ရုရှားနှင့်စစ်ပွဲတွင် ယူကရိန်းရှုံးနိမ့်သွားမည်ဆိုပါက တတိယကမ္ဘာစစ်ဖြစ်ပွားလာနိုင်ကြောင်း ဘမ္မတလောင်းနစ်ကီဟာလေး သတိပေး
Pika (NP News) - ဇွန် ၆
ရုရှားနှင့်ယူကရိန်းစစ်ပွဲတွင် ယူကရိန်းရှုံးသွားမည်ဆိုပါက ကမ္ဘာစစ်ဖြစ်ပွားလာနိုင်ကြောင်း ရီပတ်ဘလစ်ကန်သမ္မတလောင်းနစ်ကီဟာလေးက ပြောကြားခဲ့သည်။
ယူကရိန်းကို စစ်လက်နက်ပစ္စည်းများ ထောက်ပံ့ပေးခြင်းသည် ကမ္ဘာစစ်ဖြစ်ပွားလာမည်ကို ကာကွယ် ခြင်းဖြစ်ပြီး အမေရိကန်၏ပြိုင်ဘက်များထံ သတင်းစကားပေးပို့ခြင်းလာနိုင်ကြောင်း ၎င်းကပြောဆိုခဲ့သည်။
နစ်ကီဟာလေးက "ယူကရိန်းက စစ်ပွဲကို အနိုင်ရခဲ့မယ်ဆိုရင် တရုတ်နဲ့ထိုင်ဝမ်တို့ကို သတင်းစကားပေးပို့နိုင်မယ့်အပြင် နျူကလီးယားလက်နက်တွေဆောက်ချင်တဲ့ အီရန်ကိုလည်း သတင်းစကားပေးပို့နိုင်မှာဖြစ်ပါတယ်။ ပြီးတော့ ပဲ့ထိန်းဒုံးကျည်တွေ စမ်းသပ်နေတဲ့ မြောက်ကိုရီးယားဆီကိုလည်း သတင်းစကားရောက်သွားမှာဖြစ်သလို ဒီစစ်ပွဲက ပြီးဆုံးသွားပြီဆိုတာကို ရုရှားကိုလည်းသတင်းစကားပေးပို့ပြီးသားဖြစ်မှာပါ။ ယူကရိန်းအနိုင်ရဖို့က ကျွန်မတို့ရဲ့ အမျိုးသားလုံခြုံရေးအတွက် အကာင်းဆုံးအကျိုးစီးပွားတစ်ခုဖြစ်ပါတယ်။ ဒါကိုစောင့်ကြည့်ပြီးတော့ ပြီးဆုံးအောင်လုပ်ဆောင်သွားရမှာပါ"ဟုပြောဆိုခဲ့သည်။
သို့သော်လည်း ရုရှား-ယူကရိန်းစစ်ပွဲ မည်ကဲ့သို့ ပြီးဆုံးသွားမည်ဆိုသည့်အချက်ကို ရှင်းရှင်းလင်းလင်းမသိကြောင်း နစ်ကီဟာလေးကပြောကြားခဲ့သည်။ ၎င်းက"ရုရှားကသာ စစ်ပွဲရှုံးနိမ့်သွားမယ်ဆိုရင်အဆုံးသတ်သွားမှာပါ။ ယူကရိန်းသာ ရှုံးနိမ့်မယ်ဆိုရင်တော့ ကမ္ဘာစစ်ဖြစ်ပွားလာပါလိမ့်မယ်။ ကမ္ဘာစစ်ကို တားဆီးနိုင်ဖို့အတွက် ယူကရိန်းဟာ ဒီစစ်ပွဲမှာာ အနိုင်ရရှိဖို့လိုအပ်ပြီး လက်နက်တွေလည်း အများကြီးလိုအပ်ပါတယ်။ ယူကရိန်းအနိုင်ရရှိတာက ကျွန်မတို့အားလုံးအနိုင်ရရှိတာပါပဲ။ ဘာဖြစ်လို့လဲဆိုတော့ အာဏာရှင်တွေက ဘယ်လိုလုပ်မယ်ဆိုတာကို ကျွန်မတို့ကို အတိအကျပြောထားလို့ပါပဲ"ဟုပြောဆိုခဲ့သည်။
ရုရှားသည် ပိုလန်နိုင်ငံ သို့မဟုတ် ဘော်လ်တစ်ဒေသရှိ နိုင်ငံများကို ကျူးကျော်ဝင်ရောက်နိုင်ခြေများနှင့်ပတ်သက်ပြီး သတင်းများထွက်ပေါ်နေသော်လည်း အဆိုပါအချက်မှာမဖြစ်နိုင်ကြောင်း အမေရိကန်ကျွမ်းကျင်သူအများစုကပြောကြားခဲ့သည်။ အဆိုပါနိုင်ငံများကို ကျူးကျော်ဝင်ရောက်ခြင်းသည် နေတိုးအဖွဲ့၏ အပြန်အလှန်ကာကွယ်ရေးစာပိုဒ်(၅)ကို အစပျိုးစေမည်ဖြစ်သကဲ့သို့ ရုရှားနှင့်နေတိုးအဖွဲ့ကြား ပဋိပက္ခ တိုက်ရိုက်စစ်ပွဲများဖြစ်ပွားလာစေနိုင်ကြောင်း ကျွမ်းကျင်သူများကပြောကြားခဲ့သည်။ နစ်ကီဟာလေးသည် F-16 တိုက်လေယာဉ်များ ယူကရိန်းသို့ ကူညီပံ့ပိုးပေးရန်အတွက် ယူကရိန်းသမ္မတဇီလန်စကီး၏ တောင်းဆိုချက်များအား ကူညီပေးရန် အမေရိကန်သမ္မတဂျိုးဘိုင်ဒန်ကို တိုက်တွန်းခဲ့ပြီး ရုရှားနိုင်ငံအပေါ် အမေရိကန်၏ ဆက်ဆံပုံသည် ပျော့ညံ့နေကြောင်း အခိုင်အမာပြောဆိုခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကျောက်မဲမြို့တွင် ကားနှစ်စီးယာဥ်တိုက်မှုဖြစ်ပွားခဲ့ရာ သံဃာတစ်ပါး အပါအဝင် (၅)ဦးထိခိုက်ဒဏ်ရာရရှိ
RELATED POSTS
19 Sep 2024 | နိုင်ငံရေး,ပြည်တွင်း