တိုက်ခိုက်ရေးကစားသမားအဖြစ်ကနေ အနားယူသွားတဲ့ ONE Championship ချန်ပီယံ အိန်ဂျယ်လာလီ
ဂျန်ဇက် (NSS) - စက်တင်ဘာ ၃ဝ
နာမည်ကျော်အမျိုးသမီးတိုက်ခိုက်ရေးသမားတစ်ဦးဖြစ်တဲ့ အိန်ဂျယ်လာလီဟာ စက်တင် ဘာလ ၃၀ ရက်မှာ (MMA) တိုက်ခိုက်ရေး ကစားသမားအဖြစ်ကနေ အနားယူလိုက်ကြောင်းသတင်းထုတ်ပြန်လိုက်ပါတယ်။
အသက် ၂၇ နှစ်အရွယ်ရှိ အိဂျယ်လာလီဟာ ၂၀၂၂ ခုနှစ်အောက်တိုဘာလနောက်ပိုင်းကတည်းက တိုက်ခိုက်ရေးပွဲစဉ်တွေကို ယှဉ်ပြိုင်ခြင်းမရှိကြောင်းသိရပါတယ်။ အိန်ဂျယ်လာလီဟာ နာမည်ကျော် One Championship တိုက်ခိုက်ရေးပြိုင်ပွဲမှာ ချန်ပီယံခါးပတ်တွေကို ရယူနိုင်ခဲ့သူဖြစ်ပြီး လက်ရှိအချိန်မှာ အက်တမ်ဝိတ်တန်းလက်ရှိချန်ပီယံဖြစ်ပါတယ်။
အိန်ဂျယ်လာလီက "ကျွန်မဟာ စက်တင်ဘာ ၃၀ ရက်နေ့မှာတော့ တိုက်ခိုက်ရေးကစားသမားဘဝကအနားယူလိုက်ပါတယ်။ ကျွန်မဟာ တိုက်ခိုက်ရေး ကစားသမားအဖြစ် ၈ နှစ်ကျော်ကြာ ယှဉ်ပြိုင်ချိန်အတွင်းအံအားသင့်ဖွယ်ကောင်းတဲ့အရာတွေကို လုပ်နိုင်ခဲ့တယ်။ ကျွန်မကို ချန်ပီယံခါးပတ်တွေ ရရှိအောင်ကူညီပေးခဲ့တဲ့ ပရိသတ်တွေ၊ ONE Championship ဥက္ကဋ္ဌ၊ ကျွန်မရဲ့လေ့ကျင့်ရေးအဖွဲ့တွေနဲ့အားလုံးကို ကျေးဇူးတင်ပါတယ်" လို့ ပြောပါတယ်။
၎င်းဟာ ONE Championship စတော့ဝိတ်တန်း နဲ့ အက်တမ်ဝိတ်တန်းတို့မှာပါဝင်ယှဉ်ပြိုင်ခဲ့ပြီး အဆိုပါ ဝိတ်တန်းနှစ်ခုစလုံးမှာ ချန်ပီယံဆုရယူနိုင်ခဲ့ပေမယ့် ၂၀၂၂ ခုနှစ်အောက်တိုဘာ လက ကျင်းပခဲ့တဲ့ ပွဲစဉ်မှာ ပြိုင်ဘက် Xiong Jing Nan ကို ရှုံးနိမ့်ကာ စတော့ဝိတ်တန်းချန်ပီယံခါးပတ် စွန့်လွှတ်ခဲ့ရသူဖြစ်ပါတယ်။ အိန်ဂျယ်လာလီဟာ ကစားသမားဘဝကအနားယူလိုက်ပြီဖြစ်တဲ့အတွက် ONE Championship ဟာ အက်တမ်းဝိတ်တန်းချန်ပီယံလုပွဲကို ထပ်မံကျင်းပခဲ့ရာ ထိုင်းနိုင်ငံရဲ့အမျိုးသမီးတိုက်ခိုက်ရေးသမား Stamp Fairtex က တောင်ကိုရီးယားနိုင်ငံရဲ့အမျိုးသမီးတိုက်ခိုက်ရေးသမား ဟန်ဆိုဟီကို သုံးချီနဲ့အလဲထိုးအနိုင်ယူကာ ONE Championship အက်တမ်ဝိတ်တန်းချန်ပီယံအသစ်ဖြစ်လာခဲ့ကြောင်းသိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်နိုင်ငံက ရိုက်ကူးထားသော “No More Bets”အမည်ရှိ ရုပ်ရှင်ဇာတ်ကားသည်မြန်မာနိုင်ငံ၏ဂုဏ်သိက္ခာကို ညှိုးနွမ်းစေဟု နစကဝေဖန်
RELATED POSTS
01 Aug 2024 | အားကစား,နိုင်ငံတကာ
30 Jul 2024 | အားကစား,နိုင်ငံတကာ
07 Jul 2024 | အားကစား,နိုင်ငံတကာ