Pika (NSS) - အောက်တိုဘာ ၃ 

စက်တင်ဘာလ(၂)ရက်က ဖူလ်ဟမ်အသင်းကို (၂)ဂိုး-ဂိုးမရှိဖြင့် အနိုင်ရရှိခဲ့သော ပရီးမီးယားလိဂ်ပြိုင်ပွဲတွင် ချဲလ်ဆီးအသင်းကစားသမားများသည် ၎င်းတို့နှင့်ထိုက်တန်သော နိုင်ပွဲကို ရရှိခဲ့ခြင်းဖြစ်ကြောင်း ချဲလ်ဆီးနည်းပြ ပိုချက်တီနိုက ပြောခဲ့သည်။

ဖူလ်ဟမ်အသင်းနှင့်ကစားခဲ့သောပွဲတွင် ချဲလ်ဆီးတောင်ပံကစားသမား Mykhailo Mudryk သည် ပွဲချိန် (၁၈) မိနစ်တွင် အသင်းအတွက် အဖွင့်ဂိုးကို သွင်းယူပေးနိုင်ခဲ့ပြီး တိုက်စစ်မှူး  Armando Broja သည် ပွဲချိန်(၁၉)မိနစ် တွင် တစ်ဂိုး ထပ်မံသွင်းယူပေးနိုင်ခဲ့ပြီးနောက် (၂)ဂိုး-ဂိုးမရှိဖြင့် အနိုင်ရရှိခဲ့ခြင်းဖြစ်သည်။ 

ပိုချက်တီနိုက "ပထမပိုင်းမှာ ကျွန်တော်တို့ ဖူလ်ဟမ်အသင်းထက် ပိုကောင်းအောင် ကစားနိုင်ခဲ့ပါတယ်။ ဒုတိယ ပိုင်းမှာလည်း ဖူလ်ဟမ်အသင်းကို ကျွန်တော်တို့ အကောင်းဆုံးဖိအားပေးကစားနိုင်ခဲ့ပါတယ်။ ကစားသမားတွေနဲ့ ပရိသတ်တွေလိုအပ်နေတဲ့နိုင်ပွဲကို ရရှိခဲ့တဲ့အတွက် ကျွန်တော်ပျော်ရွှင်မိပါတယ်။ ကျွန်တော်တို့အသင်းက တစ်ပတ် အတွင်းမှာ နိုင်ပွဲ(၂)ပွဲ ရရှိခဲ့ပါတယ်။ ကျွန်တော်တို့ နှစ်ပွဲအနိုင်ရရှိထားပြီးပြီဖြစ်ပြီး ဒီလိုယုံကြည်မှုနဲ့ စွမ်းဆောင်ရည် ပိုင်းတွေကို ဆက်လက်ထိန်းသိမ်းထားဖို့ လိုအပ်ပါတယ်။ ကစားသမားတွေနဲ့ အံဝင်ခွင်ကျမဖြစ်သေးတဲ့ အခြေအနေ တွေ အများကြီးရှိနေပေမယ့်လည်း အရေးအကြီးဆုံးကတော့ ယုံကြည်မှုပါပဲ။ ကျွန်တော်တို့ရဲ့ လုပ်နိုင်စွမ်းတွေ အပေါ် ယုံကြည်ချက်ထားဖို့ လိုအပ်ပါတယ်" ဟု ပြောခဲ့သည်။

ချဲလ်ဆီးအသင်းသည် ပရီးမီးယားလိဂ်ပြိုင်ပွဲ(၇)ပွဲကစားထားပြီး (၂)ပွဲနိုင်၊ (၂)ပွဲသရေ၊ (၃)ပွဲ ရှုံးထားကာ ရမှတ်(၈) မှတ်ဖြင့် အမှတ်ပေးဇယားတွင် နံပါတ်(၁၁)နေရာမှာ ရပ်တည်နေကြောင်း သိရသည်။