ဆိုရှယ်မီဒီယာမှာစွန့်စားဗီဒီယိုတင်ဖို့ လေယာဉ်ငယ်ပေါ်မှ ခုန်ချကာ လေယာဉ်ကို ပျက်စီးစေခဲ့တဲ့ YouTuber ထောင်ဒဏ် ၆ လ ချမှတ်ခံရ
ရောင်နီ (NSS) - ဒီဇင်ဘာ ၆
အသက် ၃ဝ နှစ်အရွယ် YouTube creator၊ အိုလံပစ် အားကစားသမားဟောင်းတစ်ဦးဟာ ဆိုရှယ်မီဒီယာမှာ viewer များစေဖို့ လေယာဉ်ငယ်ပေါ်မှ ခုန်ချခဲ့ပြီး လေယာဉ်ကို ပျက်စီးစေခဲ့ခြင်းကြောင့် တနင်္လာနေ့(ဒီဇင်ဘာ ၄ ရက်) မှာ ထောင်ဒဏ်ခြောက်လ ချမှတ်ခံခဲ့ရပါတယ်။
ထရက်ဗာဒယ်နီရယ်ဂျက်ကော့ဟာ ၂ဝ၂၁ ခုနှစ် နိုဝင်ဘာလက ၎င်းရဲ့ အဆိုပါစွန့်စားဗီဒီယိုရိုက်ကူးဖို့အတွက် ကင်မရာများစွာ တပ်ဆင်ထားတဲ့လေယာဉ်မှ လေထီးနဲ့ ခုန်ချခဲ့တာပါ။ ၎င်းဟာ ရည်ရွယ်ချက်ရှိရှိ လေယာဉ်ကို ပျက်စီးစေခဲ့ကြောင်း ဝန်ခံခဲ့တယ်လို့ ကယ်လီဖိုးနီးယားရှိ ဖက်ဒရယ်အစိုးရရှေ့နေတွေက သတင်းထုတ်ပြန်ခဲ့ပါ တယ်။
"I Crashed My Airplane” လို့ အမည်ပေးထားတဲ့ အဆိုပါဗီဒီယိုကို YouTube မှာ ၂ဝ၂၁ ခုနှစ်၊ ဒီဇင်ဘာ ၂၃ ရက်က တင်ခဲ့တာဖြစ်ပါတယ်။ ကြည့်ရှုသူအချို့က အဆိုပါစတန့်ဟာ လေယာဉ်ကို ဘေးကင်းလုံခြုံစွာ ဆင်းသက်ဖို့ မကြိုးစားဘဲ ရည်ရွယ်ချက်ရှိရှိ ပျက်စီးစေခဲ့တယ်လို့ ဆိုကြပါတယ်။
အစိုးရရှေ့နေများရဲ့ပြောကြားချက်အရ လေယာဉ်ပျက်ကျပြီး ရက်ပိုင်းအကြာမှာ ဂျက်ကော့ကို ဖမ်းဆီးထိန်းသိမ်းနိုင်ခဲ့ပြီး စုံစမ်းစစ်ဆေးမှုတွေ စတင်ခဲ့ခြင်းဖြစ်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရုရှားသမ္မတက ပေးအပ်ချီးမြှင့်တဲ့ဘွဲ့တံဆိပ်များကို နစကအစိုးရလက်ခံရယူခဲ့မှုများ အပါအဝင် နိုင်ငံတွင်း တိုက်ပွဲများအခြေအနေကို ဗိုလ်ချုပ်ဇော်မင်းထွန်းပြော
RELATED POSTS
21 Sep 2024 | အထွေထွေ,ပြည်တွင်း
21 Sep 2024 | အထွေထွေ,နိုင်ငံတကာ
20 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း