ကလေးနဲ့အမျိုးသမီးတွေအပါအဝင် အရပ်သားရာချီဟာ PDF များ၊ အခြားလက် နက်ကိုင်အဖွဲ့များရဲ့သတ်ဖြတ်မှုကိုခံခဲ့ရဟု ကုလသမဂ္ဂအထူးကိုယ်စားလှယ်ဆို
ဂျန်ဇက် (NSS) - အောက်တိုဘာ ၁၇
မြန်မာနိုင်ငံမှာ အာဏာရယူမှုဖြစ်ပွားခဲ့ပြီးနောက်ပိုင်း အရပ်သားရာချီဟာ PDF အဖွဲ့များ၊ အခြားလက်နက်ကိုင်အဖွဲ့များရဲ့သတ်ဖြတ်မှုခံခဲ့ရပြီး အဲဒီလိုမျိုးသတ်ဖြတ်ခံရသူတွေထဲမှာ ရဟန်းသံဃာတွေ၊ အမျိုးသမီးတွေ နဲ့ ကလေးငယ်တွေလည်း ပါဝင်ခဲ့ကြောင်း ကုလသမဂ္ဂရဲ့ မြန်မာနိုင်ငံဆိုင်ရာလူ့အခွင့်ရေးအထူးကိုယ်စားလှယ် သောမတ်အန်ဒရူး(Thomas H. Andrews )ကဆိုပါတယ်။
သောမတ်အန်ဒရူးဟာ မကြာသေးမီကကျင်းပခဲ့တဲ့ ၇၈ ကြိမ်မြောက် ကုလသမဂ္ဂလူ့အခွင့်အရေးကောင်စီမှာတင်သွင်းခဲ့တဲ့ အစီရင်ခံစာထဲမှာ အထက်ပါကဲ့သို့ ဖော်ပြထားကြောင်းသိရပါတယ်။ သောမတ်အန်ဒရူးဟာ ပြီးခဲ့တဲ့ရက်ပိုင်းကကျင်းပခဲ့တဲ့ လူ့အခွင့်ရေးကောင်စီအစည်းအဝေးအတွင်း စာမျက်နှာပေါင်း ၁၉ မျက်နှာပါတဲ့အစီရင်ခံစာကိုတင်သွင်းခဲ့ပြီး အဲဒီအစီရင်ခံစာရဲ့အပိုဒ် ၂၅၊ ၂၆ နဲ့ ၂၇ တို့မှာ PDF လက်နက်ကိုင်အဖွဲ့များနဲ့ NUG အဖွဲ့ရဲ့အခြေအနေများကိုထည့်သွင်းရေးသားဖော်ပြထားခြင်းဖြစ်ကြောင်း သိရပါတယ်။
သောမတ်အန်ဒရူးတင်သွင်းတဲ့အစီအရင်ခံစာထဲမှာ "အဲဒီအသတ်ခံရတဲ့အရပ် သားတွေထဲကအချို့ဟာ လက်နှစ်ဖက်ကို နောက်ပြန် ကြိုးတုတ်ပြီးဦးခေါင်းကိုပစ်သတ်ခံရတာ၊ ခေါင်းဖြတ်အသတ်ခံရတာတွေလည်းရှိခဲ့တယ်"လို့ ဖော်ပြထားပါတယ်။
နစကအဖွဲ့ကတော့ အတိုက်ခံလက်နက်ကိုင်အဖွဲ့တွေဟာ အရပ်သားပေါင်း ၆၀၀၀ ကျော်ကို သတ်ခဲ့တယ်လို့ ပြောဆိုထားပေမယ့် ခိုင်မာတဲ့သက်သေပြနိုင်တာမျိုးမရှိဘူးလို့ အဲဒီအစီရင်ခံစာမှာဖော်ပြထားပါတယ်။ မြန်မာနိုင်ငံရှိ လက် နက်ကိုင်အဖွဲ့စည်းတွေဟာ NUG ရဲ့စည်းကမ်းတွေကို လိုက်နာဆောင်ရွက်ခြင်းမရှိကြကြောင်း၊ ဒါ့ပြင် NUG အဖွဲ့ကိုယ်တိုင်ကလည်း ၎င်းတို့ကွပ်ကဲမှုအောက်ရှိလက်နက်ကိုင်အဖွဲ့တွေအပေါ် သြဇာလွမ်းမိုးမှုမရှိသလို ထိန်းသိမ်းနိုင်စွမ်းမရှိကြောင်း အထူးကိုယ်စားလှယ် အန်ဒရူးရဲ့အစီအရင်ခံစာထဲမှာထပ်မံဖော်ပြထားပါတယ်။
NUG အဖွဲ့ကိုယ်တိုင်လည်း အရပ်သားတွေအပေါ် PDF လက်နက်ကိုင်အဖွဲ့များက လူ့အခွင့်အရေးချိုးဖောက်မှုများ နဲ့ အရေကြီးတဲ့ တိုင်ကြားအစီရင်ခံမှုတွေကို တုံ့ပြန်ဖြေရှင်းဖို့ ပျက်ကွက်နေသလို PDF အဖွဲ့တွေရဲ့အကျင့်ပျက်လာဘ်စားမှုတွေ၊ ဖြေရှင်းပေးဖို့ တိုက်တွန်းတောင်းဆိုချက်တွေကို မသိကျိုးကျွံပြုခဲ့တယ်လို့ အဆိုပါအစီရင်ခံစာထဲမှာ ထည့်သွင်းဖော်ပြထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၃)လကြာသင်ကြားပေးမည့် အခြေခံသံတမန်ရေးရာ ကျွမ်းကျင်မှုသင်တန်းဖွင့်လှစ်
RELATED POSTS
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ