ဖားကန့်မြို့၌ အသက်(၃၀)အရွယ်အချဉ်ပေါင်းသည် အမျိုးသား(၁)ဦး သေနတ်ဖြင့်ပစ်သတ်ခံရ
NSS - အောက်တိုဘာ ၃
ကချင်ပြည်နယ်၊ ဖားကန့်မြို့နယ်တွင် အသက်(၃၀)အရွယ် အချဉ်ပေါင်းသည် အမျိုးသား (၁)ဦး သေနတ်ဖြင့်ပစ်သတ်ခံရ၍ သေဆုံးသွားကြောင်း သိရသည်။
ဖြစ်စဉ်မှာ ယနေ့(အောက်တိုဘာလ ၃ရက်)၊ မွန်းလွဲ ၂နာရီခွဲဝန်းကျင်အချိန်၌ ဖားကန့်မြို့ နယ်၊ ကုဋေမှော်ရွာ၊ မြေဇာပုံသွားလမ်း၊ ရွာအဝင်လမ်းဆုံတွင်အထက်ပါကဲ့သို့ဖြစ်ပွားခဲ့ခြင်းဖြစ်ကြောင်း ဒေသခံလူမှုကူညီရေးအသင်းထံမှ သိရသည်။
"ဘာကြောင့်အပစ်ခံရလဲတော့ လောလောဆယ်မသိရသေးဘူး။ ကျွန်တော်တို့ကအလောင်းကောက်ရုံပဲဆိုတော့ ကျန်တဲ့အပိုင်းကတော့ ဘာမှမသိရပါဘူး"ဟု ဒေသခံလူမှုကူညီရေးအသင်းမှ တာဝန်ရှိသူတစ်ဦးက NSS ကိုပြောသည်။
သေဆုံးသူအမျိုးသားသည် ကိုသန်းမင်းထိုက်(၃၀)နှစ်ဖြစ်ပြီး ဖားကန့်မြို့နယ်၊ ငြိမ်းချမ်းသာယာရွာတွင် နေထိုင်သူဖြစ်ကြောင်း ၎င်းကပြောသည်။
အဆိုပါအမျိုးသား အသတ်ခံရသည့် အကြောင်းအရင်းကို လက်တလောတွင်မသိရှိရသေးသော်လည်း ၎င်း၏ရုပ်အလောင်းကို လုံးခင်းသုဿန်သို့ ပို့ဆောင်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖူလ်ဟမ်အသင်းကို အနိုင်ရရှိခဲ့မှုက အသင်းကစားသမားများနှင့်ထိုက်တန်ကြောင်း ချဲလ်ဆီးနည်းပြ ပြော
RELATED POSTS
26 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ