မြူနစ် (NSS) - ဇန်နဝါရီ ၂၃

စေတီတော်တစ်ဆူကို ဘတ်ဟိုးဖြင့် ဖြိုချဖျက်ဆီးခဲ့သည့် TNLA ၏ လုပ်ရပ်အပေါ် အဖွဲ့အစည်းပေါင်း (၂၁)ခုက အပြင်းအထန်ကန့်ကွက်ရှုတ်ချလိုက်သည်။

နမ့်ဆန်မြို့အဝင်ရှိ တောင်ကုန်းပေါ်၌ တည်ထားကိုး ကွယ်သော ဗုဒ္ဓဘာသာဝင်များ အထွဋ်အမြတ်ထားရာ စေတီတော်ကို TNLA အဖွဲ့ဝင်များက ဇန်နဝါရီလ ၁၀ ရက်မှစ၍ ဘတ်ဟိုးဖြင့် ဖြိုချဖျက်ဆီးခဲ့ရာ ဇန်နဝါရီလ ၂၀ ရက်တွင် အပြီးသတ်ပြိုကျပျက်စီးသွားခဲ့သည်ဟု နစကမှ ဆိုသည်။

ယင်းကဲ့သို့ TNLA ၏ လုပ်ရပ်အပေါ် ဗုဒ္ဓဘာသာကလျာ ဏယုဝအသင်း (YMBA) (ဗဟို)အပါအဝင် အဖွဲ့အစည်းပေါင်း(၂၁)ခုက အပြင်းအထန်ကန့်ကွက်ရှုတ်ချထား သည်။

လက်နက်ကိုင်အကြမ်းဖက်အဖွဲ့များက ဗုဒ္ဓဘာသာသာ သနာကို စော်ကားနေသည့်လုပ်ရပ်များအတွက် စိတ်မကောင်းဖြစ်ရကြောင်း နှင့် ဗုဒ္ဓသာသနာကို ညှိုးနွမ်းရန် လုပ်ဆောင်ခဲ့သော အကြမ်းဖက်အဖွဲ့အစည်းများကို လုံးဝလက်မခံကြောင်း YMBA က သဘောထားထုတ်ပြန်ထားသည်။

ထို့ပြင် ဗုဒ္ဓဘာသာဝင် နိုင်ငံသားတိုင်း၏ လွတ်လပ်စွာကိုးကွယ်ယုံကြည်မှုဆိုင်ရာ ဘာသာ၊ သာသနာအပေါ် မိုက်ရိုင်းစော်ကားသည့် အကြမ်းဖက်သူများ၏ လုပ် ဆောင်ချက်များအပေါ် ဘာသာပေါင်းစုံချစ်ကြည်ညီ ညွတ်ရေးအဖွဲ့(ဗဟို)ကလည်း ပြင်းထန်စွာကန့်ကွက်ရှုတ်ချကြောင်း သဘောထားထုတ်ပြန်ထားသည်။

အထက်ပါကဲ့သို့ TNLA အဖွဲ့၏ လုပ်ရပ်အပေါ် YMBA၊ ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)၊ ဧဝံဂေလိခရစ် ယာန်မဟာမိတ်အဖွဲ့ချုပ်၊ မက်သဒစ်အသင်းတော်(အောက်မြန်မာပြည်)၊ လွတ်မြောက်ခြင်းအသင်းတော်(ရန်ကုန်)၊ ယုံကြည်ခြင်း ဧဝံဂေလိအသင်းတော်(ပဲခူး)၊ ဟိန္ဒိူဘာသာရေးဗဟိုအဖွဲ့ချုပ်၊ တမီလ်ဟိန္ဒူဖောင်ဒေးရှင်း(ဗဟို)၊ သနန္တဓမ္မပါလ က (ဟိန္ဒူ)အဖွဲ့ချုပ်၊ အစ္စလာမ်ဘာသာရေးအဖွဲ့ကြီးနှင့် ပိန္နဲကုန်းရခိုင်ဂျာမေဗလီတို့က ပြင်းထန်စွာကန့်ကွက်ရှုတ်ချထားသည်။

အလားတူ ဘူးသီးတောင်မောင်တောဒေသဖွံ့ဖြိုးရေးအသင်း၊ စစ်မှုထမ်းဟောင်းအဖွဲ့၊ သတင်းမီဒီယာကောင် စီ၊ အားကစား မီဒီယာများအဖွဲ့ချုပ်၊ သဘင်အစည်းအရုံး (ဗဟို)၊ ဂီတအစည်းအရုံး(ဗဟို)၊ ရုပ်ရှင်အစည်းအရုံး၊ ပန်းချီပန်းပုအစည်းအရုံး(ဗဟို)၊ စာရေးဆရာအသင်းနှင့် ဟာသပညာရှင်များအစည်းအရုံးတို့ကလည်း TNLA ၏ လုပ်ရပ်အပေါ် ပြင်းထန်စွာ ကန့်ကွက်ထားသည်။

ပြီးခဲ့သော ဇန်နဝါရီလ ၈ ရက်တွင် ကိုးကန့်လက်နက် ကိုင်အဖွဲ့ MNDAA အဖွဲ့ဝင်အချို့သည် လောက်ကိုင်မြို့ နယ်အတွင်းရှိ စေတီတစ်ဆူကို သံတူဖြင့်ထုကာဖျက်ဆီး ခဲ့သော လုပ်ရပ်အပေါ်တွင်လည်း အထက်ပါအဖွဲ့အစည်း (၂၁)ခု၊ ရဟန်းသံဃာ နှင့် လူပုဂ္ဂိုလ်အများအပြားက ပြင်း ထန်စွာကန့်ကွက်ရှုတ်ချထားသည်။