၂ဝ၁၈ ခုနှစ် စစ်ရေးသဘောတူညီချက်အရ ရပ်ဆိုင်းထားသော စစ်ရေးလေ့ကျင့်မှုများကို ပြန်လည်စတင်တော့မည်ဖြစ်ကြောင်း တောင်ကိုရီးယားအစိုးရ ကြေညာ
Pika (NSS) - ဇန်နဝါရီ ၁ဝ
မြောက်ကိုရီးယားနိုင်ငံနှင့် ၂ဝ၁၈ ခုနှစ်က ချုပ်ဆိုထားသော စစ်ရေးသဘောတူညီချက်တစ်စိတ်တစ်ပိုင်းအဖြစ် ရပ်ဆိုင်းထားသော စစ်ရေးလေ့ကျင့်မှုများကို ပြန်လည်စတင်တော့မည်ဖြစ်ကြောင်း တောင်ကိုရီးယားအစိုးရက ပြောကြားခဲ့သည်။
မကြာသေးမီကလုပ်ဆောင်ခဲ့သော မြောက်ကိုရီးယား၏ အင်အားပြသမှုများကြောင့် အဆိုပါစစ်ရေးသဘောတူညီချက်များကို လုံးဝဖျက်သိမ်းရန် စဉ်းစားနေကြောင်း တောင်ကိုရီးယားအစိုးရက ပြောကြားခဲ့သည်။
လာမည့်ရက်ပိုင်းအတွင်း စစ်ရေးလေ့ကျင့်မှုများကို ပြန်လည်စတင်တော့မည်ဖြစ်ကြောင်း တောင်ကိုရီးယားစစ်တပ်က ပြောခဲ့သည်။ ထို့အပြင် အဆိုပါစစ်ရေးလေ့ကျင့်မှုများထဲတွင် ကုန်းလမ်း နှင့် ရေကြောင်း နယ်နိမိတ်တစ်လျှောက် အမြောက်ပစ်ခတ်လေ့ကျင့်မှုများ နှင့် စစ်ဆင်ရေးများ ပါဝင်မည်ဖြစ်ကြောင်း တောင်ကိုရီးယားစစ်တပ်က မှတ်ချက်ပြုခဲ့သည်။
မြောက်ကိုရီးယားအစိုးရသည် ၂ဝ၁၈ ခုနှစ် စစ်ရေးသဘောတူညီချက်များအရ စစ်ရေးလေ့ကျင့်မှုများကို တားမြစ်ထားသည့်နေရာများတွင် ပစ်ခတ်တိုက်ခိုက်မှုများလုပ်ဆောင်ခဲ့ခြင်းကြောင့် အဆိုပါစစ်ရေးသဘောတူညီချက်မှာ ပျက်ပြယ်သွားပြီဖြစ်ကြောင်း တောင်ကိုရီးယားအစိုးရက ပြောကြားခဲ့သည်။
၂ဝ၁၈ ခုနှစ် စစ်ရေးသဘောတူညီချက်ကို ဖျက်သိမ်းလိုက်ခြင်းသည် တောင်ကိုရီးယားစစ်တပ်ကို ပိုမိုကောင်းမွန်သော အဆင်သင့်အနေအထားဖြင့် ရှိစေနိုင်မည်ဖြစ်ကြောင်း တောင်ကိုရီးယားကာကွယ်ရေးဝန်ကြီးဌာန ပြောရေးဆိုခွင့်ရှိသူ Jeon Ha-kyou က ပြောကြားခဲ့သည်။
သို့သော်လည်း ကာကွယ်ရေးဝန်ကြီးဌာနသည် နောက်ဆုံး ဆုံးဖြတ်ချက်များမချမီ တရားဝင်ခွင့်ပြုချက်များ လိုအပ်သေးကြောင်း ၎င်းက ထပ်မံပြောခဲ့သည်။
"ဒီပြဿနာတွေကို ဖြေရှင်းနိုင်မယ်လို့ ကျွန်တော်မျှော်လင့်ပါတယ်။ တပ်ဖွဲ့အလိုက် လေ့ကျင့်မှုတွေ လုပ်ဆောင်ဖို့အတွက် ပိုမိုကောင်းမွန်တဲ့အခြေအနေတွေ ရှိလာမယ်လို့လည်း ကျွန်တော်ယုံကြည်ပါတယ်။ ၂ဝ၁၈ ခုနှစ် စစ်ရေး သဘောတူညီချက်ဟာ ကိုရီးယားနှစ်နိုင်ငံကို ပိုင်းခြားထားတဲ့ စစ်မဲ့ဇုန်(၅)ကီလိုမီတာအတွင်း စစ်ရေးလေ့ကျင့်မှုတွေကို တားမြစ်ထားပါတယ်" ဟု ၎င်းက ပြောခဲ့သည်။
တောင်ကိုရီးယားအစိုးရက ပြန်လည်စတင်မည့် စစ်ရေးလေ့ကျင့်မှုများထဲတွင် မြေပြင်အမြောက်တပ်စစ်ရေးလေ့ကျင့်မှုများအပြင် မရိန်းတပ်သားများနှင့် လေတပ် တပ်ဖွဲ့ဝင်များလည်း ပါဝင်နိုင်ဖွယ်ရှိနေကြောင်း သိရသည်။ မြောက်ကိုရီးယားအစိုးရသည် ပြီးခဲ့သည့်သီတင်းပတ်အတွင်း အမြောက်ကျည် အများအပြားကို ပစ်လွှတ်ခဲ့ပြီးနောက် တောင်ကိုရီးယားအစိုးရ၏ ထုတ်ပြန်ကြေညာချက်များ ထွက်ပေါ်လာခြင်းဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဘုရားစေတီတော်ကို ဖျက်ဆီးခဲ့သည့် MNDAA လုပ်ရပ်အပေါ် သံဃာတော် နှင့် လူပုဂ္ဂိုလ်အများအပြား ရန်ကုန်မြို့၌ ကန့်ကွက်ဆန္ဒပြ
RELATED POSTS
20 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,ပြည်တွင်း