(၃)လကြာသင်ကြားပေးမည့် အခြေခံသံတမန်ရေးရာ ကျွမ်းကျင်မှုသင်တန်းဖွင့်လှစ်
စော (NSS) - အောက်တိုဘာ ၁၇
(၃)လကြာ ဖွင့်လှစ်သင်ကြားပေးမည့် အခြေခံသံတမန်ရေးရာ ကျွမ်းကျင်မှုသင်တန်းကို စတင်ဖွင့်လှစ်ခဲ့ကြောင်း သိရသည်။
နိုင်ငံခြားရေးဝန်ကြီးဌာနမှ ယမန်နေ့(အောက်တိုဘာလ ၁၆)ရက်တွင် အခြေခံသံတမန်ရေးရာ ကျွမ်းကျင်မှု သင်တန်းဖွင့်ပွဲ အခမ်းအနားကို ရန်ကုန်မြို့နှင့် နေပြည်တော်ရှိ နိုင်ငံခြားရေးဝန်ကြီးဌာနတို့၌ တစ်ပြိုင်နက်တည်း ကျင်းပပြုလုပ်ခဲ့ကြောင်း သိရသည်။
အခြေခံသံတမန်ရေးရာကျွမ်းကျင်မှုသင်တန်းသည် နိုင်ငံခြားရေးရာဝန်ကြီးဌာနမှ ဖွင့်လှစ်ထားသည့် သင်တန်းဖြစ်ပြီး သင်တန်းကာလသည် (၁၂)ပတ်ကြာမြင့်မည်ဖြစ်ကြောင်း သိရသည်။
အဆိုပါသင်တန်းတွင် သံတမန်ရေးရာ ဘာသာရပ်များ၊ နိုင်ငံတကာရေးရာများ၊ နိုင်ငံတကာ ဆက်ဆံရေးဘာသာရပ်များ၊ နိုင်ငံတကာဥပဒေများ၊ စီးပွားရေးဆိုင်ရာဘာသာရပ်များ၊ စေ့စပ်ညှိနှိုင်းခြင်း နှင့် နိုင်ငံတကာအစည်းအဝေးကျင်းပခြင်း ဘာသာရပ်များ သင်ကြားသွားမည်ဖြစ်ကြောင်း သိရသည်။
၎င်းဖွင့်ပွဲ အခမ်းအနားသို့ ပြည်ထောင်စုဝန်ကြီး ဦးသန်းဆွေအပါအဝင် ဝန်ကြီးဌာနအသီးသီးမှ တာဝန်ရှိသူများ၊ တက္ကသိုလ်များမှ ပါမောက္ခဆရာကြီး / ဆရာမကြီးများနှင့် သင်တန်းသား/သင်တန်းသူ (၁၀၀)ဦးခန့် တက်ရောက်ခဲ့ကြောင်း သိရသည်။
အခြေခံသံတမန်ရေးရာ ကျွမ်းကျင်မှုသင်တန်းများကို (၂၀၀၀)ပြည့်နှစ်ကတည်း က စတင်ဖွင့်လှစ်ခဲ့ပြီး နိုင်ငံ့ဝန်ထမ်းများသာမက သံတမန်ရေးရာနှင့် နိုင်ငံတကာရေးရာများကို စိတ်ဝင်စားသော ပြင်ပပုဂ္ဂလိက နယ်ပယ်အသီးသီးမှ လေ့လာလိုသူများ တက်ရောက်သင်ကြားနိုင်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖုန်းဆင်းကတ်များ အောက်တိုဘာလ မကုန်မီ ပြန်လည်ပြင်ဆင်မှတ်ပုံတင်ခြင်း မရှိပါက အပြီးပိတ်သိမ်းမည်
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ