ထိုင်းနိုင်ငံမှာ ထူးထူးခြားခြား အထီး၊ အမ အမွှာပူး ဆင်(၂)ကောင် မွေးဖွား
![](http://nssmy.com/original_post_images/f-12276-12-06-202466692286575f5.jpg)
ရောင်နီ(NSS) - ဇွန် ၁၂
ထိုင်းနိုင်ငံမှာ ပန်ဂျန်ဂျူရီ အမည်ရှိ အသက် (၃၆)နှစ်အရွယ် ဆင်မကြီးတစ်ကောင်ဟာ အယုဒ္ဓယပြည်နယ်မှာ ဇွန်လ ၇ ရက်နေ့က ကမ္ဘာ့ပထမဆုံး အထီး၊ အမ အမွှာပူးဆင် (၂) ကောင်ကို မွေးဖွားခဲ့ပါတယ်။
အယုဒ္ဓယမြို့နယ် စွမ်ပရစ်ခရိုင်ခွဲရှိ Royal Elephant Kraal ကျေးရွာမှ တာဝန်ရှိသူတစ်ဦးက ဇွန်လ ၇ ရက် ညမှာ အလေးချိန် ၈၀ ကီလိုဂရမ်ရှိ ဆင်ပေါက် အမွှာလေး(၂) ကောင် မွေးဖွားခဲ့ပြီး တိရစ္ဆာန်ဆေးကုဆရာဝန်တွေနဲ့ အခြားပြုစုစောင့်ရှောက်သူတွေကို အံ့အားသင့်စေခဲ့တယ်လို့ သိရပါတယ်။ အဆိုပါ ဆင်ပေါက်လေး (၂)ကောင်ကို ဓာတ်မှန်ရိုက် စစ်ဆေးဖို့ ဆေးရုံကို ခေါ်ဆောင်သွားခဲ့တယ်လို့ တာဝန်ရှိသူတစ်ဦးက ပြောပါတယ်။ ကမ္ဘာတဝန်းက ဆင်အမွှာမွေးဖွားမှုဖြစ်စဉ်တွေဆိုရင် ၂၀၂၃ ခုနှစ် နိုဝင်ဘာလကတော့ ကင်ညာနိုင်ငံမှာ ဆင်အမွှာပူးမွေးခဲ့တဲ့ ဖြစ်စဉ်တစ်ခု ရှိခဲ့ဖူးပါတယ်။ ဒါပေမဲ့ အဲဒီအမွှာဟာ လိင်အင်္ဂါမတူညီတဲ့ အမွှာဖြစ်ပါတယ်။ ဆင်တွေမှာ မွေးဖွားမှုရဲ့ (၁)ရာခိုင်နှုန်းခန့်သာ အမွှာမွေးလေ့ရှိတယ်လို့ သိရပါတယ်။ အခု လိင်အင်္ဂါကွဲပြားတဲ့ အမွှာဆင်မွေးဖွားမှုကတော့ ကမ္ဘာ့ပထမဆုံး မွေးဖွားမှုဖြစ်ပြီး ဆင်မကြီး ပန်ဂျန်ဂျူရီရဲ့စတုတ္ထမြောက် ကိုယ်ဝန်ဖြစ်တယ်လို့ သိရပါတယ်။
ဇူလိုင်လ ၂၈ ရက်နေ့မှာ ထိုင်းဘုရင်မင်းမြတ် သက်တော်(၇၂)နှစ်မြောက်မွေးနေ့ရှိပြီး မွေးနေ့မတိုင်ခင် ထူးထူးခြား အမွှာဆင် မွေးဖွားမှုဖြစ်စဉ်ဟာ အံ့ဖွယ်ကောင်းတယ်လို့ တာဝန်ရှိသူတွေက ဆိုပါတယ်။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အင်ဒိုနီးရှားက မိုက်ခရို ပလတ်စတစ် စားသုံးမှုအများဆုံးစာရင်းတွင်ပါဝင်လာ
RELATED POSTS
07 Sep 2024 | ဗဟုသုတ,ပြည်တွင်း
07 Sep 2024 | ဗဟုသုတ,နိုင်ငံတကာ
07 Sep 2024 | ဗဟုသုတ,နိုင်ငံတကာ
06 Sep 2024 | ဗဟုသုတ,နိုင်ငံတကာ