အမေရိကန်စစ်တပ်က တိုက်ချင်းပစ်ပဲ့ထိန်းဒုံးကျည် နှစ်ကြိမ်စမ်းသပ်ခဲ့ဟုဆို
ဂျန်ဇက် (NSS) - ဇွန် ၈
အမေရိကန်စစ်တပ်က ၎င်းတို့ဟာ ပြီးခဲ့တဲ့သုံးရက်အတွင်း တိုက်ချင်းပစ်ပဲ့ထိန်းဒုံးကျည် နှစ်ကြိမ်စမ်းသပ်ခဲ့တယ်လို့ ထုတ်ဖော်ပြောဆိုလိုက်ပါတယ်။ အမေရိကန်စစ်တပ်ဟာ ရုရှားနိုင်ငံနဲ့ တင်းမာမှုတွေရှိနေချိန်မှာပဲ ကယ်လီဖိုနီးယားပြည်နယ်ရှိ Vandenberg Space အမည်ရှိလေတပ်အခြေစိုက်စခန်းကနေ Minuteman III အမည်ရှိ ဒုံးကျည်တွေကို စမ်းသပ်ခဲ့တာဖြစ်တယ်လို့ အမေရိကန်စစ်ဌာနချုပ်ပင်တဂွန်က သတင်းထုတ်ပြန်ထားပါတယ်။
အမေရိကန်စစ်တပ်က "ဒီစမ်းသပ်မှုဟာ ဒုံးကျည်လမ်းကြောင်းစမ်းသပ်မှုအစိတ်အပိုင်းဖြစ်တယ်။ အမေရိကန်နိုင်ငံရဲ့နျူကလီးယားနဲ့ပတ်သက်ပြီး ကြိုတင်ကာကွယ်ရေးလုပ်ငန်းတွေ ဘေးကင်းလုံခြုံမှုတွေဖြစ်အောင်ရည်ရွယ်လုပ်ဆောင်တာမျိုးပါ၊ ဒါ့ပြင် အမေရိကန်နိုင်ငံနဲ့မဟာမိတ်တွေကို ခြိမ်းခြောက်မယ့်သူတွေကို တားဆီးဖို့နဲ့ လုံခြုံမှုရှိစေဖို့စမ်းသပ်တာမျိုးပါ" လို့ပြောပါတယ်။ အမေရိကန်စစ်တပ်ဟာ အဲဒီဒုံးကျည်နဲ့ပတ်သက်ပြီး စမ်းသပ်မှုအမျိုးမျိုး အကြိမ်ပေါင်း ၃၀၀ ကျော် လုပ်ကိုင်ခဲ့ကြောင်းပြောပါတယ်။ ပြီးခဲ့တဲ့ရက်ပိုင်းအတွင်း ဒုံးကျည်စမ်းသပ်မှုတွေဟာ လက်ရှိကမ္ဘာမှာဖြစ်ပွားနေတဲ့အဖြစ်အပျက်တွေနဲ့ မသက်ဆိုင်ဘူးလို့လည်း အမေရိကန်စစ်တပ်က သတင်းထုတ်ပြန်ထားပါတယ်။
ရုရှားဟာ ပြီးခဲ့တဲ့လမှာ နျူကလီးယားလက်နက်များအသုံးပြုပြီး စစ်ရေးလေ့ကျင့်ခန်းများလုပ်ဆောင်ခဲ့ကြောင်းသိရပါတယ်။ အဆိုပါဒုံးကျည်မှာတပ်ဆင်ထားတဲ့ ဒုံးကျည်ထိပ်ဖူးဟာ မိုင်ပေါင်း ၄၂၀၀ ကျော် ပျံသန်းနိုင်ခဲ့တယ်လို့သတင်းထုတ်ပြန်ထားပေမယ့် ဒုံးကျည်စမ်းသပ်မှုအောင်မြင်ခြင်း ရှိ၊ မရှိဆိုတဲ့အချက်ကိုသတင်းထုတ်ပြန်ခြင်း မရှိခဲ့ပါဘူး။
Comments :
0 comments
![](http://nssmy.com/ads/f-3-23-08-2022630475dc2221a.jpg)
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လွိုင်ကော်မြို့တွင် Kpay သွားထုတ်သော နိုင်ငံ့ဝန်ထမ်းအရာရှိ (၂)ဦး ပစ်ခတ်သတ်ဖြတ်ခံရ
RELATED POSTS
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ
29 Aug 2024 | နည်းပညာ,နိုင်ငံတကာ