ဖြူထိုင်းပါတီက အောက်လွှတ်တော် ဥက္ကဋ္ဌနေရာ နဲ့ ဝန်ကြီး (၁၄)နေရာရယူလိုပြီး သဘောတူညီမှုမရရှိပါက ရှေ့သို့ချီပါတီနဲ့ ပူးပေါင်းနေမှုတွေကို ပြန်စဉ်းစားမယ်ဟုဆို
ဂျန်ဇက် (NSS) - ဇွန် ၂၈
မေလက ကျင်းပခဲ့တဲ့ ထိုင်းရွေးကောက်ပွဲမှာ ဒုတိယမဲအများဆုံးရရှိခဲ့တဲ့ ဖြူထိုင်းပါတီက ၎င်းတို့အနေနဲ့ အောက်လွှတ်တော် ဥက္ကဋ္ဌ နေရာအပြင် အစိုးရအဖွဲ့အသစ်မှာ ဝန်ကြီးနေရာ (၁၄)နေရာရလိုကြောင်း ထုတ်ဖော်ပြောဆိုလိုက်ပါတယ်။
ဖြူထိုင်းပါတီဟာ ရွေးကောက်ပွဲမှာမဲအများဆုံးရရှိခဲ့တဲ့ ရှေ့သို့ချီပါတီနဲ့ အဓိကထားဆွေးနွေးနေပြီး အောက်လွှတ်တော် ဥက္ကဋ္ဌနေရာ ရယူရေးအတွက် အငြင်းပွားမှုများရှိခဲ့ကြောင်းသိရပါတယ်။ ဖြူထိုင်းပါတီ နဲ့ ရှေ့သို့ချီပါတီတို့ဟာ ၎င်းတို့ရဲ့ရပ်တည်ချက်များနဲ့ပတ်သက်ပြီး ဆွေးနွေးနေကြောင်း သိရပါတယ်။ ရှေ့သို့ချီပါတီဟာ ထိုင်းဝန်ကြီးချုပ်နေရာအပြင် အစိုးရအဖွဲ့မှာဝန်ကြီး နေရာ (၁၄)နေရာ ရရှိဖွယ်ရှိနေပါတယ်။
ဖြူထိုင်းပါတီဟာ ဇွန်လ ၂၇ ရက်က ပါတီရဲ့အုပ်ချုပ်မှုကော်မတီ နဲ့ လွှတ်တော်ကိုယ်စားလှယ်များတွေ့ဆုံဆွေးနွေးခဲ့ပြီး အောက်လွှတ်တော် ဥက္ကဋ္ဌနေရာအပြင် ဝန်ကြီးနေရာ (၁၄)နေရာရယူမယ့် သဘောထားကို လက်ခံသဘောတူညီခဲ့ကြောင်းသိရပါတယ်။ ဖြူထိုင်းပါတီခေါင်းဆောင်က ရှေ့သို့ချီပါတီနဲ့တွေ့ဆုံဆွေး နွေးရာမှာ ၁၄ + ၁ ဖော်မြူလာကိုအဓိကထား သွားမှာဖြစ်ကြောင်းဆိုပါတယ်။ ဖြူထိုင်းပါတီ ဒုတိယခေါင်းဆောင် Chousak Sirinil ကအောက်လွှတ်တော် ဥက္ကဋ္ဌဟာ လွှတ်တော်အတွင်းရှိ ကိုယ်စားလှယ်များရဲ့စွမ်းဆောင်ရည်နဲ့ပတ်သက်ပြီး စည်းကမ်း၊ နည်းလမ်းများနဲ့ နိုင်ငံအတွက်အရေးကြီးတဲ့ ဥပဒေတွေကိုရေးဆွဲရမယ့် အဓိကနေရာဖြစ်ကြောင်း၊ လွှတ်တော်ဥက္ကဋ္ဌ လုပ်မယ့်သူဟာ အတွေ့အကြုံရှိပြီး ရည်မွန်မှုရှိသူဖြစ်ရမှာဖြစ်ကြောင်း ပြောပါတယ်။
ရှေ့သို့ချီပါတီက လာမယ့်အစိုးရအဖွဲ့အတွင်း ဝန်ကြီးချုပ်နေရာရယူမယ်ဆိုရင် ဖြူထိုင်းပါတီက လွှတ် တော်ဥက္ကဋ္ဌနေရာရယူတာက မျှတမှုရှိကြောင်း ဖြူထိုင်းပါတီ ဒုတိယခေါင်းဆောင်က ပြောပါတယ်။ ဖြူထိုင်းပါတီ ဒုတိယခေါင်းဆောင်က ရှေ့သို့ချီပါတီကိုယ်စားလှယ်အဖွဲ့ နဲ့ ဖြူထိုင်းပါတီ ကိုယ်စားလှယ်အဖွဲ့ကြားတွေ့ဆုံဆွေးနွေးရာမှာ ၁၄+၁ ဖော်မြူလာကိုအဓိကထားဆွေးနွေးမှာဖြစ်ရာ ဒီကိစ္စကို ဆွေးနွေးမဖြေရှင်းနိုင်ဘူးဆိုရင် ပါတီရဲ့ရပ်တည်ချက်များကို ပြန်လည်စဉ်းစားရမှာဖြစ်ကြောင်း ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပုသိမ်ကြီးမြို့နယ် နန်းဦးလွင်ကျေးရွာမှ နေအိမ်များ ခွင့်ပြုချက်မရှိဘဲ ဆောက်လုပ်ထားခြင်းကြောင့် သက်ဆိုင်ရာက ဖယ်ရှားခိုင်း
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း