ရန်ကုန်မြို့၌ ရုရှားအော်သိုဒေ့ါခရစ်ယာန်ဘုရားကျောင်း တည်ဆောက်မည်
မျိုးကြီး (NSS) - အောက်တိုဘာ ၂၁
ရန်ကုန်တိုင်း၊ ဒဂုံမြို့သစ်(မြောက်ပိုင်း)မြို့နယ်၌ ရုရှားအော်သိုဒေါ့ခရစ်ယာန်ဘုရားကျောင်း တည်ဆောက်သွားမည်ဖြစ်ကြောင်း သိရသည်။
မြန်မာနိုင်ငံနှင့် ရုရှားနိုင်ငံတို့၏ ချစ်ကြည်ရင်းနှီးမှု (၇၅)နှစ်ပြည့်အထိမ်းအမှတ်အဖြစ် ရန်ကုန်တိုင်း၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၃၄)တိုးချဲ့ရပ်ကွက်၊ မြေကွက်အမှတ်(F-6/B)၊ မြေဧရိယာ ၁ ဒသမ ၂၅ ဧကတွင် ဘုရားကျောင်းကို တည်ဆောက်မည်ဖြစ်ကြောင်း ရန်ကုန်မြို့တော်စည်ပင်က သတင်းထုတ်ပြန်ထားသည်။
အဆိုပါဘုရားကျောင်း တည်ဆောက်ရေးကိစ္စနှင့်ပတ်သက်၍ ရန်ကုန်မြို့တော်ဝန်ဦးဗိုလ်ဌေးနှင့် အရှေ့တောင်အာရှဆိုင်ရာ ရုရှားအော်သိုဒေါ့ခရစ်ယာန်ဘုန်းတော်ကြီး His Eminence Metropolitan Sergiy တို့သည် ယခုရက်ပိုင်းအတွင်း ရန်ကုန်မြို့၌ တွေ့ဆုံခဲ့ကြသည်။
ထိုသို့တွေ့ဆုံစဉ် ရန်ကုန်မြို့တော်ဝန်ဦးဗိုလ်ဌေးက ရုရှားအော်သို့ဒေါ့ခရစ်ယာန်ဘုရားကျောင်း တည်ဆောက်ရန်ကိစ္စရပ်ကို အမြန်ဆုံးကူညီဆောင်ရွက်ပေးသွားမည်ဟု အသိပေးပြောကြားခဲ့သည်။
ထို့ပြင် ရေရရှိရေး၊ လျှပ်စစ်ဓာတ်အားရရှိရေးတို့ကိုလည်း သက်ဆိုင်ရာဌာနများနှင့်ပေါင်းစပ် ဆောင်ရွက်ပေးသွားမည်ဖြစ်ပြီး ဘုရားကျောင်းအဆောက်အဦးဆောက်လုပ်မှုနှင့်ပတ် သက်၍လည်း အင်ဂျင်နီယာဌာနမှ လိုအပ်သည်များကို ပူးပေါင်းကူညီ ဆောင်ရွက်ပေးမည်ဟု ဦးဗိုလ်ဌေးက ဆက်လက်ပြောသည်။
အလားတူ ရုရှားနိုင်ငံ၊ စိန့်ပီတာစဘတ်မြို့တွင်လည်း မြန်မာယဉ်ကျေးမှုစင်တာ တည် ဆောက်ရန်အတွက် မြေနေရာရရှိရေး ဆောင်ရွက်ပေးရန် နစကဘက်မှ တောင်းဆိုတင်ပြမှုများရှိနေကြောင်း သိရသည်။
ပုံစာ - ရုရှားအော်သိုဒေ့ါခရစ်ယာန်ဘုရားကျောင်း တစ်ကျောင်းအားတွေ့ရစဉ်
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာ - ရုရှား မြို့တစ်မြို့စီအကြား၌ Sister Cities အဖြစ် ဆောင်ရွက်ရန် စီစဉ်နေ
RELATED POSTS
04 Sep 2024 | ဘာသာရေး,ပြည်တွင်း
22 Jul 2024 | ဘာသာရေး,နိုင်ငံတကာ
02 Jun 2024 | ဘာသာရေး,နိုင်ငံတကာ
29 May 2024 | ဘာသာရေး,ပြည်တွင်း