Static Template
  • အခေါက်ရွှေဈေး တစ်ကျပ်သား -
  • သတင်းဆောင်းပါးများတင်ဆက်ပေးနေသော NSS မှ ကြိုဆိုပါသည်။
  • အမေရိကန်(၁)ဒေါ်လာ -
  • ရွှေဈေး တစ်ကျပ်သား သိန်း ၃၀
  • သတင်းဆောင်းပါးများတင်ဆက်ပေးနေသော NSS မှ ကြိုဆိုပါသည်။
  • အခေါက်ရွှေဈေး တစ်ကျပ်သား -
  • သတင်းဆောင်းပါးများတင်ဆက်ပေးနေသော NSS မှ ကြိုဆိုပါသည်။
  • အမေရိကန်(၁)ဒေါ်လာ -
  • ရွှေဈေး တစ်ကျပ်သား သိန်း ၃၀
  • သတင်းဆောင်းပါးများတင်ဆက်ပေးနေသော NSS မှ ကြိုဆိုပါသည်။
“အကြမ်းဖက်သောင်းကျန်းသူတွေကြောင့် ဆေးရုံအချို့ကို ပိတ်ထားရတယ် ” မဖြေသောမေးခွန်းများနှင့် ကျန်းမာရေးဝန်ကြီးဌာန၏ သုံးနှစ်ကျော်ခရီး (အင်တာဗျူး)

ယွန်း (NSS) - ‌ဇွန် ၁ဝ

နိုင်ငံရေးအပြောင်းအလဲဖြစ်ပွားခဲ့သည့် ၂၀၂၁ ခုနှစ်မှစတင်ကာ ပဋိပက္ခများ ပြင်းထန် လာမှုနှင့်အတူ ကျန်းမာရေးဝန်ကြီးဌာနလက်အောက်ရှိ ဆေးရုံ၊ ဆေးခန်းများလည်း မိုင်းထောင် ဖောက်ခွဲဖျက်ဆီးခံရမှုများရှိခဲ့သည်။ ထို့ပြင် ကျန်းမာရေးဝန်ထမ်းများကိုလည်း NUG နှင့် ၎င်း၏လက်အောက်ခံ PDF များက ပစ်မှတ်ထားဖမ်းဆီးမှုနှင့် သတ်ဖြတ်မှုများလည်း အများအပြားရှိခဲ့သည်။ နိုင်ငံတော်အနေဖြင့် ဆေးရုံ၊ ဆေးခန်းအသစ်များကို တည်ဆောက်လျက်ရှိသော်လည်း အချို့ဒေသများ ၌ နိုင်ငံရေး အခြေအနေအရ လက်ရှိအချိန်အထိ ဆေးရုံ၊ ဆေးခန်းမဖွင့်နိုင်သေးသည့် အခြေအနေနှင့် ကြုံတွေ့လျက်ရှိသည်။ ယင်းကဲ့သို့ အကြောင်းအရာများ အပါအဝင် ပြည်သူလူထု၏ ကျန်းမာရေးဆိုင်ရာ ကိစ္စများနှင့်ပတ်သက်၍ The Statesman ဂျာနယ်က ကျန်းမာရေးဝန်ကြီးဌာနသို့ မေးမြန်းခဲ့သည့်အပေါ် ဝန်ကြီးဌာနဘက်မှ ပြန်လည်ဖြေကြားချက်များကို မူရင်းအတိုင်း NSS တွင် ထပ်ဆင့်ဖော်ပြလိုက်ပါသည်။

မေး- မြန်မာတစ်နိုင်ငံလုံးမှာ ဗဟိုအဆင့်၊ တိုင်းဒေသကြီးနဲ့ ပြည်နယ်၊ ခရိုင်၊ မြို့နယ်၊ တိုက်နယ်အဆင့် ပြည်သူ့ဆေးရုံ အရေအတွက် ဘယ်လောက်ရှိလဲ သိလိုပါတယ်။

ဖြေ- ကုသရေးဦးစီးဌာနလက်အောက်ရှိ ပြည်သူ့ ဆေးရုံများ . . .

အထူးကုဆေးရုံ(၃၃) ရုံ၊ ခုတင်(၂၀ဝဝ)- ၁ ရုံ၊ ခုတင်(၁၅၀ဝ)- ၁ ရုံ၊ ခုတင်(၁၀ဝဝ)- ၁ ရုံ၊ ခုတင်(၈၀ဝ)- ၁ ရုံ၊ ခုတင်(၅၀ဝ)- ၁၃ ရုံ၊ ခုတင်(၃၀ဝ)- ၄ ရုံ၊ ခုတင်(၂၀ဝ)- ၃၂ ရုံ၊ ခုတင်(၁၅၀)- ၂ ရုံ၊ ခုတင်(၁၀ဝ)- ၄၂ ရုံ၊ ခုတင်(၅၀)- ၁၂၁ ရုံ၊ (၂၅) ခုတင်- ၁၄၆ ရုံ၊ (၁၆) ခုတင်- ၉ ရုံ၊ တိုက်နယ်ဆေးရုံ- ၇၇၂ ရုံ၊ ဆေးရုံစုစုပေါင်း- ၁၁၇၈ ရုံရှိပါသည်။

ပြည်သူ့ကျန်းမာရေးဦးစီးဌာနလက်အောက်ရှိ ကျန်းမာရေးဌာနများ ....

ကျေးလက်ကျန်းမာရေးဌာန- ၁၉၀၄ ခု၊ ကျေးလက် ကျန်းမာရေးဌာနခွဲ- ၉၀၇၇ ခု၊ ဒေသန္တရ ကျန်းမာရေး ဌာန- ၉၈ ခု။ စုစုပေါင်း- ၁၁၀၇၉ ခု ရှိပါသည်။


မေး- တစ်နိုင်ငံလုံးမှာရှိတဲ့ ပြည်သူ့ဆေးရုံတွေမှာ တာဝန်ထမ်းဆောင်နေတဲ့ ဝန်ထမ်းအရေအတွက် ဘယ်လောက်ရှိပါသလဲ။ အလားတူ ပုဂ္ဂလိကဆေးရုံ ဝန်ထမ်းအရေအတွက် ဘယ်လောက်ရှိပါသလဲ။

ဖြေ- ကျန်းမာရေးဝန်ကြီးဌာနလက်အောက်ရှိ ကျန်းမာရေးဝန်ထမ်းစုစုပေါင်း- (၆၈၅၂၆)ဦး ရှိသည့် အနက် အရာထမ်း- ၈၆၂၆ ဦးဖြစ်ပြီး အမှုထမ်း- ၅၉၉၀ဝ ဦးဖြစ်ပါသည်။ ပုဂ္ဂလိကဆေးရုံ/ဆေးခန်းဆောင်ရွက်သူ အရေအတွက်မှာ ဆရာဝန် ၈၀၃၇ ဦး၊ သူနာပြု ၂၅၂၆ ဦး၊ ကျွမ်းကျင် ၂၃၄၈ ဦး၊ အခြား ၁၆၃၃၆ ဦး၊ စုစုပေါင်း (၂၉၂၄၇)ဦး ဖြစ်ပါသည်။

မေး- ပြည်သူ့ဆေးရုံတွေမှာ လူနာတွေကို အတတ်နိုင်ဆုံး ကုန်ကျစရိတ်မရှိစေဖို့ ဆေးကုသနိုင်ရေး ဘတ်ဂျက်တွေကို နိုင်ငံတော်ကနေ နှစ်စဉ်တိုးမြှင့်ပေးနေတယ်လို့ သိရပါတယ်။ နှစ်စဉ်ဘယ်လောက်ထိ တိုးမြှင့်ပေးနေလဲ။

ဖြေ- နိုင်ငံတော်အစိုးရက ကျန်းမာရေးဝန်ကြီးဌာနအတွက် ဘဏ္ဍာငွေများကို နှစ်အလိုက်တိုးမြှင့်ချထား ပေးလျက်ရှိရာမှာ- 

၂၀၂၁ ခုနှစ်အောက်တိုဘာလမှ ၂၀၂၂ ခုနှစ် မတ်လအထိ (၆)လ- စုစုပေါင်းအသုံးစရိတ် ကျပ်သန်းပေါင်း ၄၉၉,၇၃၁.၅၉၁

၂၀၂၂- ၂၀၂၃ ဘဏ္ဍာနှစ်- စုစုပေါင်း အသုံးစရိတ်ကျပ်သန်းပေါင်း ၈၆၇,၂၅၁.၉၃၂

၂၀၂၃- ၂၀၂၄ ဘဏ္ဍာနှစ်- စုစုပေါင်း အသုံးစရိတ်ကျပ်သန်းပေါင်း ၈၁၄,၆၉၇. ၇၇၅ 

၂၀၂၄- ၂၀၂၅ - စုစုပေါင်းအသုံးစရိတ်ကျပ်သန်းပေါင်း ၈၇၁,၆၄၅.၄၄၂ ဖြစ်ပါသည်။

မေး- ဝန်ကြီးဌာနအနေနဲ့ လိုင်စင်ခွင့်ပြုပေးထားတဲ့ ပုဂ္ဂလိကဆေးရုံအရေအတွက် ဘယ်လောက်ရှိလဲ။

ဖြေ- (၃၀-၄-၂၀၂၄) ရက်နေ့အထိ ပုဂ္ဂလိက ကျန်းမာရေးလုပ်ငန်းဆိုင်ရာဗဟိုအဖွဲ့မှ လိုင်စင်စိစစ်ခွင့် ပြုခဲ့သော ပုဂ္ဂလိကဆေးရုံအရေအတွက် (၂၉၅) ရုံ ရှိပါသည်။

မေး- လိုင်စင်ခွင့်ပြုချက်ရဖို့ လျှောက်ထားတဲ့ ပုဂ္ဂလိကဆေးရုံအရေအတွက် ဘယ်လောက်ရှိနေလဲ။ ဘယ်ဒေသက အများဆုံးလဲ။

ဖြေ- လိုင်စင်ခွင့်ပြုချက်ရဖို့ လျှောက်ထားဆဲ ပုဂ္ဂလိကဆေးရုံအရေအတွက်- ၆၁ ခုရှိပါသည်။ ရန်ကုန်တိုင်းဒေသကြီးတွင် အများဆုံးဖြစ်ပါသည်။

မေး- ၂၀၂၁ ခုနှစ် အခင်းအကျင်းကနေစပြီး လက်ရှိ အချိန်အထိ လုပ်ငန်းလိုင်စင်ပိတ်သိမ်းထားတဲ့ ပုဂ္ဂလိ ကဆေးရုံအရေအတွက် ဘယ်လောက်ရှိလဲ။ ဘကြောင့် ပိတ်သိမ်းခဲ့တာလဲ။

ဖြေ- ၂၀၂၁ ခုနှစ်ကနေစပြီး လက်ရှိအချိန်အထိ ပုဂ္ဂလိက ကျန်းမာရေးလုပ်ငန်းဆိုင်ရာ ဥပဒေပုဒ်မ ၂၆၊ ပုဒ်မခွဲ(ဃ)အရ ပုဂ္ဂလိက ဆေးရုံလုပ်ငန်းလိုင်စင် ပယ်ဖျက်ခဲ့သည့် ဆေးရုံ(၄) ရုံ ရှိပါသည်။

ဆေးရုံလုပ်ငန်းလိုင်စင် ပယ်ဖျက်ခံရသည့် အဓိကအကြောင်းအရင်းမှာ ပုဂ္ဂလိကကျန်းမာရေး လုပ်ငန်းဆိုင်ရာ ဥပဒေပါ လိုင်စင်စည်းကမ်းများကို လိုက်နာရန် ပျက်ကွက်ခြင်းကြောင့် ဖြစ်ပါသည်။

မေး- ၂၀၂၁ ခုနှစ် အခင်းအကျင်းကနေစပြီးတော့ လက်ရှိအချိန်အထိ နိုင်ငံတစ်ဝန်းဖျက်ဆီးခံခဲ့ရတဲ့ ဆေးရုံ၊ ဆေးခန်းအရေအတွက် ဘယ်လောက်ရှိလဲ။ ဘယ်တိုင်းဒေသကြီးနဲ့ ပြည်နယ်မှာ အများဆုံးလဲ။

မဖြေပါ----

မေး- CDM ဝင်ရောက်သွားတဲ့ ကျန်းမာရေးဝန်ထမ်းအရေအတွက် ဘယ်လောက်ရှိပါသလဲ။ ပြန်လည်အစားထိုးခန့်အပ်မှုကကော ဘယ်လောက်ရှိပါသလဲ သိလိုပါတယ်။

မဖြေပါ - - -

မေး- ဆေးရုံဆေးခန်းပိတ်ထားရတဲ့ ဒေသတွေက ပြည်သူလူထုရဲ့ ကျန်းမာရေးအတွက် ဝန်ကြီးဌာနက ဘယ်လိုမျိုးတွေ ဆောင်ရွက်ပေးထားလဲ။

ဖြေ- ပြည်သူလူထုအားလုံး၏ ကျန်းမာရေးစောင့်ရှောက်မှုများကို အရှိန်အဟုန်မြှင့်တင်၍ စဉ်ဆက် မပြတ် ဆောင်ရွက်ပေးလျက်ရှိပြီး အထူးသဖြင့် အထူးကုသမှုများ (Super Speciality) လိုအပ်သော ပြည်သူများအနေဖြင့် ဆေးဝါးကုသမှုများကို လက်လှမ်းမီ ရရှိစေရေးအတွက် ရန်ကုန်/ မန္တလေး/ နေပြည်တော်မှ ပါမောက္ခ/အထူးကုဆရာဝန်ကြီးများ ပါဝင်သည့် အထူးကုဆေးကုသရေးအဖွဲ့များသည် တိုင်းဒေသကြီး/ ပြည်နယ်များသို့ ကွင်းဆင်းသွားရောက်ခြင်းကို ၂၀၂၃ ခုနှစ်၊ ဇွန်လမှ စတင်၍ မိုခါမုန်တိုင်းသင့် ဒေသ ရခိုင်ပြည်နယ်၊ စစ်တွေမြို့မှ စတင်ကာ ဆောင်ရွက်ခဲ့ရာ ၂၀၂၃ ခုနှစ်တွင် (၁၅)ကြိမ်နှင့် ၂၀၂၄ ခုနှစ် ဧပြီလအထိ (၁၂)ကြိမ် ဆောင်ရွက်ခဲ့ပြီး လူနာပေါင်း (၃၃,၇၂၃) ဦးကို ကြည့်ရှုကုသပေးနိုင်ခဲ့ပါသည်။ ဆက်လက်၍ ၂၀၂၄ ခုနှစ် ဇွန်လမှစတင်၍ (၂)ပတ်တစ်ကြိမ် ဆောင် ရွက်မည် ဖြစ်ပါသည်။

ထို့ပြင် တိုင်းဒေသကြီး/ ပြည်နယ်များအလိုက် ခုတင်(၁၀ဝ)နှင့်အထက် ပြည်သူ့ဆေးရုံများမှ အထူးကုဆရာဝန်များပါဝင်သော အထူးကု ကွင်းဆင်း စစ်ဆေးမှုများကို ဆောင်ရွက်လျက်ရှိရာ ၂၀၂၃ ခုနှစ်အတွင်း (၁၂၇)ကြိမ်၊ ၂၀၂၄ ခုနှစ်အတွင်း ဧပြီလအထိ (၅၀)ကြိမ် ဆောင်ရွက်နိုင်ခဲ့ပါသည်။

ပြည်သူများ၏ ကိုယ်ပိုင်ငွေကြေး စိုက်ထုတ်ကုန်ကျရမှု သက်သာစေရေးအတွက် မျက်စိ အတွင်းတိမ်ခွဲစိတ်ကုသမှုနှင့် မွေးရာပါ နှုတ်ခမ်းကွဲ၊ အာခေါင်ကွဲ ခွဲစိတ်ကုသမှုတို့ကို ကျွမ်းကျင် ဆေး ပညာရှင်အဖွဲ့များဖြင့် နိုင်ငံတစ်ဝန်းသို့ အလှည့်ကျ သွားရောက်အားဖြည့်ဆောင်ရွက်လျက်ရှိပါသည်။ မျက်စိအတွင်းတိမ်ခွဲစိတ် ကုသမှုအနေဖြင့် မျက်စိ အထူးကုဆေးအဖွဲ့များကို မျက်စိခွဲစိတ်ကုသမှုအား နည်းသည့်ဒေသများ၊ လူနာများပြားသည့်ဒေသများသို့ စေလွှတ်ခဲ့ရာ ၂၀၂၃ ခုနှစ် ဒီဇင်ဘာလမှ ၂၀၂၄ ခုနှစ်၊ ဧပြီလအထိ (၁၀)ကြိမ်သွားရောက်ပြီးဖြစ်ကာ မျက်စိ အတွင်းတိမ်လူနာ(၁ç၃၂၂) ဦး ကို ခွဲစိတ်ကုသပေးနိုင်ခဲ့ပြီး အတွင်းမှန်ဘီလူး (IOL)များ၊ မျက်မှန်များလည်း ထောက်ပံ့ပေးနိုင်ခဲ့ပါသည်။ ၂၀၂၄ ခုနှစ် မေလ (၂၆)ရက်နေ့မှစတင်၍ ပုံမှန်အစီအစဉ်ဖြင့် ဆက်လက်ဆောင်ရွက်မည် ဖြစ်ပါသည်။

နိုင်ငံတော်စီမံအုပ်ချုပ်ရေးကောင်စီ အစိုးရတာဝန်ယူစဉ်ကာလတွင် ဆေးရုံအဆောက် အအုံသစ်များ ဖွင့်လှစ်နိုင်မှုအနေဖြင့် ၂၀၂၂ ခုနှစ် အတွင်း၊ ဖေဖော်ဝါရီလတွင် ပြည်သူ့ဆေးရုံကြီး- ဟင်္သာတမြို့(၃)ထပ်ကုသဆောင်သစ်၊ မတ်လတွင် ပြည်သူ့ဆေးရုံကြီး- မကွေးမြို့ သားဖွားမီးယပ်နှင့် မွေးကင်းစကုသဆောင်သစ်၊ စက်တင်ဘာလတွင် ပြည်သူ့ဆေးရုံကြီး- မုံရွာမြို့ (၅)ထပ် ကုသဆောင် သစ်၊ အောက်တိုဘာလတွင် ပြည်သူ့ဆေးရုံကြီး- ဘားအံမြို့ (၃)ထပ် ကုသဆောင်သစ်နှင့် ဝေဘာဂီ အထူးကုဆေးရုံကြီး အထူးကူးစက်ရောဂါကုသဆောင်သစ်၊ ဒီဇင်ဘာလတွင် ဧရာဝတီတိုင်းဒေသကြီး ပြည်သူ့ဆေးရုံ- ကျိုက်လတ်မြို့ (၂)ထပ်ကုသဆောင်သစ်၊ ပြည်သူ့ဆေးရုံကြီး- ပုသိမ်မြို့ (၉)ထပ်ကုသ ဆောင်သစ်နှင့် အရိုးရောဂါအထူးကု ဆေးရုံကြီး- ရန်ကုန် (၅)ထပ် ကုသဆောင်သစ်တို့ကို ဖွင့်လှစ် ပေးနိုင်ခဲ့ပါသည်။

၂၀၂၄ ခုနှစ်အတွင်း၌ ဇန်နဝါရီလတွင် တောင်ကြီးမြို့၊ စဝ်စံထွန်းပြည်သူ့ဆေးရုံကြီး (၅)ထပ် ကုသဆောင်သစ်၊ ပြည်သူ့ဆေးရုံကြီး- ပြည်မြို့ (၅)ထပ်ကုသဆောင်သစ်၊ ပြည်သူ့ဆေးရုံ- ပန်းတောင်း မြို့/ ကြို့ပင်ကောက်မြို့/ လက်ပံတန်းမြို့ တို့၌ (၂)ထပ် ကုသဆောင်သစ်များနှင့် ရန်ကုန်ပြည်သူ့ ဆေးရုံကြီး (၇)ထပ် ကုသဆောင်သစ်၊ မတ်လတွင် အရိုးရောဂါအထူးကုဆေးရုံကြီး- မန္တလေး(၄)ထပ် ကုသဆောင်သစ်နှင့် ပြည်သူ့ဆေးရုံ- နတ္တလင်းမြို့ (၂)ထပ် ကုသဆောင်သစ်တို့ကို ဖွင့်လှစ်နိုင်ခဲ့ပါသည်။ 

မေး- မီးရှို့ဖျက်ဆီးခံခဲ့ရမှုနဲ့ မိုင်းခွဲခံခဲ့ရတဲ့ ဆေးရုံ၊ ဆေးခန်းတွေကို ဘယ်လိုမျိုး ပြန်လည်ပြင်ဆင်နေလဲ။ ပြင်ဆင်နိုင်ခြင်းမရှိတဲ့ ဆေးရုံ၊ ဆေးခန်းအရေအတွက် ဘယ်လောက်ရှိပါသလဲ။

မဖြေပါ - - -

မေး- အကြမ်းဖက်အဖွဲ့ရဲ့ ဖမ်းဆီးခြင်းခံရတဲ့ ကျန်းမာရေးဝန်ထမ်းပေါင်း ဘယ်လောက်ရှိလဲ။ ပြီးတော့ သတ်ဖြတ်ခံခဲ့ရတဲ့ ကျန်းမာရေးဝန်ထမ်းဦးရေကကော ဘယ်လောက်ရှိလဲ။

ဖြေ- အကြမ်းဖက်အဖွဲ့များ၏ အကြမ်းဖက်ဆောင်ရွက်မှုများကြောင့် နိုင်ငံတစ်ဝန်း ကျန်းမာရေးဝန်ထမ်း (၁၅)ဦး သေဆုံးခဲ့ပြီး (၁၁)ဦး ပြင်းထန်စွာ ထိခိုက်ဒဏ်ရာ ရရှိခဲ့ပါသည်။

မေး- သတ်ဖြတ်ခံခဲ့ရတဲ့ ကျန်းမာရေးဝန်ထမ်းတွေရဲ့ မိသားစုတွေကို ဝန်ကြီးဌာနအနေနဲ့ ထောက်ပံ့ပေးတာ မျိုးတွေရှိလား။ ဘယ်လိုမျိုးထောက်ပံ့ပေးနေလဲ။

ဖြေ- သတ်ဖြတ်ခံခဲ့ရသော ကျန်းမာရေးဝန်ထမ်းများအား နိုင်ငံတော်က ဂုဏ်ထူးဆောင်ဘွဲ့/ တံဆိပ်များ ချီးမြှင့်ခဲ့ပြီး မိသားစုများအားလည်း နိုင်ငံတော်စိုးရနှင့် ကျန်းမာရေးဝန်ကြီးဌာန အနေဖြင့်လည်း ထောက်ပံ့ ချီးမြှင့်မှုများ ဆောင်ရွက်ပေးခဲ့ပါသည်။ နိုင်ငံတော်က ဂုဏ်ထူးဆောင်ဘွဲ့/ တံဆိပ်များ ချီးမြှင့်အပ်နှင်းရာတွင် (၄-၁-၂၀၂၂)ရက်နေ့မှ (၄-၁-၂၀၂၄) ရက်နေ့အထိ ရဲသူရတံဆိပ်(၁)ဦး၊ ရဲဗလတံဆိပ်(၁၆)ဦးကို ချီးမြှင့်ခဲ့ပါသည်။

မေး- လက်ရှိတာဝန်ထမ်းဆောင်နေတဲ့ ကျန်းမာရေးဝန်ထမ်းတွေရဲ့ လုံခြုံရေးအတွက်ကော ဘယ်လို အာမခံချက်တွေပေးထားလဲ။ ဘယ်လိုတာဝန်ယူမှုတွေ ရှိနေလဲ။

ဖြေ- ပြည်ထောင်စုနယ်မြေ၊ နေပြည်တော်၊ တိုင်းဒေသကြီး/ ပြည်နယ်များရှိ ဒေသဆိုင်ရာ အစိုးရ အဖွဲ့များ၊ အုပ်ချုပ်ရေးအဖွဲ့အစည်းများ၊ လုံခြုံရေးအဖွဲ့အစည်းများမှ လုံခြုံရေးဆိုင်ရာစောင့်ရှောက်မှု များ ဆောင်ရွက်ပေးခြင်း၊ လုံခြုံရေးအရ အန္တရာယ်ရှိသော ဒေသများရှိ ကျန်းမာရေးဝန်ထမ်းများအား သင့်လျော်သော ဒေသများတွင် တွဲဖက်တာဝန်ချထားခြင်းနှင့် အုပ်ချုပ်စီမံဆိုင်ရာကိစ္စများအား အချိန်နှင့်တစ်ပြေးညီ ပံ့ပိုးခြင်းများကို ဆောင်ရွက်ပေးလျက်ရှိပါသည်။

မေး- လက်ရှိတာဝန်ထမ်းဆောင်နေတဲ့ ကျန်းမာရေး ဝန်ထမ်းအရေအတွက်ကကော ကုသပေးနေတဲ့ ဆေးရုံ၊ ဆေးခန်းတွေအတွက် လုံလောက်မှုရှိရဲ့လား။

ဖြေ- ကျန်းမာရေးစောင့်ရှောက်မှုပေးရာတွင် ပြည်သူများ၏ ကိုယ်ပိုင်ငွေကြေး စိုက်ထုတ်ကုန်ကျရမှု လျော့နည်းစေရေးအတွက် အရေးပေါ်ကျန်းမာရေး စောင့်ရှောက်မှုများနှင့် အခြေခံကျပြီး မရှိမဖြစ် လိုအပ်သော ဆေးဝါးများကို ထောက်ပံ့ပေးလျက်ရှိပါသည်။ ရေရှည်တွင်လူတိုင်းလက်လှမ်းမီသည့် ကျန်းမာရေး အာမခံစနစ်တစ်ရပ် ပေါ်ပေါက်လာစေရေးအတွက် အဖွဲ့များဖွဲ့ပြီး စနစ်တကျဆောင်ရွက် လျက်ရှိပါသည်။ ထိုသို့ ကျန်းမာရေးအာမခံစနစ် မပေါ်ပေါက်မီ ကာလအတွင်းတွင် အရေးပေါ်နှင့် မရှိမဖြစ်လိုအပ်သော အခြေခံဆေးဝါးများနှင့် ကျန်းမာရေးစောင့်ရှောက်မှု ကုန်ကျစရိတ်များကို နိုင်ငံတော်ဘဏ္ဍာငွေဖြင့် တတ်နိုင်သရွေ့ စိုက်ထုတ် သုံးစွဲပေးလျက်ရှိပါသည်။

ပြည်သူ့ဆေးရုံများတွင် ဆေးကုသမှု အရည်အသွေး မြင့်မားစေရေးအတွက် ဆောင်ရွက် လျက်ရှိရာမှာ အထူးကုပြင်ပလူနာဌာနများ တိုးချဲ့ဖွင့်လှစ်ဆောင်ရွက်ခြင်းနှင့် အထူးကု ဆရာဝန်ကြီးများ ကွင်းဆင်းဆေးကုသမှုပေးခြင်းများလည်း ဆောင်ရွက်ပေးလျက်ရှိပါသည်။ တစ်ဖက်မှလည်း ပုဂ္ဂလိက ကျန်းမာရေးကဏ္ဍ စနစ်တကျ ဖွံ့ဖြိုးတိုးတက်ရေးအတွက် လိုအပ်သည့် အရေးယူဆောင်ရွက်မှုများကို ဆောင်ရွက်လျက်ရှိပါသည်။

မြန်မာနိုင်ငံတွင် ယခင်က ကူးစက်တတ်သောရောဂါများ အဖြစ်များခဲ့သော်လည်း ယခုအခါတွင် မကူးစက်နိုင်သောရောဂါများ (အထူးသဖြင့် သွေးတိုး၊ ဆီချို၊ နှလုံး၊ ကင်ဆာ စသည့်ရောဂါများ)လည်း တိုးတက်ဖြစ်ပွားလျက်ရှိသဖြင့် ကင်ဆာ ရောဂါနှင့်ပတ်သက်၍ ဒဂုံဆိပ်ကမ်းတွင် အမျိုးသား ကင်ဆာရောဂါ ကုသရေးဌာနအသစ်တစ်ခုကို ဖွင့်လှစ်နိုင်ရေးဆောင်ရွက်လျက်ရှိပါသည်။ ယခုကဲ့သို့ မကူးစက်တတ်သောရောဂါများကို ကာကွယ် နှိမ်နှင်းလျှော့ချရေး လုပ်ငန်းများသည် နေ့ချင်းညချင်း အောင်မြင်ရန် ခက်ခဲသော်လည်း ကျန်းမာရေးဝန်ကြီးဌာနအနေဖြင့် ကာလတို၊ ကာလရှည် လုပ်ငန်း စီမံချက်များချမှတ်ပြီး တစ်ဆင့်ပြီးတစ်ဆင့် အောင်မြင်လာစေရေး အကောင်အထည်ဖော် ဆောင်ရွက် လျက်ရှိပါသည်။

ပြည်သူ့ဆေးရုံများ ဖွင့်လှစ်နိုင်မှုအနေဖြင့် နိုင်ငံတော်စီမံအုပ်ချုပ်ရေးကောင်စီ တာဝန်ယူစဉ် ကာလတွင် ခုတင်- ၅၀ ဆံ့ အဆင့်အထိ ပြည်သူ့ ဆေးရုံ အားလုံး ဖွင့်လှစ်နိုင်ခဲ့သော်လည်း ယခုကာလ တွင် အကြမ်းဖက်သောင်းကျန်းသူများ၏ အဖျက် အမှောင့် လုပ်ရပ်များကြောင့် ဆေးရုံအချို့ကို ပြန် လည် ပိတ်ထားရပါသည်။ အကြောင်းအမျိုးမျိုးကြောင့် အခက်အခဲရှိသော ဒေသများမှ ကျန်းမာရေးဝန်ထမ်းများအား သင့်လျော်သည့် ဒေသများတွင် တွဲဖက်တာဝန်ချထားပြီး စီမံအုပ်ချုပ် ထောက်ပံ့မှုလုပ်ငန်းများ ဆောင်ရွက်ပေးထား၍ ၎င်းတို့အနေဖြင့် ကျန်းမာရေးစောင့်ရှောက်မှု လုပ်ငန်းများကို အရှိန်အဟုန်မပျက်ဆောင်ရွက်လျက်ရှိပါသည်။

ကျန်းမာရေးလူ့စွမ်းအားအရင်းအမြစ်များ တိုးတက်ရရှိရေးနှင့်ပတ်သက်၍ ကိုဗစ်- ၁၉ ရောဂါ ဖြစ်ပွားမှုများ လျော့နည်းကျဆင်းလာသည် နှင့်အညီ ဆေးတက္ကသိုလ်များကို အမြန်ဆုံး ပြန်လည် ဖွင့်လှစ်ခဲ့ပြီး (၂၀၂၂) ခုနှစ်တွင် လက်ထောက် ဆရာဝန် ၃၀ဝ ဦးကျော်နှင့် (၂၀၂၃) ခုနှစ်တွင် (၆၂၅)ဦး အလုပ်ဝင်ရောက်ခဲ့ပါသည်။ ယခု (၂၀၂၄) ခုနှစ်တွင်လည်း  အလုပ်သင်ဆရာဝန်(၁၂၀ဝ)ကျော် ဝင် ရောက်မည်ဖြစ်ပြီး ၎င်းတို့သည် (၂၀၂၅)ခုနှစ်တွင် လက်ထောက် ဆရာဝန်များအဖြစ် အလုပ်ဝင်ရောက် လာမည် ဖြစ်ပါသည်။ သူနာပြုအင်အားအနေဖြင့် ၂၀၂၃ ခုနှစ်တွင် (၁၈၀ဝ) ဦး လုပ်ငန်းခွင်သို့ ဝင်ရောက်ခဲ့ပြီးဖြစ်ပြီး ၂၀၂၄ ခုနှစ်တွင် (၂၂၀ဝ)ဦး၊ ၂၀၂၅ ခုနှစ်တွင် (၃၀ဝဝ)ဦး လုပ်ငန်းခွင်သို့ ဝင်ရောက်လာမည်ဖြစ်ပါသည်။

ထို့အတူ ပြည်သူ့ကျန်းမာရေးကဏ္ဍတွင်လည်း ၂၀၂၃ ခုနှစ်တွင် ကျန်းမာရေးမှူး (၄) (၃၀ဝဝ)ဦး အလုပ်ဝင်ရောက်ခဲ့ပြီး ၂၀၂၄ ခုနှစ်တွင် ၂၀ဝ၀ ဦးကျော် ထပ်မံခန့်ထားမည် ဖြစ်ပါသည်။



Comments :

0 comments

PREVIOUS

မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား

Next

အော်ရီဂွန်ကမ်းခြေမှာ ၇ ပေ အရှည်ရှိတဲ့ ရှားပါး hoodwinker ငါးတစ်ကောင် တွေ့ရှိ

RECENT POSTS
ပါကစ္စတန်အစိုးရက ဝန်ကြီးချုပ်ဟောင်း အီမရန်ခမ်း၏ ပါတီအား နိုင်ငံရေးတွင် မပါဝင်နိုင်ရန် ပိတ်ပင်
16 Jul 2024
တင်းမာမှုများရှိနေချိန်တွင် အမေရိကန်က ဂျာမနီတွင် တာဝေးပစ်လက်နက်များ ဖြန့်ကြက်ချထားတော့မည်
16 Jul 2024
ယူကရိန်းနှင့်စစ်ပွဲတွင် လူသစ် နှစ်သိန်းနီးပါး စုဆောင်းနိုင်ခဲ့ဟု ရုရှားစစ်ဘက်ပြော
16 Jul 2024
နေတိုးအဖွဲ့ နှင့် အစ္စရေးတို့ မဟာမိတ်အဖြစ် ပူးပေါင်းဆောင်ရွက်မည့် အစီအစဉ်ကို လက်မခံကြောင်း တူရကီသမ္မတပြော
16 Jul 2024
မန္တလေးမြို့သို့ ဝင်ရောက်ခိုလှုံသည့် စစ်ရှောင်ပြည်သူအချို့ အိမ်ငှားခဈေးနှုန်း ကြီးမြင့်ခြင်းဒဏ်ကို ရင်ဆိုင်နေကြရ
16 Jul 2024
နေပြည်တော်-ရန်ကုန်အမြန်လမ်းတွင် ရပ်ထားသည့် ကား(၂)စီးကို ကားတစ်စီးကနောက်မှဝင်တိုက်မိရာ တစ်ဦးပွဲချင်းပြီးသေဆုံးကာ(၈)ဦးဒဏ်ရာရ
16 Jul 2024
မြို့သိမ်းတိုက်ပွဲနှင့်ပတ်သက်၍ သံတွဲမြို့ခံအချို့ မေးခွန်းထုတ်
16 Jul 2024
ဘဏ်များတွင် ငွေသားများကို အကန့်အသတ်ဖြင့်သာ ထုတ်ပေးနေသည့် အတွက် လုပ်ငန်းရှင်များအနေဖြင့် ဝန်ထမ်းများကို လစာပေးနိုင်ရေး အခက်အခဲရှိလာနိုင်
16 Jul 2024
BIGBANG ရဲ့အဖွဲ့ဝင် တေးယန်းက (၇)နှစ်အတွင်း ပထမဆုံး တစ်ကိုယ် တော်ဖျော်ဖြေပွဲ ကျင်းပမည်
16 Jul 2024
စင်ကာပူနိုင်ငံ Jurong Point ကုန်တိုက်မှာ အသက်(၉)နှစ်အရွယ် ကလေးတစ်ဦး စက်လှေကားညပ်ပြီး ဆေးရုံတင်ခဲ့ရ
16 Jul 2024
တောင်တရုတ်ပင်လယ်၌ တရုတ်တို့ တစ်ဖက်သတ်ကြေညာသည့် ရေပြင်ဧရိယာ နှစ်ဆ တိုးလာ
08 Jul 2024
အင်ဒိုနီးရှားနိုင်ငံမှာ ရေကြီးမှုနဲ့အတူ မြေပြိုမှုများဖြစ်ပွားပြီး (၁၁)ဦးသေဆုံးကာ (၁၉)ဦးပျောက်ဆုံးနေ
08 Jul 2024
တိုက်ခိုက်မှုတွေရှိလာလျှင် တရုတ်ကို လက်တုံ့ပြန်မည်ဟု ဖိလစ်ပိုင်စစ်ဦးစီးချုပ်ပြော
08 Jul 2024
ကနေဒါရွေးကောက်ပွဲသမိုင်းတစ်လျှောက် ဆန္ဒမဲတစ်မဲမှမရရှိခဲ့တဲ့ပထမဆုံးကိုယ်စားလှယ်လောင်း အမျိုးသား
08 Jul 2024
"ဂျိုးသာ ပြည့်စုံတဲ့ သမ္မတဖြစ်ခဲ့ရင် ကျွန်တော် ဒီစင်ပေါ်မှာ သူနဲ့အတူရှိနေမှာ မဟုတ်ဘူး" (ဒေါ်နယ်ထရမ့်) (ဘာသာပြန်ဆောင်းပါး)
08 Jul 2024
ရွေးကောက်ပွဲ ကျင်းပနိုင်ရန် ကြိုတင်ဆောင်ရွက်ရမည့်လုပ်ငန်းများကို အရှိန်မြှင့်ဆောင်ရွက်ကြရန် ရွေးကောက်ပွဲကော်မရှင်ဥက္ကဋ္ဌ တိုက်တွန်း
08 Jul 2024
လွိုင်ကော်မြို့မှ KNDF အဖွဲ့များ စတင်ဆုတ်ခွာနေပြီဖြစ်သော်လည်း မြို့တွင်ပြန်လည်အခြေချမည့်ဒေသခံများကို ခြိမ်းခြောက်မှုများလုပ်နေ
08 Jul 2024
ရေငုပ်သင်္ဘောတွေ ကူညီထောက်ပံ့ပေးဖို့ ယူကရိန်းရေတပ်အကြီးအကဲတောင်းဆို
08 Jul 2024
တက်သစ်စအဆိုတော်တစ်ဦးကို PDF အဖွဲ့က နေအိမ်အတွင်းဝင်ရောက်ကာ သေနတ်ဖြင့်ပစ်ခတ်သတ်ဖြတ်မှု မြို့သစ်မြို့နယ်တွင်ဖြစ်ပွား
08 Jul 2024
ယူကရိန်းနိုင်ငံကို နှောင့်နှေးမှုမရှိဘဲ F-16 အမျိုးအစားတိုက်လေယာဉ်တွေ လွှဲပြောင်းပေးတော့မယ်လို့ နယ်သာလန်အစိုးရ ထုတ်ဖော်ပြောဆို
08 Jul 2024
FOLLOW US

Copyright © News Services Station | All Right Reserved