ရုရှားနိုင်ငံက မြန်မာ အပါအဝင် အာဆီယံအဖွဲ့ဝင်နိုင်ငံများ ပူးပေါင်းပါဝင်မည့် အကြမ်းဖက်မှုတန်ပြန်နှိမ်နှင်းရေးလေ့ကျင့်ခန်းကို အိမ်ရှင်အဖြစ် လက်ခံကျင်းပသွားမည်
ဂျန်ဇက် (NSS) - စက်တင်ဘာ ၂၂
ရုရှားနိုင်ငံသည် မြန်မာ အပါအဝင် အာဆီယံအဖွဲ့ဝင်နိုင်ငံများ၏ တပ်ဖွဲ့ဝင်များ ပူးပေါင်းပါဝင်မည့် နိုင်ငံတကာ အကြမ်းဖက်မှုနှိမ်နင်းရေးလေ့ကျင့်ခန်းကို လာမည့်ရက်ပိုင်းအတွင်း အိမ်ရှင်အဖြစ် လက်ခံကျင်းပသွားမည်ဖြစ်ကြောင်း သိရသည်။
ရုရှားနိုင်ငံသည် အဆိုပါလေ့ကျင့်ခန်းကို စက်တင်ဘာ ၂၅ ရက်မှ ၃ဝ ရက်အထိ ၅ ရက်ကြာ Primorye ဒေသရှိ Ussuriysk မြို့ နှင့် Vladivostok မြို့တို့တွင် လုပ်ဆောင်သွားမည်ဖြစ်ကြောင်း သိရသည်။ အာဆီယံအဖွဲ့ဝင်နိုင်ငံ များ၏ ADMM-Plus အစီအစဉ်အရ အာဆီယံနှင့် မိတ်ဖက်နိုင်ငံများကြား ပြုလုပ်သော လေ့ကျင့်ခန်းဖြစ်ကြောင်း သိရသည်။
အာဆီယံအဖွဲ့ဝင်နိုင်ငံများ နှင့် ဆွေးနွေးမှုမိတ်ဖက်နိုင်ငံများ ADMM-Plus ၏ အကြမ်းဖက်မှုနှိမ်နှင်းရေး လေ့ကျင့်ခန်းများ နှင့် ဆွေးနွေးမှုများကို ယခုနှစ်တွင် မြန်မာနှင့် ရုရှားတို့က ပူးတွဲသဘာပတိများအဖြစ် တာဝန်ယူခွင့်ရခဲ့ပြီး မြန်မာနိုင်ငံတွင် သြဂုတ်လက ADMM-Plus EWG on CT Table-Top Exercise စားပွဲတင် လေ့ကျင့်ခန်းဆွေးနွေးပွဲများကို ကျင်းပခဲ့ကြသည်။
ရုရှားကာကွယ်ရေးဝန်ကြီးဌာနက "ADMM-Plus အဖွဲ့ဝင်နိုင်ငံများ မှ တပ်ဖွဲ့ဝင်များ ပူးပေါင်းပါဝင်မယ့် အကြမ်းဖက်မှုတန်ပြန်နှိမ်နင်းရေးလေ့ကျင့်ခန်းတွေကို စက်တင်ဘာလအတွင်း ရုရှားပိုင်နက် ပရီမိုရီဒေသမှာ ကျင်းပမှာဖြစ်ပါတယ်" ဟု ပြောသည်။
ADMM-Plus အဖွဲ့သည် အာဆီယံအဖွဲ့ဝင်နိုင်ငံများ နှင့် ဆွေးနွေးမှုမိတ်ဖက်နိုင်ငံများဖြစ်သော သြစတြေးလျ၊ အိန္ဒိယ၊ တရုတ်၊ နယူးဇီလန်၊ တောင်ကိုရီးယား၊ ရုရှား၊ အမေရိကန် နှင့် ဂျပန်တို့ ပူးပေါင်းပါဝင်ကာ ၂ဝ၁ဝ ပြည့်နှစ်တွင် ဖွဲ့စည်းခဲ့ကြောင်း သိရသည်။
ရုရှား နှင့် မြန်မာနိုင်ငံတို့ ဦးဆောင်ပြီး ယခုနှစ်တွင် ADMM-Plus အစည်းအဝေးများ၊ လေ့ကျင့်ခန်းများ ကျင်းပနေခြင်းအပေါ် နိုင်ငံတကာအဖွဲ့အစည်းများက ဝေဖန်ပြစ်တင်ခဲ့သော်လည်း အစီအစဉ်များအတိုင်း ကျင်းပနိုင်ခဲ့ပြီး မြန်မာနိုင်ငံတွင် သြဂုတ်လ နှင့် ရုရှားနိုင်ငံတွင် စက်တင်ဘာလအတွင်း အစီအစဉ်အတိုင်း ကျင်းပသွားမည်ဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မူးယစ်ဆေး- ကုသရန်ခက်ခဲသော ကာလသားရောဂါများ၊ ဗီယက်နမ် ရိုစ်နှင့် ကမ္ဘာကျော်သည့် အမေရိကန်စစ်တပ်
RELATED POSTS
23 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ