Dragon Ball မန်ဂါ ဖန်တီးသူ အာကီရာတိုရီရာမာ အသက် ၆၈ နှစ်မှာ ကွယ်လွန်
ရောင်နီ (NSS) - မတ် ၈
လူသိများထင်ရှားတဲ့ Dragon Ball မန်ဂါ ရုပ်ပြနဲ့ anime franchise ဖန်တီးခဲ့သူ အနုပညာရှင်ကြီး အာကီရာတို ရီရာမာဟာ အသက် ၆၈ နှစ်မှာ ကွယ်လွန်သွားပြီဖြစ်တယ်လို့ သိရပါတယ်။
တိုရီရာမာရဲ့မန်ဂါနဲ့ ဒီဇိုင်းထုတ်လုပ်ရေးကုမ္ပဏီ Bird Studio က ၎င်းရဲ့ကွယ်လွန်သတင်းကို အတည်ပြုခဲ့တာဖြစ်ပါတယ်။
အသက် ၆၈ နှစ်အရွယ် တိုရီရာမာ ဂျပန်အမျိုးသားဟာ ပြင်းထန်သောသွေးခြေဥရောဂါကြောင့် ဦးခေါင်းခွံနဲ့ ဦးနှောက်မျက်နှာပြင်ကြား သွေးများစုပုံပြီး ပြင်းထန် အခြေအနေနဲ့ မတ်လ ၁ ရက်က သေဆုံးသွားခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
၎င်းရဲ့စျာပနပွဲကို ၎င်းရဲ့မိသားစု၊ ဆွေမျိုးအချို့နဲ့ အတူ ဈာပနအခမ်းအနား ကျင်းပခဲ့တယ်လို့ သိရပါတယ်။
၁၉၅၅ ခုနှစ်မှာ မွေးဖွားခဲ့တဲ့ တိုရီရာမာဟာ ဂျပန်နိုင်ငံရဲ့ လူကြိုက်အများဆုံး ရုပ်ပြမဂ္ဂဇင်းတွေထဲက တစ်ခုဖြစ်တဲ့ Weekly Shonen Jump မှာ သူ့ရဲ့ရုပ်ပြ Dr Slump နဲ့ Dragon Ball တို့ကို ပြသပြီး ထင်ရှားကျော်ကြားလာခဲ့တာ ဖြစ်ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နယ်စပ်ဒေသတွင် အိန္ဒိယတပ်ဖွဲ့ဝင်များ ထပ်မံဖြန့်ကြက်ချထားခြင်းက တင်းမာမှုများကို လျော့ကျစေမည်မဟုတ်ကြောင်း တရုတ်အစိုးရဝေဖန်
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ