တရုတ်နိုင်ငံမှာ နဂါးနှစ်အတွက် ကလေးမွေးဖွားမှုနှုန်း မြင့်တက်လာနိုင်
ရောင်နီ (NSS) - ဇန်နဝါရီ ၂၈
တရုတ်နိုင်ငံဟာ ကလေးမွေးဖွားနှုန်း ၇ နှစ်ဆက်တိုက် ကျဆင်းလာခြင်းကြောင့် လူငယ်စုံတွဲများ ကလေးပိုမို မွေးဖွားစေဖို့ အစိုးရက ကြိုးပမ်းနေပါတယ်။ လာမယ့် နဂါးနှစ်ကတော့ ကလေးမွေးဖွားမှုနှုန်းမြင့်တက်လာမယ်လို့ ခန့်မှန်းရပါတယ်။
နဂါးနှစ်ဟာ တရုတ်လူမျိုးတွေအတွက် အကောင်းဆုံးနှစ်တစ်နှစ်လို့ သတ်မှတ်ကြပြီး အဲဒီနှစ်မှာမွေးတဲ့ ကလေး တွေကို နဂါးရဲ့သားစဉ်မြေးဆက်တွေလို့ ယူဆကြပါတယ်။ စင်္ကာပူနဲ့ ထိုင်ဝမ် အပါအဝင် တရုတ်လူမျိုးအများစုက နဂါးရာသီခွင်အောက်မွေးဖွားသူတွေဟာ ဉာဏ်ရည်ဉာဏ်သွေး၊ ခေါင်းဆောင်မှုနဲ့ ကံကောင်းခြင်း စတဲ့ အရည် အသွေးတွေ ရှိကြတယ်လို့ ယုံကြည်ကြတာကြောင့် နဂါးနှစ်ကို ရွေးချယ်ပြီး ရင်သွေး မွေးဖွားကြလေ့ရှိပါတယ်။ တရုတ်နိုင်ငံမှာ ပြီးခဲ့တဲ့ နဂါးနှစ်၊ ၂ဝ၁၂ ခုနှစ်က မွေးဖွားနှုန်းဟာ ၁၄.၅၇ ရာခိုင်နှုန်းထိ တိုးခဲ့ပါတယ်။
အခု ၂ဝ၂၄ ရဲ့ နဂါးနှစ်မှာလည်း ကလေးယူမယ့် စုံတွဲများ ပိုများလာမယ်လို့ ကျွမ်းကျင်သူတွေက ပြောပါတယ်။
တရုတ်နိုင်ငံမှာ ပြီးခဲ့တဲ့နှစ်များအတွင်း ကလေးမွေးဖွားမှုနှုန်း ကျဆင်းသွားခဲ့ပြီး ပေကျင်းဟာ ၎င်းရဲ့ တစ်အိမ် ထောင်၊ ကလေးတစ်ယောက် မူဝါဒကို စွန့်လွှတ်ခဲ့ရပါတယ်။ ၂ဝ၁၆ ခုနှစ်ကစပြီး မွေးဖွားမှုနှုန်း ၅ဝ ရာခိုင်နှုန်းအထိ သိသိသာသာကျဆင်းသွားခဲ့ပါတယ်။ ပြီးခဲ့တဲ့ ၂ဝ၂၃ ခုနှစ်က ကလေးမွေးဖွားနှုန်းဟာ ၆.၃၉ ရာခိုင်နှုန်းသာရှိပြီး ၁၉၄၈ ခုနှစ်၊ တရုတ်ပြည်သူ့သမ္မတနိုင်ငံ စတင်တည်ထောင်ပြီးနောက်ပိုင်း စံချိန်တင် အနိမ့်ဆုံးဖြစ်ခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဆီဆိုင်မြို့တွင် တိုက်ပွဲဆက်ဖြစ်နေသည့်အတွက် ရှုံးခြင်း၊ နိုင်ခြင်း ဆိုသောအဖြေ မထွက်သေးကြောင်း PNO ပြော
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း