Pika (NSS) - အောက်တိုဘာ ၁၅ 

ကမ္ဘာကျော်တိုက်စစ်မှူး စီရော်နယ်ဒိုသည် ၂ဝ၂၃ ခုနှစ် ကမ္ဘာ့အချမ်းသာဆုံး ဘောလုံးသမားစာရင်းတွင် ထိပ်ဆုံးတွင် ရပ်တည်နေကြောင်း သိရသည်။

စီရော်နယ်ဒို၏ နောက်တွင် မက်ဆီ၊ နေမာ နှင့် အမ်ဘာပေတို့က အသီးသီး ဆက်လက်ရပ်တည်နေကြောင်း သိရသည်။ စီရော်နယ်ဒိုသည် ၂ဝ၂၃ ခုနှစ်တွင် အမေရိကန်ဒေါ်လာသန်း(၂၆ဝ) ရရှိခဲ့ပြီး မက်ဆီ၊ နေမာ နှင့် အမ်ဘာပေတို့ထက် ပိုများကာ ၂ဝ၂၃ ခုနှစ် ကမ္ဘာ့အချမ်းသာဆုံးဘောလုံးသမားအဖြစ် Forbes မဂ္ဂဇင်း က ဖော်ပြခဲ့သည်။

စီရော်နယ်ဒိုသည် အယ်လ်နာဆာအသင်းမှ လုပ်ခလစာ အမေရိကန်ဒေါ်လာသန်း(၂ဝဝ)နီးပါးရရှိခဲ့ပြီး  Nike နှင့် Jacon & Co ကဲ့သို့သော နာမည်ကြီး ကုမ္ပဏီများထံမှ တစ်နှစ်လျှင် အမေရိကန်ဒေါ်လာသန်း (၆ဝ)နီးပါး ရရှိနေ ကြောင်း သိရသည်။

မက်ဆီ၏ အသင်းဟောင်းပီအက်စ်ဂျီနှင့် လက်ရှိအသင်း အင်တာမိုင်ယာမီအသင်းတို့ထံမှ ပေါင်းစပ်ဝင်ငွေ အမေရိကန်ဒေါ်လာ(၁၃၅)သန်း ရရှိကြောင်း သိရသည်။ နေမာသည် နှစ်စဉ်ဝင်ငွေ အမေရိကန် ဒေါ်လာ(၁၁၂)သန်းရှိပြီး အမ်ဘာပေသည် နှစ်စဉ်ဝင်ငွေ အမေရိကန်ဒေါ်လာ သန်း(၁၁ဝ)ရရှိကြောင်း သိရသည်။ 

ပရီးမီးယားလိဂ်တွင် ဝင်ငွေအများဆုံးကစားသမားမှာ မန်စီးတီးအသင်းတိုက်စစ်မှူး ဟာလန်းဖြစ်ပြီး တစ်နှစ် ဝင်ငွေမှာ အမေရိကန်ဒေါ်လာ(၅၈)သန်းရှိကြောင်း သိရသည်။ ကမ္ဘာ့အချမ်းသာဆုံးဘောလုံးသမားများမှာ စီရော်နယ်ဒို၊ မက်ဆီ၊ နေမာ၊ အမ်ဘာပေ၊ ဘန်ဇီမာ၊ ဟာလန်း၊ ဆာလက်၊ မာနေး၊ ဒီဘရိုင်း၊ ဟယ်ရီကိန်း နှင့် လီဝန်ဒေါ့စကီး တို့ဖြစ်ကြောင်း သိရသည်။