ဆေးရုံတက်ရောက်ကုသနေရတဲ့ကာကွယ်ရေးဝန်ကြီးလွိုင်အော်စတင်ကို ရာထူးက ထုတ်ပယ်သွားမှာမဟုတ်ဟုဆို
ဂျန်ဇက် (NSS) - ဇန်နဝါရီ ၉
အမေရိကန်သမ္မတဟာ ထူးဆန်းတဲ့ရောဂါကြောင့် ဆေးရုံတက်နေရတဲ့ ကာကွယ်ရေးဝန်ကြီးလွိုင်အော်စတင်ကို ရာထူးက ထုတ်ပယ်သွားဖွယ်မရှိကြောင်း အမေရိကန်အခြေစိုက် Politico သတင်းဌာနက ဖော်ပြထားပါတယ်။
လွိုင်အော်စတင်ဟာ အစိုးရအဖွဲ့နဲ့လူမြင်ကွင်းမှာ ရက်အတန်ကြာပျောက်ကွယ်ခဲ့ပြီးနောက် ရောဂါကြောင့် ဆေးရုံတက်နေရတယ်ဆိုတဲ့သတင်းတွေ ထွက်ပေါ်လာခဲ့တာဖြစ်ပါတယ်။ လွိုင်အော်စတင်ကိုယ်ကိုယ်က ၎င်းဟာ Walter Reed National Military Medical Center မှာ ဆေးရုံတက်နေရကြောင်း မကြာသေးမီက သတင်းထုတ်ပြန် ခဲ့ပါတယ်။
အမေရိကန်အစိုးရဟာ လွိုင်အော်စတင် ဆေးရုံတက်နေရတယ်ဆိုတဲ့သတင်းကို လူသိရှင်ကြားထုတ်ပြန်ခဲ့ခြင်းမျိုး မရှိခဲ့ကြောင်း၊ လွိုင်အော်စတင်ဟာဆေးရုံမှာ သီတင်းပတ်တစ်ပတ်ကျော်ကြာနေထိုင်နေရဆဲဖြစ်ကြောင်း သိရပါတယ်။
လွိုင်အော်စတင်ဆေးရုံတက်နေရခြင်းနဲ့ပတ်သက်ပြီး ရီပတ်ဘလီကန်ပါတီအမတ်တွေက လွိုင်အော်စတင်ကို ရာထူးက ထုတ်ပယ်ဖို့တောင်းဆိုခဲ့ပေမယ့် အမေရိကန်သမ္မတဂျိုးဘိုင်ဒန်က ရာထူးက ထုတ်ပယ်မှာမဟုတ် ကြောင်း၊ လွိုင်အော်စတင်ကိုယ်တိုင် ရာထူးက ထွက်ဖို့ တောင်းဆိုခဲ့မယ်ဆိုရင်လည်း ငြင်းဆန်မှာဖြစ်ကြောင်း အဆိုပါကိစ္စနဲ့နီးစပ်သူများက ပြောပါတယ်။
အမေရိကန်အစိုးရတာဝန်ရှိသူတစ်ဦးက "အော်စတင်ဟာ ဘယ်ကိုမှသွားမှာ မဟုတ်ပါဘူး။ အမေရိကန်သမ္မတဟာ ဆေးရုံတက်ရောက်ကုသနေခြင်းကို လူသိရှင်ကြားတာဝန်ခံပြောဆိုခဲ့တဲ့ဝန်ကြီးလွိုင်အော်စတင်အပေါ် လေးစားမှုအပြည့်ရှိပါတယ်။ လက်ရှိအချိန်မှာ အမေရိကန်အစိုးရဟာ ကာကွယ်ရေးဝန်ကြီးလွိုင်အော်စတင် ကျန်းမာရေး ပြန်လည်ကောင်းမွန်ရေးကို အာရုံစိုက်နေပြီး အပြည့်အဝပြန်ကျန်းမာလာစေဖို့ လိုအပ်တဲ့ ကူညီထောက်ပံ့ပေးမှု တွေ၊ စောင့်ရှောက်မှုတွေလုပ်ဆောင်သွားမယ်" လို့ ပြောပါတယ်။
ဒါပေမယ့် အမေရိကန်အစိုးရဟာ ဆေးရုံတက်ရောက်ကုသနေရတဲ့ ကာကွယ်ရေးဝန်ကြီးလွိုင်အော်စတင်ရဲ့ ကျန်းမာရေးအခြေအနေများကို အသေးစိတ်သတင်းထုတ်ပြန်ခြင်းမျိုး မရှိသေးကြောင်း သိရပါတယ်။ အမေရိကန်စစ်ဌာနချုပ်အနေနဲ့လည်း ဝန်ကြီးလွိုင်အော်စတင် ဆေးရုံက ပြန်ဆင်းမယ့်အချိန်ကာလအတိအကျကို သတင်းထုတ်ပြန်ခြင်းမျိုးမရှိသေးကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဗုဒ္ဓဘာသာဝင်များ အထွဋ်အမြတ်ထားရာ စေတီ၊ ပုထိုးများကို ဖြိုဖျက်သည့်လုပ်ရပ်အား ပြင်းပြင်းထန်ထန်ကန့်ကွက်ရှုံ့ချ
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ