ကမ္ဘာမှာ ကိုလိုနီပြုကျင့်ခြင်း၊ ကျွန်ပြုခဲ့ခြင်းတွေနဲ့ပတ်သက်ပြီး ဘယ်နိုင်ငံမှတာဝန်ယူခြင်း၊တာဝန်ခံခြင်းမျိုး မရှိသေးကြောင်း ကုလသမဂ္ဂအတွင်းရေးမှူးချုပ်ဝေဖန်
ဂျန်ဇက် (NSS) - စက်တင်ဘာ ၂ဝ
အတိတ်တုန်းက ကမ္ဘာမှာကိုလိုနီပြုကျင့်ခြင်း၊ ကျွန်ပြုခဲ့ခြင်းတွေနဲ့ပတ်သက်ပြီး တာဝန်ယူခြင်း၊ တာဝန်ခံခြင်းရှိတဲ့ နိုင်ငံမျိုး မရှိသေးကြောင်း ကုလသမဂ္ဂအတွင်းရေးမှူးချုပ် ဂူတာရက်စ်က ထုတ်ဖော်ပြောဆိုလိုက်ပါတယ်။
အာဖရိကတိုက်ရှိ မျိုးနွယ်များအပေါ် ကျွန်ပြုခြင်း၊ ကိုလိုနီပြုကျင့်ခြင်းတွေအတွက် ဘဏ္ဍာရေးအရ လျော်ကြေးပေးခြင်းအပါအဝင် အတိုင်းအတာတစ်ခုအထိ ဆောင်ရွက်ပေးဖို့ အကြံပေးလိုကြောင်း ဂူတာရက်စ်က ထုတ်ဖော်ပြောဆိုလိုက်ပါတယ်။ ကိုလိုနီပြုကျင့်ခံရတဲ့နိုင်ငံတွေ၊ ကျွန်အဖြစ် ခိုင်းစေခံရမှုတွေဟာ လက်ရှိအချိန်မှာ ကုန်ဆုံးသွားပေမယ့် ကျွန်အဖြစ် ပြုခံရသူတွေဟာ ၎င်းတို့ရင်ဆိုင်ရတဲ့အခက်အခဲများအတွက် အကြွေးများရစရာရှိနေဆဲဖြစ်ကြောင်း ဂူတာရက်စ်က ပြောပါတယ်။
ဂူတာရက်စ်က "အာဖရိတိုက်မှာ လူပေါင်း သန်း ၃၀ လောက် အကြမ်းဖက်ခံရတာတွေ၊ ကျွန်အဖြစ်ခိုင်းစေခံရတာတွေရှိခဲ့တယ်။ ဒါပေမယ့် အဲဒီလုပ်ရပ်တွေနဲ့ပတ်သက်ပြီး တာဝန်ယူတဲ့ နိုင်ငံမရှိသေးဘူး။ အဲဒီလိုမျိုးကျွန်ပြုခဲ့ခြင်းနဲ့ ပတ်သက်ပြီး ကျွန်ပြုခံရသူတွေအတွက် ဖြေရှင်းကူညီတာတွေ လုပ်ဆောင်ပေးသင့်တယ်"လို့ပြောပါတယ်။
အာဖရိက နဲ့ ကာရစ်ဘီယံဒေသအစိုးရတွေနဲ့ တက်ကြွလှုပ်ရှားသူတွေဟာ ၎င်းတို့ရဲ့နိုင်ငံတွေ၊ ကိုလိုနီအဖြစ် သိမ်း ပိုက်ခံရခြင်းတွေ၊ ကျွန်ပြုခံရခြင်းတွေနဲ့ပတ်သက်ပြီး တာဝန်ယူခြင်း၊ တာဝန်ခံခြင်းရှိဖို့ ဆယ်စုနှစ်ချီတောင်းဆိုမှုတွေရှိခဲ့ကြောင်းသိရပါတယ်။
ဂျမေကာအစိုးရ တာဝန်ရှိသူတစ်ဦးက ၎င်းတို့ဟာ ကျွန်ပြုခံရခြင်းတွေနဲ့ပတ်သက်ပြီး ဗြိတိန်အစိုးရထံကနေ အမေရိကန်ဒေါ်လာ (၁၀ ဒသမ ၄)ဘီလျံလျော်ကြေးတောင်းခံထားကြောင်းဆိုပါတယ်။ ဗြိတိန် နဲ့ စပိန်နိုင်ငံတွေဟာ အာဖရိကတိုက်လူမျိုးတွေကို စိုက်ပျိုးရေးလုပ်ငန်းတွေနဲ့ လူချမ်းသာတွေရဲ့အိမ်မှာအစေခံအဖြစ် ခိုင်းစေမှုတွေရှိခဲ့ကြောင်းသိရပါတယ်။ ဘရာဇီးသမ္မတက ကိုလိုနီအဖြစ် သိမ်းပိုက်ခံရချိန်နဲ့ ကျွန်ပြုခံရချိန်ကာလအတွင်း အဲဒီနိုင်ငံသားတွေရဲ့ ဖွံ့ဖြိုးတိုးတက်မှုများစွာလျော့ကျခဲ့ပြီး အာဖရိကနိုင်ငံတွေကို စက်မှု၊ စိုက်ပျိုးရေး နဲ့ နည်းပညာပိုင်းဆိုင်ရာ လိုအပ်တာတွေ ကူညီပေးမယ်လို့ ဇူလိုင်လတုန်းက ပြောခဲ့ဖူးပါတယ်။
ဂူတာရက်စ်က ကမ္ဘာ့နိုင်ငံတွေဟာ လက်ရှိအချိန်မှာအတိတ်တုန်းက ကျွန်ပြုခံရတာတွေနဲ့ပတ်သက်ပြီး လျော်ကြေးနစ်ကြေးပေးဖို့ တောင်းဆိုနေတဲ့နိုင်ငံတွေအတွက် သီးခြားသတ်မှတ်မှုတွေရှိရတော့မှာဖြစ်ကြောင်း ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဆူဒန်နိုင်ငံမှာဖြစ်ပွားနေတဲ့ လက်နက်ကိုင်ပဋိပက္ခတွေကြောင့် ကလေးငယ်များနေ့စဉ် သေဆုံးနေရ
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း