ယူကရိန်းစစ်ပွဲနဲ့ပတ်သက်ပြီး ဥရောပသမဂ္ဂအဖွဲ့ဝင်နိုင်ငံသား ၃၇ ရာခိုင်နှုန်း လိုလားထောက်ခံခြင်းမရှိဟုဆို
ဂျန်ဇက် (NSS) - ဖေဖော်ဝါရီ ၂၂
ဥရောပသမဂ္ဂအဖွဲ့ဝင်နိုင်ငံတွေရဲ့နိုင်ငံသား ၃၇ ရာခိုင်နှုန်းက ယူကရိန်းစစ်ပွဲနဲ့ပတ်သက်ပြီး ဥရောပသမဂ္ဂအဖွဲ့ရဲ့ ပါဝင်ပတ်သက်မှုတွေကို အနုတ်လက္ခာဆောင်တဲ့အမြင်မျိုးရှိနေကြောင်း မကြာသေးမီက ပြုလုပ်ခဲ့တဲ့ စစ်တမ်းတစ်ရပ်မှာ ဖော်ပြထားပါတယ်။
European Council on Foreign Relations (ECFR) အဖွဲ့ဟာ မကြာသေးမီက စစ်တမ်းတစ်ခုကို ပြုလုပ်ခဲ့ပြီး အဲဒီစစ်တမ်းထဲမှာ ဥရောပသမဂ္ဂအဖွဲ့ဝင်နိုင်ငံတွေရဲ့နိုင်ငံသားပေါင်း ၁၇ဝဝဝ ကျော်ကို စစ်တမ်းကောက်ယူခဲ့ ကြောင်း၊ ဇန်နဝါရီ ၂ ရက်ကနေ ၁၉ ရက်အထိ စစ်တမ်းကောက်ယူခဲ့ခြင်းဖြစ်ကြောင်း ထုတ်ပြန်ချက်တွေထဲမှာ ဖော်ပြထားပါတယ်။
စစ်တမ်းဖြေဆိုသူအားလုံးရဲ့ ၂၉ ရာခိုင်နှုန်းက ယူကရိန်းစစ်ပွဲနဲ့ပတ်သက်ပြီး ဥရောပသမဂ္ဂရဲ့ ပါဝင်ဆက်နွယ်မှုတွေ ကို အပြုသဘောဆောင်ထင်မြင်ခဲ့ပြီး၊ စစ်တမ်းဖြေဆိုသူအားလုံးရဲ့ ၃၇ ရာခိုင်နှုန်းက အနုတ်လက္ခဆောင် တွေးထင် ခဲ့ကြောင်း ဖြေဆိုထားပါတယ်။
ဒါပေမယ့် အခြား ၃၄ရာခိုင်နှုန်းက ယူကရိန်းစစ်ပွဲမှာ ဥရောပသမဂ္ဂရဲ့ပါဝင်ဆက်နွယ်မှုတွေကို အကောင်းဘက်က မရူမြင်သလို အဆိုးဘက်ကလည်း မရှုမြင်ခဲ့ကြောင်း သိရပါတယ်။ ဥရောပသမဂ္ဂဟာ ယူကရိန်းစစ်ပွဲ စတင်ခဲ့ပြီး နောက်ပိုင်း ယူကရိန်းကိုခေတ်မီလက်နက်တွေ ကူညီထောက်ပံ့ပေးခဲ့ကြောင်း သိရပါတယ်။ ယူကရိန်းနဲ့ ရုရှားနိုင်ငံကြားဖြစ်ပွားနေတဲ့စစ်ပွဲဟာ အချိန် ၂ နှစ်ကျော်ကြာနေပေမယ့် လက်ရှိအချိန်အထိ အပစ်ခတ်ရပ်စဲရေး လုပ်ဆောင်နိုင်ခြင်းမရှိခဲ့ကြောင်း သိရပါတယ်။
ရုရှားဟာ ယူကရိန်းစစ်ပွဲကာလအတွင်း ယူကရိန်းပိုင်နက်ဒေသ လေးခုကို သိမ်းပိုက်ထားနိုင်ပါတယ်။ ယူကရိန်းဟာ သိမ်းပိုက်ခံထားရတဲ့နယ်မြေတွေကို ပြန်လည်သိမ်းယူနိုင်ဖို့ ရုရှားနိုင်ငံအပေါ် တန်ပြန်ထိုးစစ်ဆင်နေပြီးလိုအပ်တဲ့ စစ်လက်နက်ပစ္စည်းတွေ ရယူနိုင်ဖို့ အမေရိကန် နဲ့ ဥရောပသမဂ္ဂအဖွဲ့ထံကနေ ရယူနိုင်ဖို့ ကြိုးပမ်းခဲ့ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နျူကလီးယားပစ္စည်းများ သယ်ယူပို့ဆောင်ရန် ပူးပေါင်းကြံစည်မှုဖြင့် ဂျပန်မာဖီးယားဂိုဏ်းအဖွဲ့ဝင်တစ်ဦးကို အမေရိကန်အစိုးရရှေ့နေများက စွဲချက်တင်
RELATED POSTS
20 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,ပြည်တွင်း