ဂျန်ဇက် (NSS) - စက်တင်ဘာ ၂၈

အွန်လိုင်းကတဆင့် လိမ်လည်မှုကျူးလွန်နေသူများကို ဖြိုခွင်းနိုင်ဖို့ ရည်ရွယ်ပြီး တရုတ်နိုင်ငံ ယူနန်ပြည်နယ် Tengchong မြို့အာဏာပိုင်တွေဟာ လာမယ့်အောက်တိုဘာ ၁ ရက်ကနေ ဒီဇင်ဘာ ၃၁ ရက်အထိ တရုတ်-မြန်မာနယ်စပ်ဒေသမှာယာယီ ထိန်းချုပ်ရေးဇုန်  တစ်ခုတည်ထောင်သွားဖို့ စီစဉ်နေတယ်လို့ တရုတ်သတင်းဌာနက ဆိုပါတယ်။ 

Tengchong မြို့ဟာ ယူနန်ပြည်နယ် အနောက်ပိုင်းတွင် တည်ရှိသလို မြန်မာနိုင်ငံ မြောက်ပိုင်း၊ အနောက်မြောက် ပိုင်းနှင့်နယ်စပ်ချင်းထိစပ်နေသောမြို့ဖြစ်ကာ အရှေ့တောင်အာရှနဲ့ တောင်အာရှဒေသသို့ သွားရောက်ဖို့  တရုတ်နိုင်ငံရဲ့အဓိကမြို့ဖြစ်ပါတယ်။

လူနဲ့ မော်တော်ယဉ်များ ဝင်ရောက်သွားလာမှုတွေကို စီမံခန့်ခွဲမှု ပိုမိုကောင်းမွန်စေဖို့ နယ်စပ်ထိန်းချုပ်ရေးဇုန် တည်ထောင်ဖို့ စီစဉ်နေပြီး၊ မြန်မာနိုင်ငံမြောက်ပိုင်းရှိ အွန်လိုင်းမှတဆင့်လိမ်နေတဲ့ဂိုဏ်းတွေ ပါဝင်ဆောင်ရွက်မှု များနဲ့ တရားမဝင်နယ်စပ်ဖြတ်ကျော်တာတွေကို လျော့ချနိုင်မှာဖြစ်တယ်လို့ ဆိုပါတယ်။ 

နယ်စပ်ဒေသထိန်းချုပ်ရေးဇုန်အတွင်းကို ဝင်ရောက်လိုသူများ နဲ့ ကားများဟာ သက်ဆိုင်ရာ စာရွက်စာတမ်းတွေနဲ့ တကွ သွားရောက်မယ့်အကြောင်းအရာတွေကို ဒေသဆိုင်ရာ အာဏာပိုင်တွေထံ တင်ပြရမှာဖြစ်တယ်လို့ ဆိုပါ တယ်။ ဒေသခံတွေကို ဖြတ်သန်းခွင့်အတွက် သက်ဆိုင်ရာစာရွက်စာတမ်းလက်မှတ်တွေ ထုတ်ပေးမှာဖြစ်တဲ့ အတွက် နီးစပ်ရာ နယ်စပ်ထိန်းချုပ်ကန့်သတ်ရေးဇုန်တွေထံ လာရောက်ပြီး တစ်လတစ်ကြိမ် လိုအပ်ကြောင်း  တရုတ်အာဏာပိုင်တွေက ဆိုပါတယ်။

တရုတ်နိုင်ငံသားတွေကို ပစ်မှတ်ထားပြီး အွန်လိုင်းကတဆင့် လိမ်လည်မှုတွေ မြင့်တက်လာခဲ့ပြီးနောက် တရုတ်အစိုးရဟာ မြန်မာနယ်စပ်ဒေသမှာ လှုပ်ရှားနေတဲ့ အွန်လိုင်းကတဆင့် ရာဇဝတ်မှုကျူးလွန်နေတဲ့ လိမ်လည်နေတဲ့ဂိုဏ်းတွေကို ဖြိုခွင်းဖို့ မြန်မာ၊ ထိုင်း၊ လာအိုတို့နဲ့ ပူးပေါင်းဆောင်ရွက်မှုအရှိန်မြင့်လာခဲ့ကြောင်း သိရပါတယ်။