ပခုက္ကူမြို့တွင် လယ်ထဲသို့ရေသွင်းနေသည့်အမျိုးသားအား PDF အဖွဲ့မှ ဓားဖြင့် ထိုးခုတ်သတ်ဖြတ်ခဲ့ဟု ရဲတပ်ဖွဲ့ဆို
NSS - ဇူလိုင် ၂၈
မကွေးတိုင်း၊ ပခုက္ကူမြို့နယ်တွင် လယ်ထဲသို့ရေသွင်းနေသည့် အမျိုးသားတစ်ဦးကို PDF အဖွဲ့မှ ဓားဖြင့်ထိုးခုတ် သတ်ဖြတ်ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
ဖြစ်စဉ်မှာ ပြီးခဲ့သည့် (ဇူလိုင်လ ၂၅ ရက်) နံနက် ၈ နာရီ ၂ဝ မိနစ်အချိန်တွင် ပခုက္ကူမြို့နယ်၊ ကွန်းကျေးရွာအနီးရှိ လယ်ကွင်းထဲတွင် ဖြစ်ပွားခဲ့ကြောင်း သိရသည်။
အဆိုပါ သေဆုံးသူအမျိုးသားသည် ဇနီးဖြစ်သူ ဒေါ်သောင်းခင်နှင့်အတူ ရွှေတန့်တစ်ကျေးရွာ ဆည်မြောင်းအနီးရှိ ၎င်းတို့ပိုင်သော လယ်ကွင်းထဲသို့ ရေတင်နေစဉ် အင်အား(၅)ဦးခန့်ရှိသောအဖွဲ့က ဆိုင်ကယ် ၃ စီးဖြင့် ရောက်ရှိလာ ပြီး ၎င်းအား ဖမ်းဆီးခေါ်ဆောင်သွားခဲ့ကြောင်း သိရသည်။
ထို့နောက် ကွန်းကျေးရွာအနီး လယ်ကွင်းအတွင်းသို့အရောက်၌ ၎င်းအား ဓားဖြင့်ထိုးသတ်၍ ၎င်းပိုင်ဆိုင်သော ဆိုင်ကယ်နှင့် ဖုန်းအား ယူဆောင်သွားခဲ့ကြောင်း ရဲတပ်ဖွဲ့မှ ထုတ်ပြန်ထားသည်။
ထိုသို့ ဓားဖြင့်ထိုးခုတ်ခံရမှုကြောင့် ဒေါင်းစားကျေးရွာနေ ဦးကျော်မြင့်ဦး(၅ဝ)နှစ်တွင် ဓားဒဏ်ရာ(၈)ချက်ဖြင့် အခင်းဖြစ်ပွားရာနေရာ၌ သေဆုံးသွားခဲ့ကြောင်း သိရသည်။
အထက်ပါြဖစ်စဉ်မှ အကြောင်းမဲ့လုပ်ကြံသတ်ဖြတ်မှုကျူးလွန်ခဲ့သည့် အကြမ်းဖက်သမားများအား ဖော်ထုတ် ဖမ်းဆီး၍ ဥပဒေနှင့်အညီအပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်လုပ်ဆောင်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရွှေဆိုင်များ အလျော့တွက်လက်ခ ပိုမတောင်းကြရန် ရန်ကုန်ရွှေအသင်း မေတ္တာရပ်ခံ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ