပတ်သက်ပြီး စည်းမျဉ်းများကို တင်းကြပ်ထားရန် အိန္ဒိယအစိုးရတိုက်တွန်းတောင်းဆို
Pika (NSS) - ဇူလိုင် ၂၉
BRICS အဖွဲ့သို့ ဝင်ရောက်ရန် အလိုရှိနေသော အဖွဲ့ဝင်အသစ်များ၏ ဝင်ခွင့်အတွက် တင်းကြပ်သော စည်းမျဉ်းများကို ချမှတ်ရန် အိန္ဒိယအစိုးရက တောင်းဆိုထားကြောင်းသိရသည်။
သတင်းရင်းမြစ်များအရ BRICS အဖွဲ့ကို ပိုမိုချဲ့ထွင်ရန် အလိုရှိနေသော တရုတ်၏အဆိုပြုချက်ကိုဘရာဇီးအစိုးရက ကန့်ကွက်ထားကြောင်းသိရသည်။ BRICS အဖွဲ့ကို (၂၀၀၉) ခုနှစ်တွင် စတင်ဖွဲ့စည်းခဲ့ပြီး ဘရာဇီး၊ ရုရှား၊ အိန္ဒိယ၊ တရုတ် နှင့် တောင်အာဖရိကတို့ ပါဝင်ကြောင်းသိရသည်။ ဩဂုတ်လတွင် တောင်အာဖရိကနိုင်ငံ ဂျိုဟန်နက်စ်ဘာ့ချ်မြို့၌ကျင်းပမည့် ထိပ်သီးဆွေးနွေးပွဲနှင့်ပတ်သက်သည့် ကြိုတင်ဆွေးနွေးပွဲတစ်ခုအတွင်း အိန္ဒိယနှင့် ဘရာဇီးတို့သည် အင်ဒိုနီးရှားနှင့် ဆော်ဒီအာရေးဗျတို့၏အဖွဲ့တွင်းသို့ ဝင်ရောက်မည့် အလားအလာများကို ကန့်ကွက်ခဲ့ကြကြောင်းသိရသည်။
BRICS အဖွဲ့သို့ မည်သည့်နိုင်ငံများက ပါဝင်နိုင်သည်ဆိုသည့်အချက်နှင့် မည်သည့်အချိန်တွင် ပါဝင်နိုင်သည်ဆိုသည့် တင်းကြပ်သောစည်းမျဉ်းစည်းကမ်းများကို ချမှတ်ထားသင့်ကြောင်း အိန္ဒိယအစိုးရက အခိုင်အမာပြောကြားခဲ့သည်။ အဖွဲ့တွင်း၌ ဆော်ဒီအာရေးဗျထက် အာဂျင်တီးနားနှင့် နိုင်ဂျီးရီးယားတို့ကဲ့သို့သော ဒီမိုကရေစီလိုလားသည့် နိုင်ငံများကို ဖိတ်ခေါ်ရန် BRICS အဖွဲ့ဝင်နိုင်ငံများက အဆိုပြုထားကြောင်း သိရသည်။ ဆော်ဒီအာရေးဗျ၊ အီရန် ၊အီဂျစ် ၊ဘင်္ဂလားဒေ့ရှ်၊ အယ်လ်ဂျီးရီးယား၊ အာဂျင်တီးနားနှင့် အီသီယိုးပီးယားတို့သည် အဖွဲ့ဝင်အဖြစ်ပါဝင်ရန် တရားဝင်လျှောက်ထားကြပြီး အင်ဒိုနီးရှားနိုင်ငံအပါအဝင် အခြားနိုင်ငံများသည် BRICS ထိပ်သီးအစည်းအဝေးကို တက်ရောက်ရန်အတွက် ဖိတ်ကြားခံထားရကြောင်းသိရသည်။
ထို့ပြင် BRICS အဖွဲ့သည် ထိပ်သီးအစည်းအဝေးမကျင်းပမီ အဖွဲ့ဝင်အသစ်များ လက်ခံခြင်းဆိုင်ရာ မူဘောင်တစ်ရပ်ကို မိတ်ဆက်ရန် မျှော်လင့်ထားကြောင်းသိရသည်။ BRICS အဖွဲ့၏ လက်ရှိဥက္ကဋ္ဌဖြစ်သော တောင်အာဖရိကအစိုးရက နိုင်ငံပေါင်း(၄၀)ကျော်သည် အဖွဲ့တွင်ပါဝင်ရန်အတွက် စိတ်အားထက်သန်နေကြကြောင်း ပြီးခဲ့သည့်သီတင်းပတ်က ထုတ်ဖော်ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပခုက္ကူမြို့နယ်တွင် အမျိုးသားတစ်ဦးနှင့် အမျိုးသမီးတစ်ဦးကို PDF အဖွဲ့မှ သေနတ်ဖြင့်ပစ်သတ်ခဲ့ဟု ရဲတပ်ဖွဲ့ ထုတ်ပြန်
RELATED POSTS
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ