စော (NP News) - ဇွန် ၁

ရန်ကုန်တိုင်း၊ အင်းစိန်မြို့နယ်၊ အင်းစိန်ဂုံတံတားအောက်တွင် Delivery လိုက်ပို့သည့် အမျိုးသားတစ်ဦး လုယက်ခံခဲ့ရကြောင်း သတင်းရရှိသည်။

ဖြစ်စဉ်မှာ ယမန်နေ့ (မေလ ၃၁ ရက်)၊ ညနေ(၃)နာရီအချိန်တွင် အင်းစိန်မြို့နယ်၊ အင်းစိန်ပန်းခြံအနီးတွင် ဖြစ်ပွားခဲ့ကြောင်း အင်းစိန်မြို့နယ်ကြက်ခြေနီသူနာပြုတပ်ဖွဲ့ထံမှ သိရသည်။

“သူက အော်ဒါသွားပို့တာပါ။ ဂုံးတံတားအဆင်းမှာ အလုခံရတာပါ။ ဝိုင်းလုတော့သူကမပေးတော့ ဝိုင်းပြီး ရိုက်သွားကြတာပါ။ ဦးခေါင်းတော့ ထိသွားတယ်။ ပစ္စည်းတစ်ခုမှမပါသွားဘူး။ လူကိုပဲလုပ်သွားတာပါ”ဟု အင်းစိန်မြို့နယ် ကြက်ခြေနီသူနာပြုတပ်ဖွဲ့မှ တာဝန်ရှိသူတစ်ဦးက NP News ကိုပြောသည်။

အဆိုပါအမျိုသားသည် ဦးမျိုးဝင်းဖြစ်ပြီး အင်းစိန်မြို့တွင် နေထိုင်သူဖြစ်ကြောင်း ၎င်းကဆက်လက်ပြော ဆိုထားသည်။

၎င်းအား အင်းစိန်မြို့နယ်ပြည်သူ့ဆေးရုံသို့ပို့ဆောင်ထားပြီး လက်ရှိတွင်  မြောက်ဥက္ကလာဆေးရုံသို့ ပြန်လည်ပို့ဆောင်ထားကြောင်း သိရသည်။