နယ်စပ်မှ ခိုလှုံလာသူများနှင့်ပတ်သက်၍ ကန့်သတ်ချက်အသစ်များ ချမှတ်ရန် ဘိုင်ဒင်ရည်ရွယ်
ALynn (NSS) - ဖေဖော်ဝါ၇◌ီ ၂၂
အိမ်ဖြူတော်က အမေရိကန်-မက္ကဆီကိုနယ်စပ်မှ ရွှေ့ပြောင်းလာသူများနှင့်ပတ်သက်၍ ကန့်သတ်ချက်အစီအမံများ ချမှတ်သွားရန် စဉ်းစားနေကြောင်း ဖော်ပြခဲ့သည်။
သမ္မတဟောင်းထရမ့် လက်ထက်ကတည်းက ထိုအရေးကိစ္စသည် အငြင်းပွားဖွယ်ဖြစ်နေပြီး ခိုလှုံခွင့်ထောက်ခံ သူများက ထိုအစီအမံကို ပြင်းပြင်းထန်ထန်တုံ့ပြန်သွားမည့် အလားအလာရှိနေသည်။ အမေရိကန်-မက္ကဆီကို နယ်စပ်ပြဿနာသည် သမ္မတဂျိုးဘိုင်ဒင်အတွက် ဖြေရှင်းရန်ကျန်ရှိနေသော အရေးကိစ္စတစ်ခုဖြစ်ပြီး ယခုအခါ နယ်စပ်ဖြတ်ကျော်သူအရေအတွက်မှာ စံချိန်တင်လောက်အောင် များပြားလာပြီဖြစ်သည်။
နယ်စပ်ဖြတ်ကျော်ခြင်းနှင့်ပတ်သက်၍ ဆုံးဖြတ်ချက်တစ်စုံတစ်ရာချမှတ်ခြင်းမပြုသေးသော်လည်း လူဝင်မှု ကြီးကြပ်ရေး အက်ဥပဒေပုဒ်မ ၂၁၂ (စ) အရ နယ်စပ်ဖြတ်ကျော်ခြင်းနှင့် ပတ်သက်၍ သမ္မတက ကန့်သတ်ချက်များ ချမှတ်နိုင်ကြောင်း ဖော်ပြထားသည်။
ယခုဆွေးနွေးမှုများမှ မည်သို့သော စီမံဆုံးဖြတ်ချက်များထွက်ရှိလာမည်လဲမသေချာသေးသလို ထရမ့်လက်ထက် က ချမှတ်ထားသည့်စီမံချက်များနှင့် မည်သို့ကွာခြားသွားမည်လဲ မသိရှိရသေးပါ။ တရားရေးဌာန၏ ဥပဒေရေးရာ အကြံပေးရုံးသည် အဆိုပြုထားသောစီမံချက်များကို ပြန်လည်စိစစ်၍ ဥပဒေကြောင်း အရစိန်ခေါ်မှုများကို ဖြေရှင်းနိုင်ရန် ကြိုးစားဆောင်ရွက်နေကြောင်းသိရသည်။
“အစိုးရအနေဖြင့် ကွန်ဂရက်စ်တွင် လွှတ်တော်နှစ်ရပ်လုံးက ထောက်ခံမည့် တရားမျှတမှုရှိပြီး ထိရောက်သော နယ်စပ်လုံခြုံရေးဥပဒေကြမ်းကို တင်သွင်းနိုင်ရန် လပေါင်းများစွာ ဆွေးနွေးခဲ့ရကြောင်း နှင့် ကျိုးပေါက်နေသော နယ်စပ်လုံခြုံရေးစနစ်ကို ပြန်လည်ပြုပြင်ရန် အသုံးစရိတ် တိုးမြှင့်သုံးစွဲသွားမည်ဖြစ်ကြောင်း” အိမ်ဖြူတော် ပြောရေးဆိုခွင့်ရှိသူက ထုတ်ပြန်ခဲ့သည်။
ဖေဖော်ဝါရီလအစောပိုင်းက သမ္မတဘိုင်ဒင်သည် နယ်စပ်လုံခြုံရေးဥပဒေကို အတည်ပြုပြီးဖြစ်ပါက အမေရိကန်-မက္ကဆီကိုနယ်စပ်ကို ပိတ်ပြီး ပြုပြင်ရေးလုပ်ငန်းများ ဆောင်ရွက်သွားမည်ဖြစ်ကြောင်း ပြောကြားခဲ့သည်။ “သမ္မတ ဘိုင်ဒင်အနေဖြင့် လူဝင်မှုကြီးကြပ်ရေးနှင့်ပတ်သက်၍ လုပ်ပိုင်ခွင့်များစွာရှိသော်လည်း အကန့်အသတ်မဲ့ မဟုတ်ပါ ကြောင်း၊ ပုဒ်မ ၂၁၂ (စ) အရ အမေရိကန်၏ အကျိုးစီးပွားကို ထိခိုက်နစ်နာစေမည့် နိုင်ငံသားမဟုတ်သူများကို နယ်စပ်ဖြတ် ကျော်ခွင့် ဆိုင်းငံ့နိုင်သော်လည်း လူတိုင်းကိုတော့ နယ်စပ်ဖြတ်သန်းခွင့် ပိတ်ပင်ခြင်းမပြုနိုင်ကြောင်း” လူဝင်မှုကြီးကြပ်ရေးဆိုင်ရာဥပဒေကျွမ်းကျင်သူက CNN သို့ ပြောကြားခဲ့သည်။
ဘိုင်ဒင်အစိုးရသည် ယခင်ကတည်းက ခိုလှုံခွင့်နှင့်ပတ်သက်၍ တင်းကျပ်သည့် အစီအမံများ ချမှတ်ရန် ကြိုးပမ်းခဲ့ ဖူးသည်။ ပြီးခဲ့သည့်နှစ်က အမေရိကန်တောင်ပိုင်း နယ်စပ်မှဖြတ်သန်းသွား လာသူများအား နိုင်ငံရေး ခိုလှုံခွင့် မပြုရန် စည်းမျဉ်းများချမှတ်ခဲ့သည်။ အမေရိကန်နယ်ခြားစောင့်ရဲတပ်ဖွဲ့၏ ဖော်ပြချက်အရ ဇန်နဝါရီလတွင် အမေရိကန်-မက္ကဆီကိုနယ်စပ်မှ ဝင်ရောက်သူ ၁၂၄,၂၂ဝ ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
သန်လျင်မြို့၌ ဆီဘောက်ဆာယာဉ်တစ်စီး တိမ်းမှောက်ခဲ့ရာ အမျိုးသားတစ်ဦး ထိခိုက်ဒဏ်ရာရရှိ
RELATED POSTS
20 Sep 2024 | နိုင်ငံရေး,ပြည်တွင်း