အစ္စရေးနှင့် စစ်ပွဲဖြစ်ပွားရန် အဆင်သင့်ဖြစ်နေပြီဖြစ်ကြောင်း ဆီးရီးယားနိုင်ငံခြားရေးဝန်ကြီးပြော
Pika (NSS) - ဖေဖော်ဝါရီ ၁၂
ဒေသတွင်းပဋိပက္ခများဆက်လက်ဖြစ်ပွားနေမှုနှင့်အတူ အစ္စရေးနိုင်ငံနှင့်ဖြစ်ပွားလာနိုင်ခြေရှိသော စစ်ရေးပဋိပက္ခ နှင့်ပတ်သက်ပြီး ဆီးရီးယားနိုင်ငံက ၎င်း၏နယ်မြေများကို ကာကွယ်ရန်အတွက် အပြည့်အဝပြင်ဆင်ထားကြောင်း ဆီးရီးယားနိုင်ငံခြားရေးဝန်ကြီး ဖိုင်ဆယ်မက်ခ်ဒဒ်က ပြောကြားခဲ့သည်။
ဖိုင်ဆယ်မက်ခ်ဒဒ်သည် အီရန်နိုင်ငံခြားရေးဝန်ကြီး Hossein Amir-Abdollahian နှင့် Damascus မြို့တွင် တွေ့ဆုံချိန်အတွင်း ယခုကဲ့သို့ ထုတ်ဖော်ပြောဆိုခဲ့ခြင်းဖြစ်ကြောင်း သိရသည်။ ထို့အပြင် ၎င်းတို့နှစ်ဦးသည် အစ္စရေး-ဟားမက်စစ်ပွဲနှင့်ပတ်သက်ပြီး ပါလက်စတိုင်းလူမျိုးများအတွက် ပူးတွဲကူညီပံ့ပိုးမှုများကို ဆွေးနွေးခဲ့ကြ ကြောင်း သိရသည်။
ဖိုင်ဆယ်မက်ခ်ဒဒ်က "ဆီးရီးယားဟာ အစ္စရေးရဲ့သိမ်းပိုက်မှုတွေကို ဆန့်ကျင်ပြီး စစ်ပွဲတွေတိုက်ဖို့ အဆင်သင့်ဖြစ် နေပါပြီ။ ဘယ်အချိန်နဲ့ ဘယ်လိုတိုက်ခိုက်မယ်ဆိုတာကိုပဲ ဆုံးဖြတ်ဖို့လိုတော့တာပါ" ဟု ပြောခဲ့သည်။
၁၉၆၇ ခုနှစ်ကတည်းက အစ္စရေးတို့ ထိန်းချုပ်ထားသော ဆီးရီးယားနိုင်ငံအနောက်တောင်ပိုင်းရှိ ဂိုလန် ကုန်းမြင့်များ၏ အရေးပါမှုကိုလည်း သတိပြုမိကြောင်း ဖိုင်ဆယ်မက်ခ်ဒဒ်က ပြောကြားခဲ့သည်။ ဖိုင်ဆယ်မက်ခ်ဒဒ် က "ဂိုလန်ကုန်းမြင့်တွေကို အစ္စရေးရဲ့သိမ်းပိုက်မှု အဆုံးသတ်ဖို့က ကျွန်တော်တို့ရဲ့ အဓိကဦးစားပေးအချက်ပါ။ ဒီလွတ်မြောက်ရေးစစ်ဆင်ရေးအတွက် တန်ဖိုးတွေကို ပေးဆပ်ဖို့ဆီးရီးယားက အဆင်သင့်ဖြစ်နေ ပါပြီ" ဟု ပြောခဲ့သည်။
ထို့အပြင် ဆီးရီးယားနိုင်ငံအတွင်းတွင် အမေရိကန်နှင့်တူရကီတပ်ဖွဲ့ဝင်များ ရှိနေခြင်းသည် တရားမဝင်ကြောင်းနှင့် အဆုံးသတ်ချိန်နီးလာပြီဖြစ်ကြောင်း ၎င်းက ထပ်မံပြောခဲ့သည်။ ၎င်းက "နိုင်ငံခြားတပ်ဖွဲ့တွေဟာ ဆီးရီးယားနိုင်ငံ အတွင်းမှာ တရားမဝင်ရှိနေတာပါ။ အမေရိကန်နဲ့ အစ္စရေးတို့ဟာ ပါလက်စတိုင်းလူမျိုးတွေအပေါ် လူမျိုးသုဥ◌်း သတ်ဖြတ်မှုကို ကျူးလွန်နေတာပါဟု ပြောဆိုသည်" ဟု ပြောဆိုခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမေရိကန်နိုင်ငံတွင် ရဟတ်ယာဉ်တစ်စင်းပျက်ကျခဲ့ပြီး နိုင်ဂျီးရီးယား ထိပ်တန်းဘဏ်လုပ်ငန်းရှင် အပါအဝင် (၆)ဦး သေဆုံး
RELATED POSTS
19 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,နိုင်ငံတကာ