ရောင်နီ (NSS) - ဇန်နဝါရီ ၁၅

Upside Down ကမ္ဘာအကြောင်း ရိုက်ကူးထားတဲ့ အမေရိကန်စွန့်စားရုပ်ရှင် "Stranger Thing Season - 5 "ဟာ အခုဆိုရင် ရိုက်ကူးရေးတွေ စတင်နေပြီပဲဖြစ်ပါတယ်။   

ကြည့်ရှုအားပေးသူ ပရိသတ်များစွာနဲ့ အောင်မြင်မှုများစွာ ရရှိထားတဲ့ Stranger Things ရဲ့နောက်လာမယ့် season 5 ကို ပရိသတ်တော်တော်များများက စောင့်မျှော်နေကြတာ ဖြစ်ပါတယ်။ 

ဒီအတွက် ဇန်နဝါရီ ၉ ရက်က Stranger Thing Season 5 ရိုက်ကူးဖို့အတွက် Cast တွေ စုနေတဲ့ပုံကို ဇာတ်ကားရဲ့ Official page မှာ တင်ခဲ့ပါတယ်။ 

ဒါပေမယ့် ပရိသတ်ကို လှုပ်လှုပ်ရွရွဖြစ်စေခဲ့တဲ့အရာကတော့ Season 4 မှာ ပါဝင်ခဲ့ Cast အချို့ အခု Season 5 ရိုက်ကူးရေးမှာ ပြန်ပါမလာတော့တာပါပဲ။ အဲဒါကတော့ ကယ်လီဖိုးနီးယားမှာ ဂျိုနငန် ကာရိုက်တာရဲ့ အချစ်ဆုံးသူငယ်ချင်း၊ Pizza ရောင်းသူအဖြစ်သရုပ်ဆောင်ခဲ့တဲ့ ဇာတ်ကောင်အာဂေးနဲ့ ဆိုးသွမ်းတဲ့ ကျောင်းသား၊ သူရဲဘောကြောင်တဲ့ လူငယ်အဖြစ် ပရိသတ်လူကြိုက်များတဲ့ အက်ဒီကာရိုက်တာတွေဟာ ပြန်လည်ပါဝင်လာခြင်းမရှိခြင်းကြောင့်ဖြစ်ပါတယ်။ 

အာဂေး အဖြစ် သရုပ်ဆောင်တဲ့ အက်ဒူဒိုဖရန်ကိုက သူ့ဆီဇာတ်ကောင်အတွက် ဖုန်းခေါ်ဆိုလာခြင်း မရှိဘူးလို့ ဆိုကာ ဇာတ်လမ်းမှာ မပါဝင်တော့မယ့်အကြောင်း အင်တာဗျူးတစ်ခုမှာ အတည်ပြုခဲ့ပါတယ်။ 

အက်ဒီဇာတ်ကောင်အတွက်ကတော့ Season 4 မှာ ၎င်း Upside down မှာ သေဆုံးခဲ့တဲ့ ဇာတ်ကွက်ပြခဲ့ပေမယ့် fan တွေက တနည်းနည်းနဲ့ ပြန်ရှင်ဦးမယ်လို့ ယူဆခဲ့ကြပါတယ်။ ဒါပေမယ့်လည်း cast တွေထဲမှာ အက်ဒီကာရိုက်တာအတွက် သရုပ်ဆောင် ဂျိုးဆက်ကွင်းရဲ့ ပုံရိပ်မပါလာတာကြောင့် ပရိသတ်တွေရဲ့မျှော်လင့်ချက်က မှားယွင်းခဲ့ပုံ ပေါ်နေပါတယ်။ 

အခုအချိန်မှာတော့ Stranger Things Season 5 ကို စတင်ရိုက်ကူးနေပြီဖြစ်ပါတယ်။ Stranger Things ဇာတ်လမ်းတွဲဟာ overall Rating 8.7 ထိ ရရှိထားပါတယ်။