ယူကရိန်းအနေဖြင့် cluster munitions များကို စစ်မြေပြင်တွင် ဖြန့်ကျက်ချထားပြီးဖြစ်ကြောင်း အမေရိကန်အစိုးရ ထုတ်ဖော်ပြောဆို
Pika (NSS) - ဇူလိုင် ၂၁
ယူကရိန်းသည် အမေရိကန်ထောက်ပံ့ပေးထားသော cluster munitions များကို စစ်မြေပြင်တွင် ဖြန့်ကျက်ချထား ပြီးပြီဖြစ်ကြောင်း အမေရိကန်အမျိုးသားလုံခြုံရေးကောင်စီပြောရေဆိုခွင့်ရှိသူ ဂျွန်ကာဘိုင် က ပြောကြားခဲ့သည်။
အဆိုပါ cluster munitions များသည် ရုရှားတပ်ဖွဲ့များကို ယူကရိန်းနယ်မြေအတွင်းမှ တိုက်ထုတ်ရာတွင် အကျိုးသက်ရောက်မှုများရှိလာမည်ဖြစ်ကြောင်း ယူကရိန်းဖက် က ပြောဆိုခဲ့သည်။ နိုင်ငံပေါင်း(၁ဝဝ)ကျော်တွင် အသုံးပြုရန် တားမြစ်ထားသည့် cluster munitions များ ယူကရိန်းသို့ထောက်ပံ့ပေးမည့်အစီအစဉ်ကို အမေရိကန် က ယခုလအစောပိုင်းတွင် ထုတ်ပြန်ကြေညာခဲ့သည်။
အမေရိကန် နှင့် ၎င်း၏ မဟာမိတ်နိုင်ငံများသည် ယူကရိန်းသို့ထောက်ပံ့ပေးမည့် ခဲယမ်းမီးကျောက်များ ပြတ်လပ် နေသည့်အတွက် cluster munitions များ ထောက်ပံ့ပေးရန် စီစဉ်ခဲ့ခြင်းဖြစ်ကြောင်း အမေရိကန်ဖက် က ပြောခဲ့သည်။
cluster munitions များသည် အရပ်သားများ ထိခိုက်နိုင်ချေပိုမိုများပြားလာနိုင်ကြောင်း အမေရိကန်ဖက်က ဝန်ခံ ပြောဆိုထားပြီး ယူကရိန်းက အဆိုပါလက်နက်များကို မလိုအပ်သည့်နေရာများနှင့် လူနေထူထပ်သောနေရာများ တွင် အသုံးပြုမည်မဟုတ်ဟု အမေရိကန်ကို ကတိပေးခဲ့ကြောင်း သိရသည်။ ယူကရိန်းသို့ cluster munitions များ ထောက်ပံ့ပေးမည့် အမေရိကန်၏အစီအစဉ်ကို ရုရှားဖက်က ပြစ်တင်ရှုတ်ချခဲ့ပြီး ယူကရိန်းအနေဖြင့် အဆိုပါ လက်နက်များကို စစ်မြေပြင်တွင်အသုံးပြုမည်ဆိုပါက ရုရှားဖက်ကလည်း အလားတူလက်နက်များကို ပြန်လည် အသုံးပြုသွားမည်ဟု တုံ့ပြန်ပြောဆိုခဲ့သည်။
အမေရိကန်၏ မိတ်ဖက်နိုင်ငံများဖြစ်သော ဗြိတိန်နှင့်အခြားနိုင်ငံများသည်လည်း အမေရိကန်၏ cluster munitions များ ထောက်ပံ့ပေးမည့်ဆုံးဖြတ်ချက်ကို ဝေဖန်ခဲ့ကြောင်း သိရသည်။ ထို့အပြင် cluster munitions များ အသုံးပြုမှုကြောင့် အရပ်သားထိခိုက်မှုများ မြင့်တက်လာနိုင်ချေနှင့်ပတ်သက်ပြီး စိုးရိမ်မိကြောင်း ကုလသမဂ္ဂ က ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တိုက်စစ်မှူးအမ်ဘာပေကို ယူရို(၁)ဘီလျံတန်ဖိုးရှိ (၁ဝ)နှစ် သဘောတူစာချုပ် ကမ်းလှမ်းခဲ့တဲ့ ပီအက်စ်ဂျီအသင်း
RELATED POSTS
22 Sep 2024 | နိုင်ငံရေး,ပြည်တွင်း