မြန်မာ- ဘရာဇီး နှစ်နိုင်ငံ အကျိုးတူပူးပေါင်းဆောင်ရွက်မှု တိုးမြှင့်ရေးအတွက် နှစ်နိုင်ငံဆွေးနွေး
ယွန်း (NSS) - ဇွန် ၂၆
မြန်မာ- ဘရာဇီး နှစ်နိုင်ငံ အကျိုးတူပူးပေါင်းဆောင်ရွက်မှု တိုးမြှင့်ရေးအတွက် နှစ်နိုင်ငံဆွေးနွေးမှုများ ဆောင်ရွက်ခဲ့ကြောင်း နိုင်ငံခြားရေးဝန်ကြီးဌာနမှ ထုတ်ပြန်ထားသည်။
နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးသန်းဆွေက ယနေ့ (ဇွန်လ ၂၆ ရက်)၊ နံနက်ပိုင်းတွင် ရန်ကုန်မြို့ရှိ ဘရာဇီးလ်ဖက်ဒရယ်သမ္မတနိုင်ငံသံရုံးမှ သံရုံးယာယီတာဝန်ခံ မစ္စစ်အစ္စဘဲလ်ခရစ်စတီးနားဒဲအဇဗီဒိုဟေးဗရက်ထ်အား နေပြည်တော်၌ တွေ့ဆုံခဲ့ကြောင်း သိရသည်။
ထိုသို့ တွေ့ဆုံရာတွင် မြန်မာ-ဘရာဇီး နှစ်နိုင်ငံအကြား ရှိရင်းစွဲ ချစ်ကြည်ရင်းနှီးသော ဆက်ဆံရေးကို ပိုမိုတိုးတက်ခိုင်မာစေရေးကို ဆွေးနွေးခဲ့ကြောင်း သိရသည်။
ထို့ပြင် နှစ်နိုင်ငံ အကျိုးတူပူးပေါင်းဆောင်ရွက်မှုများကိုလည်း တိုးမြှင့်သွားရန် ဆွေးနွေးခဲ့ကြောင်း ဝန်ကြီးဌာနမှ ထုတ်ပြန်ထားသည်။
အလားတူ ကုလသမဂ္ဂမျက်နှာစာ အပါအဝင် ဒေသတွင်းနှင့် နိုင်ငံတကာမျက်နှာစာ၌ နီးကပ်စွာ ပူးပေါင်းဆောင်ရွက်သွားရေးကိုလည်း နှစ်နိုင်ငံဆွေးနွေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရှေ့သို့ချီပါတီခေါင်းဆောင် ဝန်ကြီးချုပ်မဖြစ်ရင် ဖြစ်လာနိုင်တဲ့ဆန္ဒပြပွဲများကို ဖြိုခွင်းဖို့ ထိုင်းစစ်တပ် နဲ့ ရဲတပ်ဖွဲ့များ ကြိုတင်ပြင်ဆင်မှုများ ပြုလုပ်နေ
RELATED POSTS
20 Sep 2024 | နိုင်ငံရေး,ပြည်တွင်း