အငြင်းပွားနေတဲ့ တောင်တရုတ်ပင်လယ်မှာ အမေရိကန်ဦးဆောင်ပြီး နိုင်ငံ လေးနိုင်ငံ ပူးတွဲစစ်ရေးလေ့ကျင့်မှုများ စတင်ပြုလုပ်
ဂျန်ဇက် (NSS) - ဧပြီ ၇
အမေရိကန်နဲ့ မဟာမိတ်နိုင်ငံတွေဟာ အငြင်းပွားမှုတွေဖြစ်ပွားနေတဲ့ တောင်တရုတ်ပင်လယ်မှာ ဧပြီ ၇ ရက်က စတင်ပြီး ပူးတွဲစစ်ရေးလေ့ကျင့်ခန်းတွေကို လုပ်ဆောင်ခဲ့ကြောင်း သိရပါတယ်။
တောင်တရုတ်ပင်လယ်အတွင်းပြုလုပ်တဲ့ စစ်ရေးလေ့ကျင့်ခန်းမှာ အမေရိကန်တပ်ဖွဲ့တွေအပြင် ဖိလစ်ပိုင်၊ သြစတြေးလျ၊ ဂျပန်နိုင်ငံတို့ ကတပ်ဖွဲ့ဝင်တွေ ပူးပေါင်းပါဝင်ခဲ့တယ်လို့ ဆိုပါတယ်။ တရုတ်နိုင်ငံနဲ့ ဖိလစ်ပိုင်နိုင်ငံ ကြား တောင်တရုတ်ပင်လယ်အရေးနဲ့ပတ်သက်ပြီး အငြင်းပွားမှု အရှိန်ပိုမိုမြင့်တက်လာခြင်း၊ ထိပ်တိုက်တွေ့ဆုံမှု များပိုမိုဖြစ်လာချိန်မှာ အမေရိကန် နဲ့ ဖိလစ်ပိုင်တို့ ဦးဆောင်ပြီး ပူးတွဲစစ်ရေးလေ့ကျင့်ခန်းလုပ်ဆောင်ခဲ့တာ ဖြစ်ပါတယ်။
နိုင်ငံ လေးနိုင်ငံရဲ့ကာကွယ်ရေးဌာနအကြီးအကဲတွေက အမေရိကန်ဦးဆောင်ပြုလုပ်တဲ့စစ်ရေးလေ့ကျင့်ခန်းဟာ ရေတပ်ချင်း ပူးပေါင်းဆောင်ရွက်မှုပိုမိုကောင်းမွန်အောင် လုပ်ဆောင်တာဖြစ်တယ်လို့ ဆိုပါတယ်။ အမေရိကန် ကာကွယ်ရေးဝန်ကြီးလွိုင်အော်စတင် က "နိုင်ငံတိုင်းဟာ လေကြောင်းနဲ့ ရေကြောင်း ပူးပေါင်းဆောင်ရွက်မှုတွေ လွတ်လပ်စွာ ပြုလုပ်ခွင့်ရှိပါတယ်။ ကျွန်တော်တို့ရဲ့ပူးတွဲစစ်ရေးလေ့ကျင့်ခန်းဟာ ငြိမ်းချမ်းရေးနဲ့ တည်ငြိမ်ရေးကို ရည်ရွယ်တာဖြစ်တယ်။ ဒါ့အပြင် မဟာမိတ်နိုင်ငံတွေအပေါ်ပေးထားတဲ့ကတိတွေကို အကောင်အထည်ဖော်တာ မျိုးဖြစ်ပါတယ်" လို့ ပြောပါတယ်။
တရုတ်စစ်တပ်ကတော့ ဧပြီ ၇ ရက်မှာ စတင်ပြုလုပ်ခဲ့တဲ့ အမေရိကန်ဦးဆောင်ပြီး နိုင်ငံ ၄ နိုင်ငံ ပူးပေါင်း လေ့ကျင့်တဲ့ စစ်ရေးလေ့ကျင့်ခန်းကို ဝေဖန်ပြစ်တင်ထားပြီး တရုတ်နိုင်ငံရဲ့အချုပ်အခြာအာဏာကို အန္တရာယ် ဖြစ်စေနိုင်တဲ့လုပ်ရပ်မျိုးဖြစ်တယ်လို့ ဝေဖန်ပြစ်တင်ထားပါတယ်။ တရုတ်နိုင်ငံက ၎င်းတို့ဟာ တောင်တရုတ် ပင်လယ်အတွင်းရှိ ပိုင်နက်နယ်မြေ ၉၀ ရာခိုင်နှုန်းကို ပိုင်ဆိုင်ထားတယ်လို့ ပြောဆိုထားပြီး၊ ဖိလစ်ပိုင် အပါအဝင် အာဆီယံဒေသအတွင်းရှိ နိုင်ငံအချို့နဲ့ အငြင်းပွားမှုတွေဖြစ်ပွားနေပါတယ်။
တရုတ်အစိုးရက အမေရိကန်ဦးဆောင်ပြုလုပ်တဲ့စစ်ရေးလေ့ကျင့်ခန်းဟာ တရုတ်နိုင်ငံရဲ့ ပိုင်နက်နယ်မြေ အငြင်းပွားမှုတွေကို ကြားဝင်စွက်ဖက်ခြင်းဖြစ်သလို နိုင်ငံလုံခြုံရေးကို ထိခိုက်နစ်နာစေကြောင်း ဝေဖန်ထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ချောက်မြို့တွင် လွန်ခဲ့သည့်နှစ်ပေါင်း(၅၆)နှစ်အတွင်းဖြစ်ပေါ်ခဲ့သည့် အမြင့်ဆုံးအပူချိန်စံချိန်ဟောင်းထက် ပိုမို မြင့်မားသည့် အပူချိန်စံချိန်သစ်ဖြစ်ပေါ်
RELATED POSTS
20 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,ပြည်တွင်း