ယူကရိန်းတိုက်လေယာဉ်နှစ်စင်းကို ပစ်ချခဲ့ကြောင်း ရုရှားစစ်ဘက် သတင်းထုတ်ပြန်
Pika (NSS) - နိုဝင်ဘာ ၂၆
ရုရှားတပ်ဖွဲ့များသည် ယခုသီတင်းပတ် (၂၄)နာရီအတွင်း ယူကရိန်း၏ MiG-29 တိုက်လေယာဉ်နှစ်စင်းကို ပစ်ချခဲ့ကြောင်း ရုရှားကာကွယ်ရေးဝန်ကြီးဌာနက နိုဝင်ဘာလ(၂၅)ရက်တွင် ထုတ်ဖော်ပြောခဲ့သည်။
အဆိုပါအချိန်ကာလအတွင်း ရှေ့တန်းစစ်မြေမျက်နှာပြင်တွင် ယူကရိန်း၏ ဒရုန်းအနည်းဆုံး(၁၈)စင်းကိုလည်း ဖျက်ဆီးပစ်နိုင်ခဲ့ကြောင်း ရုရှားကာကွယ်ရေးဝန်ကြီးဌာနက ပြောကြားခဲ့သည်။ MiG-29 တိုက်လေယာဉ်နှစ်စင်းကို ယူကရိန်းနိုင်ငံ အရှေ့တောင်ပိုင်းရှိ Dnepropetrovsk ဒေသတွင် ပစ်ချခဲ့ခြင်းဖြစ်ကြောင်း ရုရှားစစ်တပ်က ပြောကြားခဲ့သည်။
ယူကရိန်း၏ တိုက်လေယာဉ်နှစ်စင်းကို မြေပြင်အခြေစိုက် တိုက်လေယာဉ်ပစ်ချသည့်စနစ်များက ပစ်မှတ်ထားကာ ပစ်ချခဲ့ခြင်းဖြစ်ကြောင်း ရုရှားစစ်တပ်က ပြောကြားခဲ့သည်။ တစ်ချိန်တည်းမှာပင် ရှေ့တန်းစစ်မြေမျက်နှာပြင်တွင် ယူကရိန်း၏ဒရုန်း အနည်းဆုံး(၁၈)စင်းကို ဖျက်ဆီးနိုင်ခဲ့ကြောင်း ရုရှားစစ်တပ်က ပြောခဲ့သည်။
ထို့အပြင် လေကြောင်းပစ်မှတ်များကို ထောက်လှမ်းကာခြေရာခံသည့် ယူကရိန်း၏ ဆိုဗီယက်ခေတ်သုံး P-18 ကြိမ် နှုန်းမြင့် ရေဒါနှစ်ခုကိုလည်း ဖျက်ဆီးပစ်နိုင်ခဲ့ကြောင်း ရုရှားစစ်တပ်က သတင်းထုတ်ပြန်ခဲ့သည်။ ရုရှားတပ်ဖွဲ့များ သည် Dnepropetrovsk ဒေသတွင်းရှိ ယူကရိန်း၏ လက်နက်ခဲယမ်းမီးကျည် သိုလှောင်ရုံနှစ်ခုကိုလည်း သိမ်းဆည်း နိုင်ခဲ့ကြောင်း ရုရှားစစ်တပ်က ပြောကြားခဲ့သည်။
အဆိုပါ သိုလှောင်ရုံနှစ်ခုတွင် အမျိုးအမည်မသတ်မှတ်ထားသော တိုက်လေယာဉ်များတွင် အသုံးပြုသည့်ကျည်များ ပါဝင်ကြောင်း ရုရှားကာကွယ်ရေးဝန်ကြီးဌာန၏ ထုတ်ပြန်ချက်များအရ သိရသည်။ ပြီးခဲ့သည့်သီတင်းပတ်များ အတွင်း ရုရှားစစ်တပ်သည် ယူကရိန်းလေတပ်ကို အပြီးသတ်ချေမှုန်းရန် ၎င်း၏ ကြိုးပမ်းမှုများကို ပိုမိုအရှိန်မြှင့် လုပ်ဆောင်လာခဲ့ကြောင်း သိရသည်။
ယူကရိန်းလေတပ်တွင် ဆိုဗီယက်ခေတ်သုံး Su-27 တိုက်လေယာဉ်၊ MiG-29 တိုက်လေယာဉ်များ၊ Su-24 ရှေ့တန်း ဗုံးကြဲလေယာဉ်များ နှင့် Su-25 လေကြောင်းထောက်ပံ့ရေးလေယာဉ်တို့ ပါဝင်နိုင်ဖွယ်ရှိနေကြောင်း သိရသည်။ (၅)ရက်တာကာလအတွင်း ယူကရိန်း၏ တိုက်လေယာဉ်(၂၄)စင်း ဖျက်ဆီးခံခဲ့ရကြောင်း ရုရှားကာကွယ်ရေးဝန်ကြီး ဌာနက ပြီးခဲ့သည့်အောက်တိုဘာလနှောင်းပိုင်းတွင် သတင်းထုတ်ပြန်ခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်တွင်း ဘုရားဖူးလုပ်ငန်းလုပ်ကိုင်နေသူများအနေဖြင့် ဒီဇင်ဘာလကုန် နောက်ဆုံးထားကာ အသိအမှတ်ပြု လက်မှတ်လျှောက်ထားရန် အသိပေး
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း