ချမ်းမြသာစည်မြို့နယ်ရှိ အ-ထ-က(ခွဲ)ကျောင်းတစ်ခုအတွင်း လူငယ်တစ်ဦးက ဝင်ရောက်ကာ ကျောင်း သား/သူများအား ပေါက်ပြားဖြင့် လိုက်လံခုတ်မှုဖြစ်ပွား
ရဲပြည့် (NSS) - ဇွန် ၂၁
မန္တလေးတိုင်း ၊ ချမ်းမြသာစည်မြိုနယ်ရှိ အ-ထ-က ခွဲ(၁၈)ကျောင်းအတွင်းရှိ ကျောင်းသား၊ ကျောင်းသူများအား လူငယ်တစ်ဦးက ပေါက်ပြားဖြင့်လိုက်လံခုတ်ပြီး ကျောင်းဆောင်များနှင့် ကျောင်းစျေးတန်းကိုပါ ဖျက်ဆီးခဲ့ကြောင်း လုံခြုံရေးတပ်ဖွဲဝင်များနှင့်နီးစပ်သည့် သတင်းရင်းမြစ်ထံမှ သိရသည်။
ဖြစ်စဉ်မှာ ဇွန်လ ၁၉ ရက်၊ နံနက် ၁ဝ နာရီ ၁၅ မိနစ်ခန့်က ဖြစ်ပွားခဲ့ခြင်းဖြစ်ပြီး အသက် ၁၉ နှစ်အရွယ်အမျိုးသားတစ်ဦးမှ လုပ်ဆောင်ခဲ့ခြင်းဖြစ်ကြောင်း သိရသည်။
ဖြစ်စဉ်မှာ မန္တလေးတိုင်းဒေသကြီး၊ ချမ်းမြသာစည်မြိုနယ်၊ သံတောင်ရပ်ကွက်ရှိ အထကခွဲ(၁၈)ကျောင်းအတွင်းသို့ မျိုးမင်းသူ (၁၉)နှစ်က ပေါက်ပြားကိုင်ကာ ဝင်ရောက်၍ ကျောင်းသား၊ ကျောင်းသူများအား ပေါက်ပြားဖြင့် လိုက်လံခုတ်ခဲ့ခြင်းဖြစ်ပြီး ကျောင်းသား၊ ကျောင်းသူများသည် ထွက်ပြေးခဲ့ရကြောင်း သတင်းအရင်းမြစ်က ပြောသည်။
ယင်းနောက် ၎င်းသည် ကစ္စပနဒီကျောင်းဆောင်နှင့် မေခကျောင်းဆောင်တို့မှ တံခါးမကြီးရှိ အလျား ၂၂ လက်မခန့်၊ အနံ ၁၈ လက်မခန့်ရှိ မှန် (၆)ချပ်နှင့် ကျောင်းဈေးတန်းရှိ ဈေးဆိုင်အား ရိုက်ချိုးဖျက်ဆီးခြင်းများပြုလုပ်သွားခဲ့သဖြင့် လုံခြုံရေးတပ်ဖွဲ့ဝင်များမှ သွားရောက်ဖမ်းဆီးရာ တရားခံမျိုးမင်းသူအား ဖမ်းဆီးရမိခဲ့ကြောင်း၎င်းမှ ဆက်လက်ပြောသည်။
၎င်းသည် အရက်ကြောင် ကြောင်နေခြင်းကြောင့် ပြုလုပ်ခဲ့သည်ဟု ကနဦးသိရှိရပြီး ၎င်းအား အမှတ် (၁ဝ)မြို့မရဲစခန်းမှ ဥပဒေအရ အမှုဖွင့်အရေးယူဆောင်ရွက်ထားကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယူကရိန်းစစ်မြေပြင်မှ ဂျာမန်တင့်ကားကို ဖျက်ဆီးနိုင်သူ ရုရှားစစ်သားအား အိုလံပစ်နပမ်း ချန်ပီယံက ရူဘယ်ငွေ တစ်သန်း ဆုချီးမြှင့်
RELATED POSTS
07 Sep 2024 | ပညာရေး,ပြည်တွင်း
29 Aug 2024 | ပညာရေး,ပြည်တွင်း