ရန်ကုန်မြို့ရှိ KTV၊ CLUB နှင့် BAR များတွင် ဖြန့်ဖြူးရောင်းချမည့် ငွေကျပ်သိန်း (၈ဝဝဝ)ကျော် တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိ
စော (NSS) - ဇွန် ၂ဝ
ရန်ကုန်တိုင်း၊ အင်းစိန်မြို့နယ်၊ ဒညင်းကုန်းရပ်ကွက်တွင် ငွေကျပ်သိန်း (၈ဝဝဝ)ကျော်တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိခဲ့ကြောင်း သိရသည်။
မြန်မာနိုင်ငံမူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ ယမန်နေ့(ဇွန်လ ၁၉ ရက်)တွင် အထက်ပါကဲ့သို့ထုတ်ပြန်ထားခြင်းဖြစ်သည်။
မူးယစ်ဆေးဝါးတားဆီးနှိမ်နင်းရေးတပ်ဖွဲ့သည် ပြီးခဲ့သည့် ဇွန်လ ၁၆ ရက်၊ ည ၇ နာရီခွဲအချိန်တွင် ဒညင်းကုန်းရပ်ကွက်၊ အောက်မင်္ဂလာဒုံလမ်းမကြီးနှင့် ပြည်တော်သာ(၁)လမ်းထိပ်တွင် ထူးခန့်နောင်၊ ပြည့်စုံကျော်မင်းနှင့် ဟိန်းခင်ဇော်တို့ မောင်းနှင်လာသည့် ဆိုင်ကယ်(၂)စီးအား ရှာဖွေစစ်ဆေးခဲ့ရာ စိတ်ကြွရူးသွပ်ဆေးပြား (၄ ဒသမ ၆၇)သိန်းအား သိမ်းဆည်းရမိခဲ့ကြောင်း သိရသည်။
ထို့နောက် စစ်ဆေးဖော်ထုတ်ချက်အရ ဇွန်လ (၁၇)ရက်၊ နံနက်(၁)နာရီအချိန်တွင်လည်း ပြည်စုံကျော်မင်း ငှားရမ်းနေထိုင်သည့် ရွှေပြည်သာမြို့နယ်၊ (၈/၄)ရပ်ကွက်၊ ယောမင်းကြီးလမ်းရှိနေအိမ်မှ စိတ်ကြွရူးသွပ်ဆေးပြား (၂ ဒသမ ၉)သိန်းနှင့် အိုက်စ်(မက်သ်အဖက်တမင်း) (၃)ကီလိုကို ထပ်မံသိမ်းဆည်းရမိခဲ့ကြောင်း သိရသည်။
ထို့ကြောင့် စုစုပေါင်း ငွေကျပ်သိန်း (၈၃ဝဝ)ကျော်တန်ဖိုးရှိ စိတ်ကြွရူးသွပ်ဆေးပြား (၇ ဒသမ ၅၇)သိန်းနှင့် အိုက်စ်(မက်သ်အဖက်တမင်း) (၃)ကီလိုကို သိမ်းဆည်းရမိခဲ့ကြောင်း သိရသည်။
အဆိုပါ မူးယစ်ဆေးဝါးများအား ရန်ကုန်မြို့ရှိ KTV, CLUB , BAR နှင့် စားသောက်ဆိုင်များတွင်လူငယ်များအား ဖြန့်ဖြူးရောင်းချသွားမည်ဖြစ်ကြောင်းသိရှိရသဖြင့် ၎င်းတို့အားဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း ရဲတပ်ဖွဲ့ကဆိုသည်။
ထို့ပြင် ပြီးခဲ့သည့် (ဇွန်လ ၁၁)ရက်ကလည်း ရန်ကုန်မြို့ရှိ KTV၊ CLUB၊ BAR နှင့် စားသောက်ဆိုင်များ၌ ရောင်းချမည့် ငွေကျပ်သိန်း(၉ဝဝဝ)တန်ဖိုးရှိ စိတ်ကြွရူးသွပ်ဆေးပြားများကိုလည်း သိမ်းဆည်းရမိခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်တွင်းအခြေအနေနှင့် နိုင်ငံတကာမှ ထူးခြားသတင်းများ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ