ထိုင်းသံအမတ်ကြီးဟောင်းကို သတ်ခဲ့သည်ဟု ယူဆရသော မြန်မာနိုင်ငံသားကို ထိုင်းရဲတပ်ဖွဲ့ ဖမ်းဝရမ်းထုတ်
Pika (NSS) - အောက်တိုဘာ ၁ဝ
ဒိန်းမတ်နိုင်ငံဆိုင်ရာ ထိုင်းသံအမတ်ကြီးဟောင်း Wichit Chitwiman အသတ်ခံရမှုနှင့်ဆက်စပ်ပြီး အသက်(၁၉)နှစ် အရွယ်ရှိ မြန်မာနိုင်ငံသားကို ဖမ်းဝရမ်းထုတ်လိုက်ကြောင်း ထိုင်းရဲတပ်ဖွဲ့က ပြောကြားခဲ့သည်။
အသက်(၆၃)နှစ်အရွယ်ရှိ Wichit Chitwiman သည် ပြီးခဲ့သည့်သီတင်းပတ်က Chatuchak ရပ်ကွက်ရှိ ၎င်း၏ နေအိမ်တွင် ဓါးဖြင့် ထိုးသတ်ခံခဲ့ရခြင်းဖြစ်ကြောင်း ထိုင်းရဲတပ်ဖွဲ့က ပြောကြားခဲ့သည်။ Wichit Chitwiman ကို ဓါးဖြင့် ထိုးသတ်သွားသည့် တရားခံမှာ စိုင်းမြတ်မိုးအမည်ရှိ မြန်မာနိုင်ငံသားဖြစ်ကြောင်း ရဲမှူးချုပ် Noppasilp Poonsawat က ပြောခဲ့သည်။
စိုင်းမြတ်မိုးသည် ယခင်က Wichit Chitwiman ၏ အလုပ်သမားအဖြစ် လုပ်ကိုင်ဖူးပြီး လက်ရှိအချိန်တွင် မြန်မာနိုင်ငံဖက်သို့ ထွက်ပြေးသွားခဲ့ပုံပေါ်ကြောင်း Noppasilp Poonsawat က ပြောခဲ့သည်။
စိုင်းမြတ်မိုးကို ဖမ်းဆီးနိုင်ရန်အတွက် ထိုင်းရဲတပ်ဖွဲ့သည် အင်တာပိုလ်သတိပေးချက်ကို ထုတ်ပြန်နိုင်ရန် ကြိုးပမ်း နေကြောင်း သိရသည်။ Wichit Chitwiman ကို Vibhavadi Rangsit 20 လမ်းရှိ နေအိမ်တစ်ခုတွင် ရင်ဖက်မှာ ဓါးဒဏ်ရာသုံးချက်ဖြင့် သေဆုံးလျက်တွေ့ရှိခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။ ထို့အပြင် အခင်းဖြစ်ပွားသည့်နေအိမ်တွင်ရှိသော မီးဖိုချောင်မှ ဓါးဟု ယူဆရသော သွေးစွန်းနေသည့် ဓါးနှစ်ချောင်းကိုလည်း တွေ့ရှိခဲ့ကြောင်း ရဲတပ်ဖွဲ့က ပြောကြားခဲ့သည်။
Wichit Chitwiman သည် စက်တင်ဘာလ(၉)ရက်တွင် အဆိုပါနေအိမ်သို့ ပြောင်းရွှေ့ကာနေထိုင်ခဲ့ခြင်းဖြစ် ကြောင်း ၎င်း၏ မိသားစုဝင်များက ပြောကြားခဲ့သည်။ စိုင်းမြတ်မိုးသည် စက်တင်ဘာလ(၁၉)ရက်တွင် Wichit Chitwiman ထံမှာ စတင်အလုပ်လုပ်ခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။ ထို့အပြင် ကိုယ်ရေးကိုယ်တာပစ္စည်းများ ဖုန်းများနှင့် tablet တို့အပါအဝင် အိမ်တွင်းရှိ ပစ္စည်းအချို့လည်း ပျောက်ဆုံးနေ ကြောင်း ရဲတပ်ဖွဲ့က ပြောသည်။
လူသတ်မှုများ လုပ်ဆောင်ပြီးနောက် စိုင်းမြတ်မိုးသည် ဈေးဝယ်စင်တာတစ်ခုရှိ ATM စက်မှ ပိုက်ဆံတစ်သန်း အောက်ပမာဏကို ထုတ်ယူသွားခဲ့ကြောင်း စုံစမ်းစစ်ဆေးသူများက ရှာဖွေတွေ့ရှိခဲ့သည်။ စိုင်းမြတ်မိုးသည် ငွေထုတ်ယူပြီးကတည်းက လက်ရှိအချိန်ထိ ပျောက်ဆုံးနေကြောင်း Bangkok Post သတင်းဌာနက ဖော်ပြခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အာဖဂန်နစ္စတန်နိုင်ငံတွင် အင်အားပြင်းငလျင်လှုပ်ခတ်ခဲ့ပြီးနောက် သေဆုံးသူဦးရေမှာ(၂၅ဝဝ)နီးပါးထိ မြင့်တက်လာ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ
16 Sep 2024 | မှုခင်း,ပြည်တွင်း