တရားမဝင်ကုန်သွယ်မှုတွင် ထူးခြားဖြစ်စဉ်အနေဖြင့် ကျပ်(၃)ဘီလျံကျော်တန်ဖိုးရှိ အထောက်အထားမဲ့ပြောင်းဆန်များကို ပြည်သူ့ဘဏ္ဍာအဖြစ် သိမ်းဆည်းနိုင်ခဲ့ဟုဆို
Pearl (NSS) - အောက်တိုဘာ ၁၀
ပြီးခဲ့သည့် ဇူလိုင် နှင့် ဩဂုတ်လအတွင်း တရားမဝင်ပြောင်းဆန်သယ်ယူမှုအား ဖော်ထုတ်အရေးယူနိုင်ခဲ့ပြီး ငွေကျပ် (၃)ဘီလျံကျော် ပြည်သူ့ဘဏ္ဍာအဖြစ်သိမ်းဆည်းရရှိခဲ့ကြောင်း ဒုတိယဗိုလ်ချုပ်မှူးကြီးစိုးဝင်းက ပြောသည်။
၎င်းက ယမန်နေ့ (အောက်တိုဘာလ ၉ ရက်)တွင် နေပြည်တော်ရှိ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနတွင်ကျင်းပသော တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီအစည်းအဝေး၌ အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
အဆိုပါအစည်းအဝေး၌ ဒုတိယဗိုလ်ချုပ်မှူးကြီးစိုးဝင်းက ထူးခြားဖြစ်စဉ်များအနေဖြင့် ပြီးခဲ့သည့် ဇူလိုင်နှင့် ဩဂုတ်လအတွင်း ပဲခူးတိုင်း နှင့် မွန်ပြည်နယ်တို့တွင် ရေယာဉ်၊ မီးရထား၊ မော်တော်ယာဉ်များဖြင့် တရားမဝင်ပြောင်းဆန်သယ်ယူမှုအား ဖော်ထုတ်အရေးယူနိုင်ခဲ့ပြီး ရန်ကုန်တိုင်းကိုဖြတ်ကျော်၍ တရားမဝင်ပြောင်းဆန်များ တင်ပို့ရန်ကြိုးပမ်းမှုကိုလည်း တားဆီးနိုင်ခဲ့ကြောင်း ပြောကြားခဲ့သည်။
ထို့ပြင် သီလဝါအထူးစီးပွားရေးဇုန်တွင် ကွန်တိန်နာ(၁၁)လုံး တရားမဝင်ထုတ်ယူမှုနှင့် ပတ် သက်၍ ဖော်ထုတ်နိုင်ခဲ့ကြောင်း ၎င်းက ဆက်လက်ပြောသည်။
ထူးခြားဖြစ်စဉ်များအနေဖြင့် ဩဂုတ်လ (၂) ရက်တွင် မော်လမြိုင်ဘူတာသို့ ဆိုက်ရောက်ကုန်တင်တွဲ(၅)တွဲ၌ တင်ပို့လိုင်စင် နှင့် QR Code မပါ အထောက်အထားမဲ့ပြောင်းစေ့အိတ် (၁၆၅၉) အိတ် နှင့်ဆက်စပ်အမှုအရ ပဲခူး၊ မောင်လမြိုင်လမ်းကြောင်းတစ်လျှောက် ကုန်တွဲ (၅၁)တွဲ၊ ပဲခူးဘူတာမှ မသင်္ကာဖွယ်(၃၇)တွဲကို ဖော်ထုတ်နိုင်ခဲ့ကြောင်း နစကမှပြောသည်။
အလားတူ မရမ်းချောင်စစ်ဆေးရေးဂိတ်၌လည်း အထောက်အထားမဲ့ မော်တော်ယာဉ်(၈)စီးကို ပြောင်းဆန်အိတ်များနှင့်အတူ ဖမ်းဆီးရမိခဲ့သည့်အပြင် ရန်ကုန်မှမော်လမြိုင်ဘက်သို့ ထွက်ခွာလာသည့် သင်္ဘောပေါ်တွင်လည်း အထောက်အထားမဲ့ ပြောင်းစေ့အိတ်များ ထပ်မံတွေ့ရှိဖော်ထုတ်နိုင်ခဲ့ကြောင်း ဒုတပ်ချုပ်က ပြောသည်။
ထို့ကြောင့် ရထားတွဲ(၈၈)တွဲ၊ ရေယာဉ်တစ်စီး၊ မော်တော်ယာဉ်(၈)စီးပေါ်တွင် တရားမဝင်အထောက်အထားမဲ့ ပြောင်းစေ့အိတ်(၉၁၃၅၉)အိတ် ၊ တန်ချိန်(၄၅၆၇ ဒသမ ၉၅) တန် (ကာလတန်ဖိုးငွေကျပ် ၃ ဒသမ ၀၅၇ ဘီလျံ)ကို တရားမဝင်ပို့ကုန်အဖြစ် ဖမ်းဆီးရမိခဲ့ကြောင်း ဒုတိယဗိုလ်ချုပ်မှူးကြီးစိုးဝင်းက ပြောသည်။
ထိုသို့ဖမ်းဆီးရရှိသည့်အထောက်အထားမဲ့ ပြောင်းစေ့အိတ်များကို လေလွင့်ပျက်စီးဆုံးရှုံးမှုမရှိစေဘဲ လေလံတင်ပြန်လည်ရောင်းချခဲ့ရာ ငွေကျပ် ၃ ဒသမ ၀၅၇ ဘီလျံကျော် ပြည်သူ့ဘဏ္ဍာအဖြစ်ရရှိခဲ့ကြောင်း ဒုတိယဗိုလ်ချုပ်မှူးကြီးစိုးဝင်းက ထုတ်ဖော်အသိပေးထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
KIA ဌာနချုပ် လိုင်ဇာမြို့အနီး၌ ပေါက်ကွဲမှုဖြစ်စဉ်တစ်ခု ဖြစ်ပွားခဲ့ရာ ကလေးငယ်များ အပါအဝင် လူ(၃၀)ထက်မနည်း သေဆုံးခဲ့
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း