စလင်းမြို့နယ်၊ ပုသိမ်-မုံရွာကားလမ်းပေါ်ရှိ တံတား(၁)စင်းအား PDF အဖွဲ့မှ မိုင်းထောင်ဖောက်ခွဲခဲ့ဟု ရဲတပ်ဖွဲ့ဆို
သန့်ဇင် (NSS) - ဇွန် ၂၁
မကွေးတိုင်းဒေသကြီး၊ စလင်းမြို့နယ်၊ ပုသိမ်-မုံရွာကားလမ်းပေါ်ရှိ တံတား(၁)စင်းအား PDF အဖွဲ့မှ မိုင်းထောင်ဖောက်ခွဲခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
ပြီးခဲ့သည့် (ဇွန်လ ၁၈ ရက်)၊ နေ့လည် ၁ နာရီအချိန်တွင် မကွေးတိုင်း၊ စလင်းမြို့နယ်၊ ကုန်းကြားကျေးရွာမြောက်ဘက် (၁)မိုင်ခန့်အကွာ ပုသိမ်-မုံရွာသွားကားလမ်းပေါ်၌ ဖြစ်ပွားခဲ့ကြောင်းသိရသည်။
ဖြစ်စဉ်မှာ အဆိုပါကားလမ်းပေါ်ရှိ မိုင်တိုင်အမှတ် (၂၉၅)မိုင်၊ ၄ ဖာလုံ နှင့် ၅ ဖာလုံကြား တံတားအမှတ် (၃/၂၉၆) ကုန်းကြားတံတား(ခ)ကျူံးတံတားကို PDF အဖွဲ့က မိုင်းထောင်ဖောက်ခွဲဖျက်ဆီးခဲ့ကြောင်း ရဲတပ်ဖွဲ့မှ ထုတ်ပြန်ထားသည်။
ထိုသို့ ပေါက်ကွဲမှုကြောင့် အရှည်(၁၃ဝ)ပေ၊ အကျယ်(၂၄)ပေခန့်ရှိ သံကူကွန်ကရစ်တံတားသည် ကုန်းကြားကျေးရွာဘက်ခြမ်းမှ (၆)ပေခန့် ပေါက်ကွဲပျက်စီးသွားခဲ့ကြောင်းလည်းသိရသည်။
အထက်ပါဖြစ်စဉ်မှ ပျက်ဆီးသွားခဲ့သည့် တံတားအား ပြန်လည်ပြုပြင်နိုင်ရေးနှင့် အများပြည်သူများအသုံးပြုလျက်ရှိသည့် တံတားအား မိုင်းထောင်ဖောက်ခွဲခဲ့သည့် အကြမ်းဖက်သမားများအား ဖမ်းဆီးအရေးယူနိုင်ရေး လုံခြုံရေးတပ်ဖွဲ့ဝင်များက ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့မှ ဆိုသည်။
လက်ရှိတွင် အဆိုပါဖောက်ခွဲခံရသည့် တံတားကို ဆက်လက်အသုံးပြု၍ မရသေးကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နိုင်ငံပိုင်ဘဏ် ပိတ်ဆို့ခံရပါက စိုးရိမ်စရာမရှိကြောင်းနှင့် နိုင်ငံခြားသုံးငွေ လွှဲပြောင်း၊ ပေးပို့မှုကိစ္စရပ်များကို အဆင်ပြေစေရေး ဆောင်ရွက်ပေးမည်ဟုဆို
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ