နိုင်ငံရေးအလှည့်အပြောင်းဖြစ်ရန် တပ်မတော်အနေဖြင့် ကြိုတင်ပြင်ဆင်ခဲ့ခြင်းမျိုး မရှိဟု ဗိုလ်ချုပ်ဇော်မင်းထွန်းပြော
NSS - ဇူလိုင် ၂၁
မြန်မာ့နိုင်ငံရေး အလှည့်အပြောင်းဖြစ်ရန် တပ်မတော်အနေဖြင့် ကြိုတင်ပြင်ဆင်ခဲ့ခြင်းမျိုး မရှိကြောင်း နစကပြောခွင့်ရ ဗိုလ်ချုပ်ဇော်မင်းထွန်းက ပြောသည်။
၎င်းက ယနေ့(ဇူလိုင်လ ၂၁ ရက်)တွင် နေပြည်တော်၊ ဒက္ခိဏသီရိမြို့နယ်၊ မာရဝိဇယဗုဒ္ဓရုပ်ပွားတော်မြတ်ကြီး၏ ရင်ပြင်တော်၌ပြုလုပ်သည့် သတင်းစာရှင်းလင်းပွဲတွင် အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
တပ်မတော်အနေဖြင့် နိုင်ငံတော်အာဏာ မရယူမီ ၂၀၂၁ ခုနှစ် ဇန်နဝါရီလ ၂၅ ရက်တွင် မာရဝိဇယရုပ်ပွားတော်မြတ်ကြီး ဖြစ်လာမည့် စကျင်ကျောက်တုံးတော်ကြီးကို သယ်ဆောင်ရန်အလုပ်ရှုပ်နေခဲ့ကြောင်း ၎င်းက ပြောသည်။
မီဒီယာအချို့နှင့် နိုင်ငံအချို့သည် ဖေဖော်ဝါလ ၁ ရက်တွင် နိုင်ငံရေးအလှည့်အပြောင်းကို တပ်မတော်က ကြိုတင်စီစဉ်ခဲ့ကြောင်း ပြောဆိုမှုများရှိခဲ့သည်ဟု ဗိုလ်ချုပ်ဇော်မင်းထွန်းက ပြောသည်။
“အမှန်တကယ်တော့ ကျွန်တော်တို့က ဒီအလုပ်(စကျင်ကျောက်တုံးတော်ကြီး)နဲ့ ရှုပ်နေတာ။ တပ်မတော်တစ်ရပ်လုံးမှာ ဒီအလုပ်နဲ့တင် ရှုပ်နေတာ။ ၂၅ ရက်နေ့မှာ သယ်ခဲ့တာ။ ၂၅ ရက်နေ့မှာ ဘယ်လောက်ပမာဏအထိ သယ်ရတယ်။ ဘယ်လောက်ပမာဏအထိ လုပ်ရတယ် ဆိုတာကို ပုံတွေမှာလည်း မြင်ပြီးဖြစ်ပါတယ်။ အားလုံးသည် ဒီအလုပ်ကို လုပ်ဆောင်နေတာ ဖြစ်ပါတယ်။ ဆိုလိုတာကတော့ တပ်မတော်အနေနဲ့ နိုင်ငံရေးအပြောင်းအလဲ ကြိုတင်ပြင်ဆင်ထားတာ မရှိပါဘူး။ ကျောက်တုံးတော်ကြီး သယ်ဆောင်ရေး၊ ဘုရားကြီးတည်ထားကိုးကွယ်ရေးကို အလေးထားဆောင်ရွက်နေ တာကို သတိပြုစေလိုပါတယ်” ဟု နစကပြောခွင့်ရက ပြောသည်။
လက်ရှိတွင် တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင် ဦးဆောင်သော နစကအစိုးရသည် နိုင်ငံတော် တာဝန်ယူထားသည်မှာ (၂)နှစ်နှင့် (၆)လ ပြည့်တေ့ာမည်ဖြစ်သည်။
မကြာခင်အချိန်တွင် နိုင်ငံတော်ကာကွယ်ရေးနှင့်လုံခြုံရေးကောင်စီအစည်းအဝေးကို ကျင်းပကာ နစကအစိုးရသက်တမ်းနှင့်ပတ်သက်၍ ဆုံးဖြတ်သွားဖွယ်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ထောင်ဖောက်ထွက်ပြေးခဲ့သော မြန်မာနိုင်ငံသား နှင့် ထိုင်းနိုင်ငံသားကို ထိုင်းအကျဉ်းထောင်အာဏာပိုင်များ ပြန်လည်ဖမ်းမိ
RELATED POSTS
20 Sep 2024 | နိုင်ငံရေး,ပြည်တွင်း