ဆီဆိုင်မြို့နယ်တွင်ရောက်ရှိနေသည့် စစ်ဘေးရှောင်အိမ်ထောင်စု(၈၆ဝ) ကျော်အတွက် ဆန်အိတ်များထောက်ပံ့ပေး
ကျော် (NSS) - ဒီဇင်ဘာ ၇
ရှမ်းပြည်နယ်(တောင်ပိုင်း)၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)အခြေပြုဒေသဖြစ်သော ဆီဆိုင်မြို့နယ်တွင်ရောက်ရှိနေသည့် စစ်ဘေးရှောင်အိမ်ထောင်စု(၈၆၁)စုအတွက် ဆန်အိတ်များထောက်ပံ့ပေးခဲ့ကြောင်း ဆီဆိုင်မြို့ PNLO ဆက်ဆံရေးရုံးမှ သိရသည်။
အဆိုပါ ဆန်အိတ်များကို အလှူရှင်များက ယမန်နေ့ (ဒီဇင်ဘာလ ၆ ရက်)၊ နံနက်ပိုင်းက ထောက်ပံ့ပေးခဲ့ကြခြင်းဖြစ်ကြောင်း သိရသည်။
၎င်းတို့က ဆီဆိုင်မြို့၊ မြကန်သာရပ်ကွက်ရှိ အရိယာမဂ္ဂင်ဓမ္မာရုံတွင် စစ်ဘေးရှောင်အိမ်ထောင်စု (၄၁၁)စုအတွက် ဆန်(၆)ပြည်ပါ ဆန်အိတ်(၄၁၁) အိတ်နှင့် စောင်(၂၄၀)ထည်တို့ကို ထောက်ပံ့ပေးအပ်ခဲ့ကြကြောင်း သိရသည်။
ထို့ပြင် ဆိုက်ခေါင်ကျေးရွာတွင်ရောက်ရှိနေသည့် စစ်ဘေးရှောင် အိမ်ထောင် စု (၁၃၆)စုအတွက်လည်း ဆန်(၆)ပြည်ပါ ဆန်အိတ်(၁၃၆)အိတ်၊ ဘန်းယဉ်ကျေးရွာအုပ်စုအတွင်း ရောက်ရှိနေသော စစ်ဘေးရှောင်အိမ်ထောင်စု (၁၉၈)စုအတွက် ဆန်(၆)ပြည်ပါ ဆန်အိတ် (၁၉၈)အိတ်၊ နောင်မွန်ကျေးရွာ အုပ်စုအတွင်း ရောက်ရှိနေသည့် စစ်ဘေးရှောင်အိမ်ထောင်စု (၁၁၆)စုအတွက် ဆန်(၆)ပြည်ပါ ဆန်အိတ် (၁၁၆)အိတ်တို့ကိုလည်းထောက်ပံ့ပေးခဲ့ကြကြောင်း သိရသည်။
"PNLO အခြေပြုဒေသ ဆီဆိုင်မြို့နယ်ထဲမှာရောက်နေတဲ့ ကယားပြည်နယ်က စစ်ဘေးရှောင်အိမ်ထောင်စု(၈၆၁)စုက လူဦးရေ(၃၁၂၇) ယောက်အတွက် ဆန်(၆)ပြည်ပါ ဆန်အိတ် (၈၆၁)အိတ်နဲ့ စောင်(၂၄၀)ကိုထောက်ပံ့ ပေးခဲ့ကြတာပါ"ဟု ဆီဆိုင်မြို့ PNLO ဆက်ဆံရေးရုံးမှတာဝန်ရှိသူတစ်ဦးကပြောသည်။
ပအိုဝ်းအမျိုးသားလွတ်မြောက်ရေးအဖွဲ့ချုပ် PNLO အခြေပြုဒေသများဖြစ်သည့် ဆီဆိုင်မြို့၊ ဘန်းယဉ်မြို့၊ နောင်မွန်မြို့၊ ဆိုက်ခေါင်မြို့၊ နောင်ထောဝ်မြို့တို့တွင်ရောက်ရှိနေသည့် ကယားပြည်နယ်မှ စစ်ဘေးရှောင်များအား PNLO ၏ တာဝန်ရှိသူများက အခြေခံစားသောက်ကုန်များကို ဖြန့်ဝေပေးလျက်ရှိသည်။
လက်ရှိအချိန်၌ PNLO အခြေပြုဒေသများနှင့်ဆက်စပ်ဧရိယာများတွင်ဖွင့်လှစ်ထားသည့် စစ်ဘေးရှောင်စခန်းများတွင် ကယားပြည်နယ်မှစစ်ဘေးရှောင်ဦးရေ ၁၀၀၀၀ ကျော်ရောက်ရှိခိုလှုံလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မန်ယူအသင်းကို ရှုံးနိမ့်ခဲ့သော်လည်း အသင်းကစားသမားများ၏ စွမ်းဆောင်ရည်များကို စိတ်ပျက်မှုများ မရှိခဲ့ကြောင်း ချဲလ်ဆီးနည်းပြပြော
RELATED POSTS
21 Sep 2024 | အထွေထွေ,ပြည်တွင်း
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း