ထိုင်းနိုင်ငံသို့ရောက်ရှိနေသည့် အထောက်အထားမဲ့ မြန်မာရွှေ့ပြောင်းလုပ်သားများအနေဖြင့် ခေါင်းပုံဖြတ်ခံရမှုများနှင့် ရင်ဆိုင်နေရ
ယွန်း (NSS) - ဒီဇင်ဘာ ၈
ထိုင်းနိုင်ငံတွင် အလုပ်လုပ်ကိုင်နေသော်လည်း အချက်အလက်စာရွက် စာတမ်းမရှိသော မြန်မာရွှေ့ပြောင်းလုပ်သားများသည် ခေါင်းပုံဖြတ်ခံရမှုများရင်ဆိုင်နေရကြောင်း UNDP MYANMAR က အသိပေးပြောကြားထား သည်။
UNDP MYANMAR က ပြီးခဲ့သည့် နိုဝင်ဘာလတွင် ထိုင်းနိုင်ငံရှိ အထောက် အထားမဲ့မြန်မာလုပ်သားများ ရင်ဆိုင်နေရသည့် ဘဝနှင့် စိန်ခေါ်မှုများကို လေ့လာထားသည့် အစီရင်ခံစာ၌ အထက်ပါကဲ့သို့ ဖော်ပြထားခြင်းဖြစ် သည်။
မြန်မာနိုင်ငံမှ ထိုင်းနိုင်ငံသို့ ၂၀၂၁ ခုနှစ်၊ ဖေဖော်ဝါရီလ(၁)ရက်နောက်ပိုင်းတွင် ရောက်ရှိလာသည့် စာရွက်စာတမ်းအထောက်အထား မရှိသော ရွှေ့ပြောင်းလုပ်သားများသည် လုပ်ငန်းခွင်အကျိုးခံစားခွင့် နည်းပါးခြင်းနှင့် နေရပ်ပြန့်ပို့ခံရခြင်းဆိုင်ရာ ခြိမ်းခြောက်မှုများကို ရင်ဆိုင်နေရကြောင်း UNDP ၏ စစ်တမ်းတွင် ဖော်ပြထားသည်။
ထို့ပြင် မြန်မာနိုင်ငံ၌ နိုင်ငံရေးပဋိပက္ခများဖြစ်ပွားလျက်ရှိပြီး ဆိုးရွာလာသည့် စီးပွားရေးအခြေအနေကြောင့်လည်း အများစုသည် နယ်စပ်ဖြတ်ကျော်ပြီး လုံခြုံကောင်းမွန်သည့် ဘဝနေထိုင်မှုနှင့် အလုပ်အကိုင်များကို ထိုင်းနိုင်ငံတွင် ရှာဖွေလာခဲ့ကြောင်း အထက်ပါစစ်တမ်းအရ သိရသည်။
သို့သော်လိုအပ်သော အချက်အလက်စာရွက်စာတမ်းများ မရှိသည့် ရွှေ့ ပြောင်းလုပ်သားများသည် ခေါင်းပုံဖြတ်ခံရခြင်းနှင့် အလွဲသုံးစားပြုခံရမှု အန္တရာယ်များနှင့် ရင်ဆိုင်နေရကြောင်း UNDP MYANMAR က ဖော်ပြထားသည်။
အဆိုပါ စစ်တမ်းကောက်ယူနေစဥ် ကာလအတွင်း ရွှေ့ပြောင်းနေထိုင်သူ(၂၂၄၉)ဦး အနက် (၃၇)ရာခိုင်နှုန်းသည် စာရွက်စာတမ်းနှင့် အထောက် အထားမဲ့ နေထိုင်သူများဖြစ်ပြီး ၎င်းတို့သည် ပြီးခဲ့သည့် ၂၀၂၁ ခုနှစ်၊ ဖေဖော်ဝါရီလ(၁) ရက်နောက်ပိုင်းတွင် ထိုင်းနိုင်ငံသို့ ရောက်ရှိလာကာ ပြည်နယ်(၁၃)ခုတွင် နေထိုင်လျက်ရှိသူများဖြစ်ကြောင်း သိရသည်။
မြန်မာရွှေ့ပြောင်းလုပ်သားများသည် ထိုင်းနိုင်ငံ၏ ရွှေ့ပြောင်းလုပ်သားလိုအပ်ချက်ကို ဖြည့်ပေးနေပြီး နိုင်ငံ၏စီးပွါးရေး ဆက်လက်ဖွံ့ဖြိုးတိုးတက်နေမှုကို ပံ့ပိုးရာတွင် အရေးကြီးသောကဏ္ဍမှ ပါဝင်နေကြောင်း UNDP MYANMAR ကဆက်လက်ဖော်ပြထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယနေ့ ဒီဇင်ဘာလ ၈ ရက်အတွင်းဖြစ်ပွားခဲ့သည့် ပြည်တွင်းနှင့် ပြည်ပက သတင်းများ
RELATED POSTS
21 Sep 2024 | အထွေထွေ,ပြည်တွင်း
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း