ဗြိတိန်ဆယ်ကျော်သက်တစ်ဦး တစ်ပတ်ကို စီးကရက် ၄၀၀ ခန့်နဲ့ညီမျှတဲ့ E Vape သောက်သုံးမိခြင်းကြောင့် ပြင်းထန်အဆုတ်ရောဂါနဲ့ ဆေးရုံတက်ရ
ရောင်နီ (NSS) - ဇွန် ၁၃
ဗြိတိန်ရှိ ဆယ်ကျော်သက်မိန်းကလေးတစ်ဦးဟာ တစ်ရက်ကို ပျှမ်းမျှ စီးကရက် ၅၇ လိပ်၊ တစ်ပတ်ကို စီးကရက် အလိပ် ၄၀၀ ခန့်နဲ့ညီမျှတဲ့ E vape သောက်ပြီးနောက် ပြင်းထန် အဆုတ်ရောဂါနဲ့ပြီးခဲ့တဲ့ မေလက ဆေးရုံတက်ခဲ့ရတယ်လို့သိရပါတယ်။ အသက် ၁၇ နှစ်အရွယ်ပဲရှိသေးတဲ့ ကာလာဘလိုက် အမည်ရှိ အမျိုးသမီးဟာ မေလ ၁၁ ရက်နေ့ အစောပိုင်းက အဆုတ်မှာ pulmonary bleb လို့ခေါ်တဲ့ အဖုသေးသေးလေး ပေါက်သွားပြီး နှလုံးရပ်လုနီးနီးဖြစ်ခဲ့ကာ ခွဲစိတ်ခန်းချက်ချင်းဝင်ခဲ့ရပါတယ်။ အဲဒီနောက် သူမရဲ့အဆုတ်ပျက်စီးနေတဲ့ အစိတ်အပိုင်းကို ဖယ်ထုတ်ဖို့ ၅ နာရီခွဲကြာ ခွဲစိတ်ကုသမှု ခံယူခဲ့ရပါတယ်။
ဆေးရုံမှကျွမ်းကျင်သူတွေကတော့ ဒီအခြေအနေကို "အသက်အန္တရာယ်ရှိတယ်"လို့ ဆိုထားပြီး အဆုတ်ရဲ့အစိတ်အပိုင်းတစ်ခုဟာ ပြာကျလုနီးနီးဖြစ်ခဲ့တယ်လို့ ပြောကြားခဲ့ပါတယ်။ ကယ်လာဟာ သူမ အသက် ၁၅ နှစ်အရွယ်ကစ ဆေးလိပ်သောက်ဖြစ်ခဲ့ပြီး တစ်ပတ်ကို စီးကရက် အလိပ် ၄၀၀ နဲ့ ညီမျှတဲ့ puff vape ကို သောက်သုံးခဲ့တယ်လို့ အစီရင်ခံစာက ဆိုပါတယ်။ ကယ်လာဟာ ခွဲစိတ်ပြီးနောက် သီတင်း ၂ ပတ်ကြာထိ ဆေးရုံတက်ခဲ့ရပါတယ်။ အစီ ရင်ခံစာအရ သူမဟာ ၂၀၂၃ ခုနှစ် နိုဝင်ဘာလကလည်း နှလုံးဖောက်လက္ခဏာနဲ့ ဆေးရုံတက်ခဲ့ရသေးတယ်လို့ သိရပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဂျင်တီးနားတွင် ပြုပြင်ပြောင်းလဲရေးဆိုင်ရာ ဥပဒေကြမ်းအား ဆွေးနွေးနေချိန်၌ ရဲတပ်ဖွဲ့နှင့် ဆန္ဒပြသူများအကြား ရုန်းရင်းဆန်ခတ်ဖြစ်ပွား
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ