ယူကရိန်းတပ်ဖွဲ့ဝင်များက ရုရှားရွာတစ်ရွာကို နိုင်ငံပေါင်း(၁ဝဝ)ကျော်တွင် တားမြစ်ထားသော cluster munitions များဖြင့် ပစ်ခတ်တိုက်ခိုက်ခဲ့ဟုဆို
Pika (NSS) - အောက်တိုဘာ ၃
ယူကရိန်းတပ်ဖွဲ့ဝင်များသည် အောက်တိုဘာလ(၃)ရက်က နယ်စပ်တွင်ရှိသော ရုရှားရွာတစ်ရွာကို နိုင်ငံပေါင်း (၁ဝဝ) ကျော်တွင် အသုံးပြုခွင့်တားမြစ်ထားသော cluster munitions များဖြင့် ပစ်ခတ်တိုက်ခိုက်ခဲ့ကြောင်း ရုရှား ၏ Bryansk ဒေသ အုပ်ချုပ်ရေးမှူး Alexander Bogomaz က ပြောကြားခဲ့သည်။
ယူကရိန်းဖက်က cluster munitions များဖြင့် ပစ်ခတ်တိုက်ခိုက်မှုကြောင့် ရွာအတွင်းရှိ နေအိမ်အများအပြား ထိခိုက်ပျက်စီးခဲ့ကြောင်း ၎င်းက ထပ်မံပြောသည်။ Klimovo ရွာကို ယူကရိန်းက cluster munitions များဖြင့် ပစ်ခတ်တိုက်ခိုက်မှုအတွင်း လူသေဆုံးမှုမရှိကြောင်း အုပ်ချုပ်ရေးမှူး Alexander Bogomaz က ပြောကြားခဲ့သည်။
အဆိုပါပြောဆိုချက်များနှင့်ပတ်သက်ပြီး မှတ်ချက်ပေးရန်တောင်းဆိုမှုများကို ယူကရိန်းဖက်က ပြန်လည်တုံ့ပြန် ဖြေကြားခြင်းမျိုး မရှိသေးကြောင်း သိရသည်။ ယူကရိန်းသည် cluster munitions များကို အမေရိကန်နိုင်ငံထံမှ လက်ခံရရရှိခဲ့ခြင်းဖြစ်ပြီး ရုရှားစစ်သားများကို ယူကရိန်း၏ ပိုင်နက်နယ်မြေတွင်းမှ တိုက်ထုတ်ရန်အတွက်သာ အသုံးပြုသွားမည်ဟု ကတိပြုခဲ့ကြောင်း သိရသည်။
Cluster munitions များကို နိုင်ငံပေါင်း(၁ဝဝ)ကျော်တွင် အသုံးပြုခွင့် တားမြစ်ပိတ်ပင်ထားကြောင်းလည်း သိရသည်။ Cluster munitions များသည် ပေါက်ကွဲချိန်တွင် သေးငယ်သောဗုံးသီး အများအပြားကို ထုတ်လွှတ်ပြီး ထိခိုက်ပျက်စီးမှုအများအပြားရှိအောင် လုပ်ဆောင်နိုင်ကြောင်း သိရသည်။
ထို့အပြင် မပေါက်ကွဲဘဲကျန်ရှိနေသော Cluster munitions များသည် ဆယ်စုနှစ်များစွာကြာအောင် အရပ်သားများ အတွက် အန္တရာယ်ဖြစ်စေနိုင်ကြောင်းလည်း သိရသည်။ Cluster munitions များသည် အရပ်သားများကို ထိခိုက် စေနိုင်သောကြောင့် ယူကရိန်းသို့ cluster munitions များ ထောက်ပံ့ပေးမည့် ဆုံးဖြတ်ချက်ကို ပြန်လည်စဉ်းစားရန် အမေရိကန်နိုင်ငံကို ကုလသမဂ္ဂအထူးကိုယ်စားလှယ်တစ်ဦးက ပြီးခဲ့သည့်လများတွင် တိုက်တွန်းတောင်းဆိုခဲ့ဖူး ကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖားကန့်မြို့၌ အသက်(၃၀)အရွယ်အချဉ်ပေါင်းသည် အမျိုးသား(၁)ဦး သေနတ်ဖြင့်ပစ်သတ်ခံရ
RELATED POSTS
23 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ