Pika (NSS) - ဩဂုတ် ၁

တောင်ကိုရီးယားအမျိုးသမီးအဆိုတော်အဖွဲ့ TWICE ၏ "What is Love?" သီချင်းသည် YouTube တွင် ကြည့်ရှုသူသန်း(၈၀၀)ကျော်ထိ ရှိခဲ့ကြောင်းသိရသည်။ ၂၀၁၈ ခုနှစ် ဧပြီလ(၉)ရက်နေ့တွင် ထွက်ရှိခဲ့သော "What is Love?" သီချင်းသည် ဇူလိုင်လ(၂၇)ရက်နေ့ နံနက်(၄)နာရီခွဲအချိန်တွင် YouTube ၌ ကြည့်ရှုသူသန်း(၈၀၀)ကျော်သွားခဲ့ခြင်းဖြစ်ကြောင်း သိရသည်။

အဆိုပါအောင်မြင်မှုနှင့်အတူ TWICE အဖွဲ့သည် ၎င်းတို့၏သီချင်းက ကြည့်ရှုသူသန်း(၈၀၀)ကျော်ရှိခဲ့သော ပထမဆုံးသီချင်းဖြစ်လာခဲ့သည့် စံချိန်သစ်ကို ရရှိခဲ့ကြောင်းသိရသည်။ "What is Love?" သီချင်းကို JYP Entertainment ၏ ထုတ်လုပ်သူ အရာရှိချုပ် Park Jin-young က ရေးစပ်ထားခြင်းဖြစ် ကြောင်းသိရသည်။ စာအုပ်များ၊ ရုပ်ရှင်များနှင့် ဒရာမာများမှတစ်ဆင့် အချစ်အကြောင်းလေ့လာသော မိန်းကလေးများ၏ စူးစမ်းလိုစိတ်ကို ဖော်ပြသည့် စာသားများကို အဆိုပါသီချင်းတွင် ထည့်သွင်းပေါင်းစပ်ထားကြောင်းလည်းသိရသည်။

ထို့ပြင် "What is Love?" သီချင်းသည် ပြည်တွင်းနှင့်ပြည်ပရှိ ပရိသတ်များကြားတွင် လက်ရှိအချိန်အထိ ရေပန်းစားလျက်ရှိကြောင်းလည်း သိရသည်။ TWICE အဖွဲ့၏ "TT," "LIKEY," နှင့်"FANCY" သီချင်းတို့သည် ကြည့်ရှုသူသန်း(၆၀၀)ကျော်ထိရရှိထားပြီး "CHEER UP"၊ "I CAN'T STOP ME"၊ "Feel Special" နှင့် "OOH-AHH" သီချင်းတို့သည် ကြည့်ရှုသူသန်း(၅၀၀) ကျော်ထိ ရရှိခဲ့ကြောင်းသိရသည်။  "The Feels" နှင့် "MOONLIGHT SUNRISE" သီချင်းတို့အပါအဝင် TWICE အဖွဲ့၏ သီချင်း(၂၄)ပုဒ်သည် ကြည့်ရှုမှုသန်း(၁၀၀)ကျော်စီ အသီးသီးရရှိထားကြပြီး ကမ္ဘာတစ်ဝန်းရှိ မိန်းကလေးအဖွဲ့များကြားတွင် အမြင့်ဆုံးစံချိန်ကို ထိန်းသိမ်းထားနိုင်ကြောင်းလည်းသိရသည်။