Htay Oung (NSS) - ဇွန် ၂၁

ယူကရိန်းစစ်ပွဲမှာ ဂျာမန်လုပ် “လီယိုပတ်” တင့်ကားတစ်စီးကို ဖျက်ဆီးခဲ့တဲ့ရုရှားစစ်သားကို ပုဂ္ဂလိက ဖောင်ဒေးရှင်းတစ်ခုက ရူဘယ်ငွေ ၁-သန်း (အမေရိကန် ဒေါ်လာ ၁၁,၈၄၂) ဆုချီးမြှင့်ခဲ့တယ်လို့ ရုရှားကာကွယ်ရေး ဝန်ကြီးဌာနက ဇွန်လ ၂ဝ ရက် အင်္ဂါနေ့မှာ ပြောဆိုကြောင်း Reuters က ယမန်နေ့ ရေးသားပါတယ်။

ဆေးရုံကုတင်ပေါ်မှာ ထိုင်လျက်သားနဲ့ အဲဒီစစ်သား “အန်ဒရေ_ကရက်ဗ်ဆော့ဗ်“ ဟာ “ဂရိကို-ရိုမန်န ပမ်း ပြိုင်ပွဲ” သုံးကြိမ်တိုင်တိုင် အိုလံပစ်ချန်ပီယံဖြစ်သူ “အလက်ဇနြ္ဒား_ကာရီလင်” ထံမှ ဆုလက်မှတ် လက်ခံနေပုံ ဗီဒီယိုကို လည်း လွှင့်တင်လိုက်ပါတယ်။

ကရက်ဗ်ဆော့ဗ်က တင့်ကားကို ဘယ်တုန်းက ဖျက်ဆီးခဲ့ခြင်း (သို့မဟုတ်) ဆေးရုံမှာ ကုသပေးနေရတဲ့ အကြောင်း များကို ဝန်ကြီးဌာနက ပြောကြားခြင်းမရှိပါဘူး။ ဗီဒီယိုထဲမှာတော့ ကရက်ဗ်ဆော့ဗ်ဟာ ညာလက်တစ်ဖက် ဆုံးရှုံး ထားပုံရပါတယ်။

ယခုလ စောစောပိုင်း ကိယက်ဗ်က တန်ပြန်ထိုးစစ်ဆင်လာချိန်မှစပြီး ယူကရိန်းတို့ရဲ့ ဂျာမန်လုပ် လီယိုပတ်နဲ့ အမေရိကန်က ထောက်ပံ့ပေးထားတဲ့ “ဘရက်ဒလီ” တိုက်ခိုက်ရေး သံချပ်ကာယာဉ်အများအပြားတို့ကို ဖျက်ဆီးခဲ့ တယ်လို့ ရုရှားက ပြောပါတယ်။ ရိုက်တာအနေနဲ့ကတော့ မော်စကို ဖော်ပြတဲ့ တင့်ကားအရေအတွက်ကို သီးခြား လွတ်လပ်စွာ အတည်မပြုနိုင်ပါဘူး။

“အထူးစစ်ဘက်_အော့ပရေးရှင်း” လို့ တစ်ခါတစ်ရံ မော်စကိုက ရည်ညွှန်းတဲ့ စစ်ပွဲစတင်ကတည်းက ယူကရိန်း (သို့မဟုတ်) အနောက်နိုင်ငံတို့က ထောက်ပေးထားတဲ့ စစ်ယန္တရားများကို ဖျက်ဆီး (သို့မဟုတ်) သိမ်းပိုက်နိုင်ခဲ့သူ ရုရှားစစ်မှုထမ်း ၁ဝဝဝဝ ကျော်တို့ကို တစ်ဦးချင်းစီ ဘောနပ်စ်များ ပေးအပ်ချီးမြှင့်ခဲ့ကြောင်း၊ တင့်ကားတစ်စီး အတွက် ရူဘယ် ၁ဝဝဝဝဝ နဲ့ လေယာဉ်တစ်စင်းအတွက် ရူဘယ်ငွေ ၃ဝဝဝဝဝ ရူဘယ်ဖြစ်တယ်လို့ ပြီးခဲ့တဲ့ ရက်သတ္တပတ်မှာ မော်စကိုကာကွယ်ရေးဝန်ကြီးဌာနက ပြောပါတယ်။

ပုဂ္ဂလိက ဆုကြေးငွေအတွက် သက်သေခံလက်မှတ်ကို လွှဲပြောင်းပေးအပ်စဉ် “ရန်သူကို ထူးခြားပြောင်မြောက်စွာ ချေမှုန်းခဲ့သူတို့အတွက် နိုင်ငံတော်လုပ်ဆောင်ပေးနေတဲ့အပြင် ဟောဒါက အံ့သြစရာ ထပ်ဆောင်း ချီးမြှင့်ခြင်းပါပဲ” လို့ အလက်ဇန်းကာရီလင်က အန်ဒရေကရက်ဗ်ဆော့ဗ်ကို ပြောပြပါတယ်။

အဲဒီ ဆုကြေးငွေဟာ ပုဂ္ဂလိကစွန့်ဦးတီထွင်လုပ်ငန်းရှင်တစ်စုက တည်ထောင်ထားတဲ့ ရန်ပုံငွေမှ ဖြစ်ပါတယ်။ ယူကရိန်းနိုင်ငံအတွင်း စစ်ရေးဆောင်ရွက်နေတဲ့ ကရင်မလင်အပေါ် သူတို့ရဲ့သစ္စာစောင့်သိမှုကို လူသိရှင်ကြား ဖော်ပြဖို့အတွက် ရုရှားစီးပွားရေးလုပ်ငန်းအချို့က နည်းလမ်းရှာပုံ ဥပမာတစ်ခုဖြစ်တယ်လို့ သတင်းမှာ ဆက်လက် ဖော်ပြပါတယ်။

#အထူးစစ်ဘက်_အော့ပရေးရှင်း #ယူကရိန်း #ရုရှားကာကွယ်ရေး၀န်ကြီးဋ္ဌာန #အန်ဒရေ_ကရက်ဗ်ဆော့ဗ် #ဂရိကို-ရိုမန်နပမ်းပြိုင်ပွဲ #ဂျာမန်_လီယိုပတ်တင့်ကား အမေရိကန်_ဘရက်ဒလီ_တိုက်ခိုက်ရေးတင့်ကား #အလက်ဇန်း_ကာရီလင်

(Reuters., 20 June 2023,” Russian soldier gets $12,000 for destroying German tank in Ukraine” ကို #HtayOung, #OungMarine ဆီလျော်အောင် ကောက်နှုတ်ဘာသာပြန်ဆိုသည်။