Pika (NSS) - စက်တင်ဘာ ၁ဝ

မလေးရှားနိုင်ငံသည် တောင်တရုတ်ပင် လယ်အတွင်းတွင် ရေနံနှင့် သဘာဝဓာတ်ငွေ့ ရှာဖွေ ရေးလုပ်ငန်းကို ဆက်လက်လုပ်ဆောင်သွားမည်ဖြစ်ကြောင်း မလေးရှားဝန်ကြီးချုပ် အန်ဝါအီဘရာဟင်က စက် တင်ဘာလ(၅)ရက်နေ့တွင်  ပြောကြားခဲ့သည်။

ထို့ပြင် အဆိုပါကိစ္စကို တရုတ်နိုင်ငံနှင့်လည်း ချစ်ကြည်ရင်းနှီးစွာ ဆွေးနွေးသွားမည်ဖြစ်ကြောင်း အန်ဝါ အီဘရာဟင်က ပြောဆိုခဲ့သည်။  လက်ရှိအချိန်တွင် မလေးရှားအစိုးရပိုင် ရေနံကုမ္ပဏီ Petronas သည် ၎င်း၏ သီးသန့်စီးပွားရေးဇုန်အတွင်း ပင်လယ်ပြင်ရှိ ရေနံနှင့်သဘာဝဓာတ်ငွေ့တွင်းများကို လည်ပတ်လျက်ရှိကြောင်းသိရသည်။

တောင်တရုတ်ပင်လယ် တစ်ခုလုံးနီးပါးကို ၎င်းတို့ပိုင်ဆိုင်ကြောင်း တရုတ်ဘက်က ပြောဆိုထားသကဲ့သို့ ဖိလစ်ပိုင်၊ ဗီယက်နမ်၊ အင်ဒိုနီးရှား၊ မလေး ရှား နှင့် ဘရူနိုင်းနိုင်ငံတို့ကလည်း တောင်တရုတ်ပင် လယ်အတွင်း တစ်စိတ်တစ်ပိုင်းကို ゞင်းတို့ပိုင်ဆိုင် ကြောင်း အခိုင်အမာပြောဆိုထားကြသည်။ အန်ဝါအီ ဘရာဟင်သည် ရုရှားနိုင်ငံသို့အလည်အပတ်ခရီး ရောက်ရှိနေစဉ်အချိန်အတွင်း ယခုကဲ့သို့ပြောဆိုခဲ့ ခြင်းဖြစ်သည်။ အန်ဝါအီဘရာဟင်က "ရေနံနဲ့သဘာဝဓာတ်ငွေ့ရှာဖွေရေးနဲ့ပတ်သက်ပြီး လုပ်ဆောင် ခဲ့တာက ကျွန်တော်တို့ရဲ့ ရေပိုင်နက်အတွင်းမှာပါ။ ကျွန်တော်တို့ဘက်က ရန်စတာမျိုး၊ ရန်လိုတာမျိုးတွေ ဖြစ်စေဖို့အတွက် ရည်ရွယ်ထားတာမဟုတ်ဘူး ဆို တာကို တရုတ်နိုင်ငံကို ရှင်းပြသွားမှာပါ။ တရုတ်နိုင်ငံ က မိတ်ဖက်ကောင်း နိုင်ငံတစ်နိုင်ငံဖြစ်ပါတယ်။ ဒါပေမဲ့ ရေနံတူးဖော်တာအပါအဝင် စီးပွားရေးတိုးတက် စေဖို့အတွက် ဒီလိုလုပ်ငန်းတွေကိုတော့ ကျွန်တော်တို့ ရေပိုင်နက်ထဲမှာ ဆက်လက်လည်ပတ်နေရမှာပါ" ဟု ပြောဆိုခဲ့သည်။

ပြီးခဲ့သည့်သီတင်းပတ်တွင် ဆာရာဝက် ပြည်နယ် ဘော်နီယိုကျွန်းရှိ ရေနံနှင့်သဘာဝဓာတ်ငွေ့လုပ်ငန်းအားလုံးကို ရပ်တန့်ရန် မလေးရှားကို တ ရုတ်အစိုးရက တောင်းဆိုခဲ့ကြောင်းသိရသည်။ မလေးရှားနိုင်ငံသည် တရုတ်ပိုင်နက်ကို ကျူးကျော် ကာ ရေနံနှင့်သဘာဝဓာတ်ငွေ့ရှာဖွေရေးလုပ်ငန်းကို လုပ်ကိုင်နေခြင်းဖြစ်ကြောင်း တရုတ်ဘက်က စွပ်စွဲပြောဆိုခဲ့သည်။

အဆိုပါကိစ္စနှင့်ပတ်သက်ပြီး မှတ်ချက်ပေးရန် တောင်းဆိုမှုများကို မလေးရှားနိုင်ငံခြားရေးဝန် ကြီးဌာနက မှတ်ချက်ပြု ပြောဆိုတာမျိုးမရှိသေး ကြောင်းသိရသည်။ အန်ဝါအီဘရာဟင်က "ရေနံနဲ့ သဘာဝဓာတ်ငွေ့ရှာဖွေရေးကို ကျွန်တော်တို့ဆက်လက်လုပ်ဆောင်သွားမှာပါ။ ဘာကြောင့်လဲဆိုတော့ ဒါကကျွန်တော်တို့နိုင်ငံရဲ့ စီးပွားရေးရှင်သန်မှုတစ်ခု ဖြစ်နေလို့ပါ"ဟု ပြောဆိုခဲ့သည်။